ಬಳ್ಳಾರಿ: ವಿದ್ಯುತ್ ಕಂಬ ಹತ್ತಿ ಲೈನ್ ದುರಸ್ತಿ ಮಾಡುತ್ತಿದ್ದಾಗ ದುರಂತ ಸಂಭವಿಸಿದ್ದು, ಕರೆಂಟ್ ಶಾಕ್ ಗೆ ಲೈನ್ ಮೆನ್ ನ ರುಂಡ-ಮುಂಡವೇ ಬೇರ್ಪಟ್ಟು ಬಿದ್ದಿರುವ ಘಟನೆ ಬಳ್ಳಾರಿಯಲ್ಲಿ ನಡೆದಿದೆ.
ಬಳ್ಳಾರಿ ಜಿಲ್ಲೆಯ ಕುರುಗೋಡು ತಾಲೂಕಿನ ದಮ್ಮೂರಿನಲ್ಲಿ ಈ ಘಟನೆ ನಡೆದಿದೆ. ಲೈನ್ ಮೆನ್ ಭದ್ರ ಮೃತ ವ್ಯಕ್ತಿ. ಇಂದು ಮುಂಜಾನೆ ಕರೆಂಟ್ ಕಂಬ ಹತ್ತಿದಾಗ ಈ ದುರಂತ ಸಂಭವಿಸಿದೆ.
ಖಾಸಗಿಯಾಗಿ ಲೈನ್ ಮೆನ್ ಕರೆಂಟ್ ಕಂಬ ಹತ್ತಿ ಕೆಲಸ ಮಾಡುತ್ತಿದ್ದ. ಈ ವೇಳೆ ಏಕಾಏಕಿ ವಿದ್ಯುತ್ ಪ್ರವಹಿಸಿದ್ದು, ಕರೆಂಟ್ ಶಾಕ್ ಗೆ ಲೈನ್ ಮೆನ್ ರುಂಡವೇ ತುಂಡಾಗಿ ಕೆಳಗೆ ಬಿದ್ದಿದೆ. ಅರ್ಧ ದೇಹ ಕರೆಂಟ್ ಕಂಬದಲ್ಲಿಯೇ ನೇತಾಡಿದೆ. ಘಟನಾ ಸ್ಥಳಕ್ಕೆ ಪೊಲೀಸರು ಹಾಗೂ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
Loading ...