ದೆಹಲಿ ಸಿಎಂ ಅರವಿಂದ್​ ಕೇಜ್ರಿವಾಲ್​ರನ್ನು ಭೇಟಿಯಾದ ಕಂಚಿನ ಹುಡುಗ ಭಜರಂಗ್ ಪೂನಿಯಾ

ಹರಿಯಾಣದ ಕುಸ್ತಿಪಟು ಭಜರಂಗ್​ ಪೂನಿಯಾ, ಕಜಗಿಸ್ತಾನದ ಡೌಲೆಟ್​ ನಿಯಾಜ್ಬೆಕೊವ್​ರನ್ನು ಸೋಲಿಸಿ ಟೋಕಿಯೋ ಒಲಿಂಪಿಕ್​ನಲ್ಲಿ ಕಂಚಿನ ಪದಕವನ್ನು ಸಂಪಾದಿಸುವಲ್ಲಿ ಯಶಸ್ವಿಯಾಗಿದ್ದರು. ಇದು ಭಜರಂಗ್​ ಪೂನಿಯಾರ ಚೊಚ್ಚಲ ಒಲಿಂಪಿಕ್​ ಪದಕವಾಗಿದೆ.

ಒಲಿಂಪಿಕ್​​ ಕಂಚಿನ ಪದಕ ವಿಜೇತ ಭಜರಂಗ್​ ಪೂನಿಯಾರನ್ನು ಇಂದು ನನ್ನ ನಿವಾಸದಲ್ಲಿ ಭೇಟಿಯಾಗಿದ್ದಕ್ಕೆ ಖುಷಿಯಾಗಿದೆ ಎಂದು ದೆಹಲಿ ಸಿಎಂ ಅರವಿಂದ್​ ಕೇಜ್ರಿವಾಲ್​ ಟ್ವಿಟರ್​ನಲ್ಲಿ ಬರೆದುಕೊಂಡಿದ್ದಾರೆ. ಪೂನಿಯಾ ದೇಶಕ್ಕೆ ಹೆಮ್ಮೆ ತರುವಂತಹ ಕೆಲಸ ಮಾಡಿದ್ದಾರೆ. ಇವರು ದೇಶದ ಯುವಜನತೆಯ ಪಾಲಿಗೆ ಸ್ಫೂರ್ತಿಯ ಚಿಲುಮೆಯಾಗಿದ್ದಾರೆ ಎಂದು ಕೇಜ್ರಿವಾಲ್​ ಹೇಳಿದ್ದಾರೆ.