Chandrayaan-3 : `ಚಂದ್ರನ ಮೇಲೆ ಭಾರತ ನಡೆದಾಡುತ್ತಿದೆ’ : `ಪ್ರಜ್ಞಾನ್ ರೋವರ್’ ಕಾರ್ಯ ಆರಂಭ

ಬೆಂಗಳೂರು : ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಮಹತ್ವಾಕಾಂಕ್ಷೆಯ ಚಂದ್ರಯಾನ -3 ಮಿಷನ್ ಭಾರಿ ಯಶಸ್ಸನ್ನು ಕಂಡಿದೆ. ಚಂದ್ರನ ಮೇಲೆ ಇಸ್ರೋದ ಪ್ರಯೋಗ ಯಶಸ್ವಿಯಾಗಿದೆ. ಇದೀಗ ವಿಕ್ರಮ್ ಲ್ಯಾಂಡರ್ ನಿಂದ ಪ್ರಜ್ಞಾನ್ ರೋಹರ್ ಯಶಸ್ವಿಯಾಗಿ ಹೊರಬಂದಿದ್ದು, ತನ್ನ ಕಾರ್ಯ ಆರಂಭಿಸಿದೆ.

ಈ ಕುರಿತು ಟ್ವೀಟ್ ಮಾಡಿರುವ ಇಸ್ರೋ, ಚಂದ್ರಯಾನ -3 ರೋವರ್, ಮೇಡ್ ಇನ್ ಇಂಡಿಯಾ ಚಂದ್ರನಿಗಾಗಿ ತಯಾರಿಸಲಾಗಿದೆ!ಸಿಎಚ್ -3 ರೋವರ್ ಲ್ಯಾಂಡರ್ ನಿಂದ ಕೆಳಕ್ಕೆ ಇಳಿಯಿತು ಮತ್ತು ಭಾರತವು ಚಂದ್ರನ ಮೇಲೆ ನಡೆದಾಡಿತು! ಶೀಘ್ರದಲ್ಲೇ ಹೆಚ್ಚಿನ ಮಾಹಿತಿ ನೀಡಲಾಗುವುದು ಎಂದು ಇಸ್ರೋ ಮಾಹಿತಿ ನೀಡಿದೆ.

ಲ್ಯಾಂಡರ್ ಬುಧವಾರ (ಆಗಸ್ಟ್ 23) ಚಂದ್ರನ ಮೇಲ್ಮೈಯಲ್ಲಿ ಸುರಕ್ಷಿತವಾಗಿ ಇಳಿಯಿತು. ಇದರೊಂದಿಗೆ ಲ್ಯಾಂಡರ್ ಇಳಿಸಿದ ವಿಶ್ವದ ನಾಲ್ಕನೇ ದೇಶ ಎಂಬ ಹೆಗ್ಗಳಿಕೆಗೆ ಭಾರತ ಪಾತ್ರವಾಗಿದೆ. ರಷ್ಯಾದ ಲ್ಯಾಂಡರ್ ಲೂನಾ 25 ವಿಫಲವಾದ ಸ್ಥಳದಲ್ಲಿಯೇ ಭಾರತದ ಚಂದ್ರ ಯಶಸ್ವಿಯಾಗಿ ಇಳಿದಿರುವುದು ದೇಶಕ್ಕೆ ಹೆಮ್ಮೆಯ ವಿಷಯವಾಗಿದೆ.ಸುಮಾರು 41 ದಿನಗಳ ಕಾಲ ಭೂಮಿಯಿಂದ ಚಂದ್ರನಿಗೆ ಪ್ರಯಾಣಿಸಿದ ಚಂದ್ರಯಾನ -3 ಮಿಷನ್ ಮಿಷನ್ನ ಭಾಗವಾಗಿ ಲ್ಯಾಂಡರ್ ಮಾಡ್ಯೂಲ್ ‘ವಿಕ್ರಮ್’ ಬುಧವಾರ ಸಂಜೆ 6.04 ರ ಸುಮಾರಿಗೆ ಚಂದ್ರನ ಮೇಲೆ ಇಳಿಯಿತು.