ಕೊರೊನಾ ಮೂರನೇ ಅಲೆ ಮಕ್ಕಳ ಮೇಲೆ ಹೆಚ್ಚಿನ ಪರಿಣಾಮ ಬೀರಬಲ್ಲದು ಎಂಬ ತಜ್ಞರ ಮುನ್ಸೂಚನೆಯ ಬೆನ್ನಲ್ಲೇ ಮುಂಬೈ ಮಹಾನಗರ ಪಾಲಿಕೆ ಮಕ್ಕಳ ಮೇಲೆ ಕೋವಿಡ್ ಸೋಂಕಿನ ಬಗ್ಗೆ ಹೆಚ್ಚಿನ ಗಮನ ನೆಟ್ಟಿದೆ. ಕಳೆದ ತಿಂಗಳು ಹಾಗೂ ಈ ತಿಂಗಳಲ್ಲಿ ಕೊರೊನಾ ಸೋಂಕಿಗೆ ತುತ್ತಾದ ಮಕ್ಕಳ ಸಂಖ್ಯೆಯ ಮೇಲೆ ಅಧ್ಯಯನ ನಡೆಸಲಾಗ್ತಿದೆ.
ಬಿಎಂಸಿ ನೀಡಿರುವ ಮಾಹಿತಿಯ ಪ್ರಕಾರ ಆಗಸ್ಟ್ 15ರವರೆಗೆ ಮುಂಬೈನಲ್ಲಿ 18 ವರ್ಷದೊಳಗಿನ 365 ಮಂದಿ ಸೋಂಕಿಗೆ ಒಳಗಾಗಿದ್ದಾರೆ. ನಗರದ ಒಟ್ಟು ಪ್ರಕರಣದಲ್ಲಿ ಈ ಪಾಲು 9 ಪ್ರತಿಶತವಾಗಿದೆ.
ಬಿಎಂಸಿ ಮೂಲಗಳ ಪ್ರಕಾರ ಜುಲೈನಲ್ಲಿ ಅಪ್ರಾಪ್ತರಲ್ಲಿ ಕೊರೊನಾ ಸೋಂಕು 5 ಪ್ರತಿಶತವಿದ್ದರೆ ಆಗಸ್ಟ್ ಮಧ್ಯಭಾಗದಲ್ಲಿ ಈ ಪ್ರಮಾಣ 4 ಪ್ರತಿಶತ ಏರಿಕೆ ಕಂಡಿದೆ.
ಬಿಎಂಸಿ ಮಾಹಿತಿ ಪ್ರಕಾರ ಅಪ್ರಾಪ್ತರಲ್ಲಿ 91 ಪ್ರತಿಶತ ಕೊರೊನಾ ಪ್ರಕರಣಗಳು ಬಿಲ್ಡಿಂಗ್ನಲ್ಲಿ ವಾಸಿಸುವರಲ್ಲಿ ಹಾಗೂ 9 ಪ್ರತಿಶತ ಸ್ಲಂ ಹಾಗೂ ವಠಾರ ವಾಸಿಗಳಲ್ಲಿ ಕಂಡುಬಂದಿದೆ ಎನ್ನಲಾಗಿದೆ.
ಕೊರೊನಾ ಸೋಂಕಿಗೆ ತುತ್ತಾದ ಅಪ್ರಾಪ್ತರಲ್ಲಿ 12 ರಿಂದ 18 ವರ್ಷ ಪ್ರಾಯದವರೇ ಹೆಚ್ಚಿದ್ದಾರೆ. ಆಗಸ್ಟ್ 1 ರಿಂದ ಆಗಸ್ಟ್ 15ರವರೆಗೆ ಒಟ್ಟು 9 ಪ್ರತಿಶತ ಅಪ್ರಾಪ್ತರಲ್ಲಿ ಕೊರೊನಾ ವರದಿಯಾಗಿದ್ದು ಇದರಲ್ಲಿ ಈ ವಯಸ್ಸಿನವರು 6 ಪ್ರತಿಶತ ಇದ್ದಾರೆ.
Loading ...