ಭಂಗು ದೋಷ ನಿವಾರಣೆಗೆ ಇಲ್ಲಿದೆ ಪರಿಹಾರ

ಕೆಲವರಿಗೆ ಮುಖದ ಮೇಲೆ ಭಂಗು ಮೂಡುತ್ತದೆ. ಇದು ಒಂದು ರೀತಿಯ ಕಲೆಗಳು. ಯಾರ ಮುಖದಲ್ಲಿ ಭಂಗು ಮೂಡಿರುತ್ತದೆಯೋ ಅವರಿಗೆ ಕಷ್ಟದ ಮೇಲೆ ಕಷ್ಟ ಬಂದೊದಗುತ್ತದೆ ಎನ್ನುತ್ತಾರೆ. ಹಾಗಾಗಿ ಇದಕ್ಕೆ ಸರಿಯಾದ ಪರಿಹಾರ ಮಾಡಿದರೆ ಈ ಸಮಸ್ಯೆಯಿಂದ ಮುಕ್ತಿ ಹೊಂದಬಹುದು.

ಜ್ಯೋತಿಷ್ಯಶಾಸ್ತ್ರದ ಪ್ರಕಾರ ಭಂಗು ರಾಹುವಿನ ದೋಷದಿಂದ ಬರುತ್ತದೆ. ಇದು ಹೆಚ್ಚಾಗಿ ಮುಖದ ಮೇಲೆ ಮೂಡುತ್ತದೆ. ಯಾರು ಹೆಚ್ಚು ಹೊಸ್ತಿಲಿನ ಮೇಲೆ ಕುಳಿತುಕೊಳ್ಳುತ್ತಾರೋ ಅವರಿಗೆ ಈ ಭಂಗು ದೋಷ ಬರುತ್ತದೆ. ಈ ಭಂಗು ದೋಷಕ್ಕೊಳಗಾದವರು ಪ್ರತಿದಿನ ಮನೆಯ ಹೊರಗಡೆ ಮಣ್ಣಿನ ಅಥವಾ ನಿಂಬೆ ಹಣ್ಣಿನ ದೀಪವನ್ನು ಹಚ್ಚಬೇಕು. ಮಣ್ಣಿನ ದೀಪ ಹಚ್ಚುವವರು 2 ದೀಪವನ್ನಿಡಬೇಕು.

ಹಾಗೇ ನಿಂಬೆ ಹಣ್ಣಿನ ದೀಪವಿಡುವವರು ಒಂದನ್ನು ಹಚ್ಚಬೇಕು. ಹಾಗೇ ಪ್ರತಿರಾತ್ರಿ ಮುಖಕ್ಕೆ ತುಪ್ಪವನ್ನು ಹಚ್ಚಿ ಮಲಗಬೇಕು. ಹಾಗೂ ಬಡ ಮಕ್ಕಳಿಗೆ ವಸ್ತ್ರದಾನ ಮಾಡಬೇಕು. ಅಲ್ಲದೇ ತುಳಸಿ ಹಾಗೂ ಲಕ್ಷ್ಮೀದೇವಿಯ ಪೂಜೆ ಮಾಡಿದರೆ ನಿಮಗಿರುವ ಈ ದೋಷ ನಿವಾರಣೆಯಾಗುತ್ತದೆ.