BREAKING: ಮತ್ತೆ ಕಂಪಿಸಿದ ನೇಪಾಳ: ಕಠ್ಮಂಡುವಿನಲ್ಲಿ 4.1 ತೀವ್ರತೆಯ ಭೂಕಂಪ

ಕಠ್ಮಂಡು: ಮಂಗಳವಾರ ಮುಂಜಾನೆ 4:17 ಕ್ಕೆ ನೇಪಾಳದ ಕಠ್ಮಂಡುವಿನಲ್ಲಿ ರಿಕ್ಟರ್ ಮಾಪಕದಲ್ಲಿ 4.1 ತೀವ್ರತೆಯ ಭೂಕಂಪ ಸಂಭವಿಸಿದೆ ಎಂದು ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರ(ಎನ್‌ಸಿಎಸ್) ತಿಳಿಸಿದೆ.

ಪ್ರಾಥಮಿಕ ಮಾಹಿತಿ ಪ್ರಕಾರ, ಯಾವುದೇ ಆಸ್ತಿ ಹಾನಿ ಅಥವಾ ಸಾವುನೋವುಗಳು ಇಲ್ಲಿಯವರೆಗೆ ವರದಿಯಾಗಿಲ್ಲ.

ಈ ಪ್ರದೇಶವು ರಿಕ್ಟರ್ ಮಾಪಕದಲ್ಲಿ 4.3 ತೀವ್ರತೆಯ ಆಘಾತಗಳನ್ನು ಅನುಭವಿಸಿದ ಎರಡು ದಿನಗಳ ನಂತರ ಮತ್ತೆ ಕಂಪನ ಉಂಟಾಗಿದೆ. ಭಾನುವಾರ, ಹಿಮಾಲಯ ದೇಶದ ಜನರು 24 ಗಂಟೆಗಳಿಗಿಂತ ಕಡಿಮೆ ಅವಧಿಯಲ್ಲಿ ಎರಡನೇ ಕಂಪನವನ್ನು ಅನುಭವಿಸಿದ್ದಾರೆ.