ಊಟದ ಮಧ್ಯೆ ಇರಲಿ ʼಆರೋಗ್ಯʼ ಕಾಪಾಡುವ ಉಪ್ಪಿನಕಾಯಿ

ನೀವು ಉಪ್ಪಿನಕಾಯಿ ಪ್ರಿಯರೇ. ಹಾಗಾದರೆ ಹೆದರದಿರಿ. ನಿಮ್ಮ ಬಳಿ ಯಾವ ಕಾಯಿಲೆಯೂ ಸುಳಿಯದು. ಏಕೆಂದರೆ ನಿಮ್ಮ ರೋಗ ನಿರೋಧಕ ಶಕ್ತಿ ಅಷ್ಟೊಂದು ಹೆಚ್ಚಿರುತ್ತದೆ. ಹೇಗೆಂದಿರಾ…?

ಉಪ್ಪಿನಕಾಯಿಗೆ ಬಳಸುವ ಮಾವು ಅಥವಾ ಇತರ ವಸ್ತುಗಳನ್ನು ನೆನೆ ಹಾಕಿರುವ ನೀರಿನಲ್ಲಿ ಸಾಕಷ್ಟು ಉತ್ತಮ ಅಂಶಗಳು ಇರುತ್ತವೆ. ಅದು ಉಪ್ಪಿನಕಾಯಿಗೆ ಬಳಕೆಯಾದ ಬಳಿಕವೂ ಉಳಿಯಿತೇ. ಹಾಗಾದರೆ ಅದನ್ನು ಎಸೆಯದೆ ತೆಗೆದಿಡಿ. ಅದರ ಜ್ಯೂಸ್ ತಯಾರಿಸಿ ಕುಡಿಯಿರಿ. ಆಂಟಿ ಆಕ್ಸಿಡೆಂಟ್ ಮತ್ತು ಪೋಷಕಾಂಶಗಳು ಹೇರಳವಾಗಿರುವ ಇದರ ಸೇವನೆಯಿಂದ ಸ್ನಾಯು ಸೆಳೆತ ದೂರವಾಗುತ್ತದೆ.

ಜಿಮ್ ನಲ್ಲಿ ಬೆವರು ಹರಿಸಿದ ಬಳಿಕ ದೇಹದಿಂದ ಸಾಕಷ್ಟು ನೀರು ಸೋರಿಕೆಯಾಗಿರಬಹುದು. ಇದನ್ನು ತಡೆಯಲು ಈ ಜ್ಯೂಸ್ ಅನ್ನು ಸೇವಿಸುವುದು ಬಹಳ ಒಳ್ಳೆಯದು. ಕ್ರೀಡಾಪಟುಗಳು ಸೇರಿದಂತೆ ಎಲ್ಲರ ಡಿಹೈಡ್ರೇಶನ್ ಸಮಸ್ಯೆಗೆ ಇದು ಅತ್ಯುತ್ತಮ ಪರಿಹಾರವಾಗಬಲ್ಲದು.

ಉಪ್ಪಿನಕಾಯಿಯಲ್ಲಿರುವ ವಿನೆಗರ್ ಕರುಳಿನ ಆರೋಗ್ಯಕ್ಕೆ ಬಹಳ ಒಳ್ಳೆಯದು. ಇದು ದೇಹದ ಸಕ್ಕರೆ ಮಟ್ಟವನ್ನು ನಿಯಂತ್ರಿಸುತ್ತದೆ. ಅಧಿಕ ತೂಕ ಮತ್ತು ಬೊಜ್ಜು ಹೊಂದಿರುವವರಿಗೆ ಇದು ತೂಕ ಇಳಿಸಲು ನೆರವಾಗುತ್ತದೆ.

ಅಧಿಕ ರಕ್ತದೊತ್ತಡ ಅಥವಾ ಸಂಧಿವಾತ ಸಮಸ್ಯೆ ಇರುವವರು ವೈದ್ಯರ ಸಲಹೆ ಪಡೆದು ಉಪ್ಪಿನಕಾಯಿ ಸೇವಿಸಬಹುದು ಹಾಗೂ ಅದರ ಜ್ಯೂಸ್ ಕುಡಿಯಬಹುದು.