ಒಲಿಂಪಿಕ್​​ನಲ್ಲಿ ಚಿನ್ನದ ಪದಕ ಗೆದ್ದರೆ ಪತ್ನಿಗೆ ಈ ಉಡುಗೊರೆ ನೀಡ್ತಾರಂತೆ ಭಾರತೀಯ ಹಾಕಿ ತಂಡದ ನಾಯಕ..!

ಟೋಕಿಯೋ ಒಲಿಂಪಿಕ್​​ನಲ್ಲಿ ಭಾರತವು ಪದಕದ ಬೇಟೆಯನ್ನು ಮುಂದುವರಿಸಿದೆ. ಸ್ಪೇನ್​ ವಿರುದ್ಧ ಭರ್ಜರಿ ಜಯ ಸಾಧಿಸುವ ಮೂಲಕ ಭಾರತೀಯ ಹಾಕಿ ತಂಡ ಪದಕದ ಆಸೆಯನ್ನು ಜೀವಂತವಾಗಿರಿಸಿದೆ. ಹಾಕಿ ತಂಡದ ನಾಯಕ ಮನಪ್ರೀತ್​ ಸಿಂಗ್​, ಮನ್​ದೀಪ್​ ಸಿಂಗ್​  ಹಾಗೂ ಹಾರ್ದಿಕ್​ ಸಿಂಗ್​ ಈ ಬಾರಿ ಪದಕ ಗೆದ್ದರೆ ಕುಟುಂಬಸ್ಥರಿಗೆ ಭರ್ಜರಿ ಉಡುಗೊರೆಗಳನ್ನ ನೀಡುವ ಭರವಸೆ ನೀಡಿದ್ದಾರಂತೆ.

ಒಲಿಂಪಿಕ್​ನಲ್ಲಿ ಚಿನ್ನದ ಪದಕವನ್ನ ಸಂಪಾದಿಸುವಲ್ಲಿ ಭಾರತದ ಹಾಕಿ ತಂಡ ಯಶಸ್ವಿಯಾದಲ್ಲಿ ಮನಪ್ರೀತ್​ ಸಿಂಗ್​​ ಪತ್ನಿಗೆ ರೇಂಜ್​ ರೋವರ್​ ಕಾರನ್ನು ಉಡುಗೊರೆಯಾಗಿ ನೀಡೋದಾಗಿ ಹೇಳಿದ್ದಾರಂತೆ. ಅಂದಹಾಗೆ ಮನ್​ಪ್ರೀತ್​ ಸಿಂಗ್​ ತಮ್ಮ ವಿವಾಹ ಸಂದರ್ಭದಲ್ಲೇ ಪತ್ನಿಗೆ ಈ ಆಶ್ವಾಸನೆ ನೀಡಿದ್ದರಂತೆ.

ಮನ್​ಪ್ರೀತ್​ ತಮ್ಮ ಪತ್ನಿ ಇಲಿಯವರನ್ನ ಮೊದಲ ಬಾರಿಗೆ 2012ರ ಸುಲ್ತಾನ್​ ಜೋಹರ್​ ಕಪ್​​ ಪಂದ್ಯಾವಳಿಯಲ್ಲಿ ಭೇಟಿಯಾಗಿದ್ದರಂತೆ. ಈ ಸಮಯದಲ್ಲಿ ಮನ್​ಪ್ರೀತ್​​​ ಭಾರತದ ಕಿರಿಯ ಆಟಗಾರರ ತಂಡದ ನಾಯಕರಾಗಿದ್ದರು.

ಇಲಿಯವರು ಈ ಪಂದ್ಯವನ್ನ ವೀಕ್ಷಿಸಲು ಆಗಮಿಸಿದ್ದರು. ಇದಾದ ಬಳಿಕ ಇವರ ನಡುವೆ ಪ್ರೇಮಾಂಕುರವಾಗಿತ್ತು ಹಾಗೂ ಈ ಜೋಡಿ ಕಳೆದ ವರ್ಷ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದೆ. ಅಲ್ಲೇ ಹಾಕಿ ಆಟಗಾರ ಮನ್​ಪ್ರೀತ್​ ಸಿಂಗ್​ ತಮ್ಮ ಕುಟುಂಬ ಸದಸ್ಯರ ಸಮ್ಮುಖದಲ್ಲಿ ಒಲಿಂಪಿಕ್​ನಲ್ಲಿ ತಾವು ಚಿನ್ನದ ಪದಕ ಗೆಲ್ಲುವಲ್ಲಿ ಯಶಸ್ವಿಯಾದರೆ ಪತ್ನಿಗೆ  ಮರ್ಸಿಡಿಸ್​​ ಕಾರನ್ನ ಗಿಫ್ಟ್​ ಆಗಿ ನೀಡುವ ಪ್ರತಿಜ್ಞೆ ಮಾಡಿದ್ದರು.

ಇತ್ತ ಹಾರ್ದಿಕ್​ ಸಿಂಗ್​ ತಾವು ಒಲಿಂಪಿಕ್​ನಲ್ಲಿ ಚಿನ್ನದ ಪದಕವನ್ನ ಗೆದ್ದ ದಿನ ತಮ್ಮ ಗಾಡಿಗೆ ಒಲಿಂಪಿಕ್​ ರಿಂಗ್​ನ ಮಾದರಿಯನ್ನ ಅಳವಡಿಸೋದಾಗಿ ಸೋದರನ ಬಳಿ ಹೇಳಿಕೊಂಡಿದ್ದಾರಂತೆ. ಇವರ ತಾಯಿ ಕೂಡ ಕಮಲ್​ಜೀತ್​ ಹಾಗೂ ಹಾರ್ದಿಕ್​​ಗಾಗಿ ಚಿನ್ನದ ಸರವನ್ನ ಖರೀದಿ ಮಾಡಿದ್ದು ಟೋಕಿಯೋದಿಂದ ವಾಪಸ್ಸಾಗುತ್ತಿದ್ದಂತೆ ಅವರ ಕೊರಳಿಗೆ ತೊಡಿಸುವ ಅಭಿಲಾಷೆ ಹೊಂದಿದ್ದಾರೆ.