ಅಮೆರಿಕದ ಕ್ಯಾಲಿಫೋರ್ನಿಯಾದ ಪ್ರದೇಶವೊಂದರ ವಿಶೇಷತೆಯನ್ನ ಹೈಲೈಟ್ ಮಾಡಿದ ಕಾರಣಕ್ಕಾಗಿ ಟಿಕ್ಟಾಕ್ನಲ್ಲಿ ಶೇರ್ ಮಾಡಲಾದ ವಿಡಿಯೋವೊಂದು ಸೋಶಿಯಲ್ ಮೀಡಿಯಾದ ಇತರೆ ವೇದಿಕೆಗಳಲ್ಲೂ ವೈರಲ್ ಆಗ್ತಿದೆ.
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆದ ವಿಡಿಯೋದಲ್ಲಿ, ಎಂದಾದರೂ ವಿಶ್ವದ ಕೇಂದ್ರಕ್ಕೆ ಭೇಟಿ ನೀಡಿದ್ದೀರಾ..? ಎಂದು ಶೀರ್ಷಿಕೆ ನೀಡಲಾಗಿದೆ. ವಿಶ್ವದ ಕೇಂದ್ರ ಎಂದು ಕರೆಯಲಾಗುವ ಈ ಪ್ರದೇಶದಲ್ಲಿ ಕೇವಲ ಇಬ್ಬರು ಮಂದಿ ಇದ್ದಾರೆ.
ಈ ವಿಡಿಯೋದಲ್ಲಿ ಹ್ಯಾಲೋವನ್ ಸೌಂಡ್ ಎಫೆಕ್ಟ್, ಘಂಟೆ, ಚರ್ಚ್ ಹಾಗೂ ಸ್ಮಶಾನವನ್ನ ಕಾಣಬಹುದಾಗಿದೆ. ಇದು ಮಾತ್ರವಲ್ಲದೇ ಜಟಿಲವಾದ ಮೆಟ್ಟಿಲೂ ಸಹ ಇಲ್ಲಿ ಇರೋದನ್ನ ನೀವು ಕಾಣಬಹುದಾಗಿದೆ.
ಇಲ್ಲಿನ ಇಬ್ಬರು ನಿವಾಸಿಗಳು ಅಂದರೆ ಸ್ಥಾಪಕ ಹಾಗೂ ಮೇಯರ್ ಜಾಕ್ವೆಸ್ ಆಂಡ್ರೆ ಹಾಗೂ ಅವರ ಪತ್ನಿ ಫೆಲಿಷಿಯಾ ಆಗಿದ್ದಾರೆ. ಈ ದಂಪತಿಯ ಪ್ರಕಾರ ಫೆಲಿಸಿಟಿ ವಿಶ್ವದ ಕೇಂದ್ರವಾಗಿದೆ.
ಈಗಾಗಲೇ ಸಾಕಷ್ಟು ಸ್ಥಳಗಳು ವಿಶ್ವದ ಕೇಂದ್ರ ಎಂದು ಹೇಳಿಕೊಂಡಿವೆ. ಆದರೆ ಇತರೆ ಎಲ್ಲಾ ಸ್ಥಳಗಳಿಗಿಂತ ಈ ಪ್ರದೇಶವು ವಿಶ್ವದ ಕೇಂದ್ರ ಎಂದು ಹೇಳಿಕೊಳ್ಳುವಲ್ಲಿ ಕೊಂಚ ಮುನ್ನಡೆ ಸಾಧಿಸಿದೆ. ಏಕೆಂದರೆ ಕ್ಯಾಲಿಫೋರ್ನಿಯಾದ ಇಂಪೀರಿಯಲ್ ಕೌಂಟಿ ಹಾಗೂ ಫ್ರೆಂಚ್ ಸರ್ಕಾರ ಇದನ್ನ ವಿಶ್ವದ ಕೇಂದ್ರ ಎಂದು ಒಪ್ಪಿಕೊಂಡಿದೆ. 1985ರ ಮೇ ತಿಂಗಳಲ್ಲಿ ಇಂಪಿರಿಯಲ್ ಕೌಂಟಿ ಬೋರ್ಡ್ ಫೆಲಿಸಿಟಿಯನ್ನ ವಿಶ್ವ ಕೇಂದ್ರವೆಂದು ಅಧಿಕೃತವಾಗಿ ಹೇಳಿದೆ.
Loading ...