ಯುವತಿ ತಂದೆಯ ಅಂತ್ಯಕ್ರಿಯೆ ವೇಳೆ ಪ್ರಪೋಸ್ ಮಾಡಿ ಅಚ್ಚರಿ ಮೂಡಿಸಿದ ಯುವಕ..! 18-05-2022 9:02AM IST / No Comments / Posted In: Latest News, Live News, International ಪುರುಷರು ಮತ್ತು ಮಹಿಳೆಯರು ತಮ್ಮ ಪ್ರೀತಿಯನ್ನು ಪ್ರಸ್ತಾಪಿಸಲು, ಇಬ್ಬರಿಗೂ ಸ್ಮರಣೀಯವಾಗಿಸಲು ವಿಶೇಷ ಕ್ಷಣಗಳು ಮತ್ತು ಸ್ಥಳಗಳನ್ನು ಆಯ್ಕೆ ಮಾಡುತ್ತಾರೆ. ಆದರೆ, ದಕ್ಷಿಣ ಆಫ್ರಿಕಾದ ವ್ಯಕ್ತಿಯೊಬ್ಬ, ಮಹಿಳೆಗೆ ಪ್ರೇಮ ನಿವೇದನೆ ಮಾಡಲು ಅಸಾಮಾನ್ಯ ಸಂದರ್ಭವನ್ನು ಆರಿಸಿಕೊಂಡಿದ್ದಾನೆ. ಬಾಲಿವುಡ್ ಚಲನಚಿತ್ರ ಕಭಿ ಖುಷ್ ಕಭಿ ಗಮ್ ನಲ್ಲಿ ಅಂಜಲಿ (ಕಾಜೋಲ್)ಯನ್ನು ಮದುವೆಯಾಗುವುದಾಗಿ ಆಕೆಯ ತಂದೆಯ ಅಂತ್ಯಕ್ರಿಯೆಯ ವೇಳೆ ರಾಹುಲ್ (ಶಾರುಖ್) ಪ್ರಸ್ತಾಪಿಸುತ್ತಾನೆ. ಇದೇ ರೀತಿ ದಕ್ಷಿಣ ಆಫ್ರಿಕಾದ ವ್ಯಕ್ತಿಯೊಬ್ಬ ತಂದೆಯ ಅಂತ್ಯಕ್ರಿಯೆಯ ವೇಳೆ ಯುವತಿಗೆ ಪ್ರಪೋಸ್ ಮಾಡಿದ್ದಾನೆ. ಈ ವಿಡಿಯೋ ಟ್ವಿಟ್ಟರ್ ನಲ್ಲಿ ಹಂಚಿಕೊಳ್ಳಲಾಗಿದ್ದು, 90,000ಕ್ಕೂ ಹೆಚ್ಚು ವೀಕ್ಷಣೆಗಳೊಂದಿಗೆ ವೈರಲ್ ಆಗಿದೆ. ವರದಿಯ ಪ್ರಕಾರ, ಮೊಜೆಲ್ಲಾ ಈ ವಿಡಿಯೋವನ್ನು ಟಿಕ್ಟಾಕ್ನಲ್ಲಿ ಹಂಚಿಕೊಂಡಿದ್ದಾರೆ. ಅಂತ್ಯಕ್ರಿಯೆಗೆ ತೆರಳಿದ ಆತ, ಮೊಣಕಾಲೂರಿ ಯುವತಿ ಬಳಿ ತನ್ನನ್ನು ಮದುವೆಯಾಗಲು ಬಯಸುತ್ತೀರಾ ಎಂದು ಕೇಳಿದ್ದಾನೆ. ಯುವತಿಯು ತನ್ನ ತಂದೆಯ ನಿಧನದಿಂದ ದುಃಖತಪ್ತಳಾಗಿದ್ದರೆ, ಈತ ಪ್ರಪೋಸ್ ಮಾಡಿದ್ದಾನೆ. ಯುವಕನ ಪ್ರಸ್ತಾಪಕ್ಕೆ ಆಕೆ ಅಚ್ಚರಿಯಿಂದ ನೋಡಿದ್ದಾಳೆ. ಆದರೆ, ಏನೂ ಪ್ರತಿಕ್ರಿಯೆ ನೀಡಲಿಲ್ಲ. ಯುವತಿ ಅಳುತ್ತಿದ್ದುದು ತನಗೆ ತುಂಬಾ ಬೇಸರವನ್ನುಂಟು ಮಾಡಿತು. ಹೀಗಾಗಿ ಪ್ರಪೋಸ್ ಮಾಡಿದ್ದಾಗಿ ಆತ ಹೇಳಿಕೊಂಡಿದ್ದಾನೆ. ಆದರೆ, ತಂದೆಯ ಅಂತ್ಯಕ್ರಿಯೆ ವೇಳೆ ಪ್ರಪೋಸ್ ಮಾಡಿದ್ದಕ್ಕೆ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಕ್ತಿಯನ್ನು ತೀವ್ರವಾಗಿ ಟೀಕಿಸಲಾಗುತ್ತಿದೆ. Would you say Yes?? pic.twitter.com/4KtolVDfuV — Mrs Mpho Phol💕 (@MrsPee3) May 3, 2022