Asian Games : ಭಾರತದ ಪುರುಷರ 4*100 ಮೀಟರ್ ಫ್ರೀಸ್ಟೈಲ್ ರಿಲೇ ತಂಡ ರಾಷ್ಟ್ರೀಯ ದಾಖಲೆ ಮುರಿದು ಫೈನಲ್ ಗೆ ಎಂಟ್ರಿ

ನವದೆಹಲಿ: 19 ನೇ ಏಷ್ಯನ್ ಕ್ರೀಡಾಕೂಟದಲ್ಲಿ ಭಾರತೀಯ ಈಜುಗಾರರು ಗುರುವಾರ ಎರಡು ರಾಷ್ಟ್ರೀಯ ದಾಖಲೆಗಳನ್ನು (ಎನ್ಆರ್) ಮುರಿಯುವ ಮೂಲಕ ರೋಚಕ ಪ್ರದರ್ಶನ ನೀಡಿದರು.

ಪುರುಷರ 4*100 ಮೀಟರ್ ಫ್ರೀಸ್ಟೈಲ್ ರಿಲೇ ವಿಭಾಗದಲ್ಲಿ ಶ್ರೀಹರಿ ನಟರಾಜ್, ತನೀಶ್ ಜಾರ್ಜ್ ಮ್ಯಾಥ್ಯೂ, ವಿಶಾಲ್ ಗ್ರೆವಾಲ್ ಮತ್ತು ಆನಂದ್ ಶೈಲಜಾ ಅವರನ್ನೊಳಗೊಂಡ ತಂಡ 3:21.22 ಸೆಕೆಂಡುಗಳಲ್ಲಿ ಗುರಿ ತಲುಪಿದರು. ನಟರಾಜ್, ಅನಿಲ್ ಕುಮಾರ್ ಶೈಲಜಾ, ಸಾಜನ್ ಪ್ರಕಾಶ್ ಮತ್ತು ವಿರ್ಧವಾಲ್ ಖಾಡೆ ಅವರನ್ನೊಳಗೊಂಡ ತಂಡ 3:23.72 ಸೆಕೆಂಡುಗಳಲ್ಲಿ ಗುರಿ ತಲುಪಿತು. ಈ ಸಾಧನೆಯನ್ನು ಸಾಧಿಸುವ ಮೂಲಕ, ನಾಲ್ವರು ಫೈನಲ್ ಗೆ ಪ್ರವೇಶಿಸಿದರು.

 ಭಾರತದ 4×100 ಮೀಟರ್ ಫ್ರೀಸ್ಟೈಲ್ ರಿಲೇ ತಂಡವು ಹೀಟ್ 2 ನಲ್ಲಿ ಮೂರನೇ ಸ್ಥಾನ ಮತ್ತು ದಕ್ಷಿಣ ಕೊರಿಯಾ, ಚೀನಾ, ಸಿಂಗಾಪುರ್ ಮತ್ತು ಜಪಾನ್ ನಂತರ ಒಟ್ಟಾರೆ ಐದನೇ ಸ್ಥಾನ ಪಡೆಯಿತು. ಹೀಟ್ 2ರಲ್ಲಿ ಭಾರತ ತಂಡ ಚೀನಾ ಮತ್ತು ಜಪಾನ್ ಕ್ರಮವಾಗಿ 3:17.17 ಮತ್ತು 3:18.32 ಸೆಕೆಂಡುಗಳಲ್ಲಿ ಗುರಿ ತಲುಪಿ ಮೂರನೇ ಸ್ಥಾನ ಪಡೆಯಿತು.