ಮಾಲೀಕನ ಪ್ರಾಣ ಕಾಪಾಡಲು ಈ ಶ್ವಾನ ಮಾಡಿದ ಕಾರ್ಯ ಕೇಳಿದ್ರೆ ಬೆರಗಾಗ್ತೀರಿ…! 07-07-2021 8:26PM IST / No Comments / Posted In: Latest News, Live News, International ಶ್ವಾನಗಳು ಮನುಷ್ಯನ ಉತ್ತಮ ಸ್ನೇಹಿತರು. ಈಜೋದು ಅಂದರೆ ಏನು ಅನ್ನೋದೇ ತಿಳಿದಿರದ ಶ್ವಾನವೊಂದು ನೀರಿನಲ್ಲಿ ಮುಳುಗುವಂತೆ ನಾಟಕ ಮಾಡುತ್ತಿದ್ದ ಮಾಲೀಕನ ಪ್ರಾಣ ಕಾಪಾಡಲು ನೀರಿಗೆ ಧುಮುಕಿದೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. 26 ಸೆಕೆಂಡ್ಗಳ ವಿಡಿಯೋವನ್ನ ಟ್ವಿಟರ್ನಲ್ಲಿ ಶೇರ್ ಮಾಡಲಾಗಿದೆ. ಈ ವಿಡಿಯೋದಲ್ಲಿ ಸಾಕಷ್ಟು ಮಂದಿ ಪೂಲ್ನಲ್ಲಿ ಎಂಜಾಯ್ ಮಾಡುತ್ತಿದ್ದರು. ಇದೇ ಪೂಲ್ನಲ್ಲಿದ್ದ ವ್ಯಕ್ತಿಯೊಬ್ಬ ನೀರಿನಲ್ಲಿ ಮುಳುಗಿದಂತೆ ನಾಟಕ ಮಾಡಿದ್ದಾರೆ. ಮಾಲೀಕ ಕಷ್ಟಪಡುತ್ತಿದ್ದಾನೆ ಎಂದು ಭಾವಿಸಿದ ಶ್ವಾನವು ತನಗೆ ಈಜಲು ಬರುತ್ತದೋ ಇಲ್ಲವೋ ಎಂಬುದನ್ನೂ ಲೆಕ್ಕಿಸದೇ ನೀರಿಗೆ ಜಿಗಿದಿದೆ. ಶ್ವಾನವು ನೀರಿಗೆ ಜಿಗಿಯುತ್ತಿದ್ದಂತೆಯೇ ಅದರ ಮಾಲೀಕ ಶ್ವಾನವನ್ನ ಹಿಡಿದುಕೊಂಡು ಅದನ್ನ ಬಿಗಿದಪ್ಪಿಕೊಂಡಿದ್ದಾನೆ. ʼನನ್ನ ಶ್ವಾನವು ನನ್ನನ್ನ ಎಷ್ಟು ಪ್ರೀತಿ ಮಾಡುತ್ತದೆ ಎಂಬುದನ್ನ ಅರಿತುಕೊಂಡೆʼ ಎಂದು ಈ ವಿಡಿಯೋಗೆ ಶೀರ್ಷಿಕೆ ನೀಡಲಾಗಿದೆ. ಈ ವಿಡಿಯೋ 3.5 ಲಕ್ಷಕ್ಕೂ ಅಧಿಕ ವೀವ್ಸ್ ಸಂಪಾದಿಸಿದೆ. Learned how much boogie loves me today ?? pic.twitter.com/8wo4BPrm3M — SacManSpin⚡️ (@SpinnerAlmighty) July 5, 2021