ಪ್ರವಾಸಿ ಮಾರ್ಗದರ್ಶಿಗೆ ಒಲಿದ ಬೆಲ್ಜಿಯಂ ಯುವತಿ; ಹಂಪಿ ಹುಡುಗನ ಜೊತೆ ಕೆಮಿಲ್ ವಿವಾಹ

ವಿಶ್ವ ವಿಖ್ಯಾತ ಹಂಪಿ ವೀಕ್ಷಣೆಗೆ ಬಂದಿದ್ದ ಬೆಲ್ಜಿಯಂ ಮೂಲದ ಯುವತಿಯೊಬ್ಬರು ತಮಗೆ ಪ್ರವಾಸಿ ಮಾರ್ಗದರ್ಶಿಯಾಗಿದ್ದ ಹಂಪಿ ಯುವಕನಿಗೆ ಮನಸೋತಿದ್ದು, ಇದೀಗ ಆತನೊಂದಿಗೆ ವೈವಾಹಿಕ ಬದುಕಿಗೆ ಕಾಲಿಟ್ಟಿದ್ದಾರೆ.

ಬೆಲ್ಜಿಯಂ ಮೂಲದ ಕೆಮಿಲ್ ಹಂಪಿಯ ಪ್ರವಾಸಿ ಮಾರ್ಗದರ್ಶಿ ಅನಂತರಾಜು ಅವರೊಂದಿಗೆ ಇಂದು ವಿವಾಹವಾಗಿದ್ದು, ಇವರಿಬ್ಬರೂ ನಾಲ್ಕೈದು ವರ್ಷಗಳ ಹಿಂದೆ ಹಂಪಿಯಲ್ಲಿ ಭೇಟಿಯಾಗಿದ್ದರು.

ಕೆಮಿಲ್, ತಮಗೆ ಮಾರ್ಗದರ್ಶಿಯಾಗಿದ್ದ ಅನಂತರಾಜು ಅವರೊಂದಿಗೆ ತಮ್ಮ ದೇಶಕ್ಕೆ ತೆರಳಿದ ಬಳಿಕವೂ ಸಂಪರ್ಕ ಮುಂದುವರಿಸಿದ್ದು, ಜೊತೆಗೆ ಹಿಂದೂ ಸಂಪ್ರದಾಯ, ಧಾರ್ಮಿಕ ನಂಬಿಕೆಗಳಿಗೆ ಮಾರುಹೋಗಿದ್ದರು.

ಕೆಮಿಲ್ ಹಾಗೂ ಅನಂತರಾಜು ನಡುವೆ ಪ್ರೇಮ ಮೊಳಕೆಯೊಡೆದಿದ್ದು, ಇಬ್ಬರೂ ತಮ್ಮ ಕುಟುಂಬಸ್ಥರ ಸಮ್ಮತಿ ಬಳಿಕ ಇಂದು ಹಂಪಿ ವಿರೂಪಾಕ್ಷೇಶ್ವರ ದೇವಾಲಯದಲ್ಲಿ ವೈವಾಹಿಕ ಬಂಧನಕ್ಕೊಳಗಾಗಿದ್ದಾರೆ.