ಮೃತ ಯೋಧರ ತ್ಯಾಗ ನೆನೆದು ಪ್ರತಿದಿನ ಸಂಗೀತ ನುಡಿಸುವ ಹಿರಿಯ ಜೀವ

ಮೃತ ವೀರರ ತ್ಯಾಗವನ್ನು ಮರೆಯಬಾರದು ಎಂದು ಜೆಸ್ ಎಂಬ ಸೇನಾ ಯೋಧ ಪ್ರತಿನಿತ್ಯ ಟ್ರಂಪೆಟ್ ನಿಂದ ಸಂಗೀತ ನುಡಿಸುವ ಮೂಲಕ ಮಡಿದ ಯೋಧರನ್ನು ಸ್ಮರಿಸುತ್ತಾರೆ.

ಅವರು ಭಾವಪೂರ್ಣವಾಗಿ ಸಂಗೀತ ನುಡಿಸುವ ವೀಡಿಯೊವು ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡಿದ್ದು ನೋಡುಗರ ಹೃದಯ ಸೆಳೆದಿದೆ.

ವಿಡಿಯೋವನ್ನು ಗುಡ್ ನ್ಯೂಸ್ ಕರೆಸ್ಪಾಂಡೆಂಟ್ ಟ್ವಿಟರ್ ಹ್ಯಾಂಡಲ್‌ನಲ್ಲಿ ಪೋಸ್ಟ್ ಮಾಡಲಾಗಿದೆ.

“ಇವರು ಜೆಸ್, ಒಬ್ಬ ಅನುಭವಿ. ಪ್ರತಿ ಸಂಜೆ ಹವಾಮಾನದ ಹೊರತಾಗಿಯೂ ಅವರು ಸಂಗೀತದ ಸುಂದರ ನಿರೂಪಣೆಯನ್ನು ನುಡಿಸುವ ಮೂಲಕ ತಮ್ಮ ಮಡಿದ ಒಡನಾಡಿಗಳಿಗೆ ಗೌರವ ಸಲ್ಲಿಸುತ್ತಾರೆ” ಎಂದು ವೀಡಿಯೊದ ಜೊತೆಗೆ ಶೀರ್ಷಿಕೆಯನ್ನು ಬರೆಯಲಾಗಿದೆ. ಜೆಸ್ ಅವರು ತಮ್ಮ ಸಂಗೀತ ಗೌರವವನ್ನು ಮುಗಿಸುತ್ತಿದ್ದಂತೆ, ಜನರು ಅವರನ್ನು ಶ್ಲಾಘಿಸುತ್ತಾ ಚಪ್ಪಾಳೆ ತಟ್ಟುತ್ತಾರೆ . ಇದಕ್ಕೆ ಅವರು ಧನ್ಯವಾದಗಳು ಎಂದು ಹೇಳುವುದನ್ನು ಕೇಳಲಾಗುತ್ತದೆ.