ನಾಯಿ ರಕ್ಷಣೆಗಾಗಿ ಸ್ಟ್ರಾಲರ್ ನಲ್ಲಿದ್ದ ಮಗುವನ್ನೇ ರಸ್ತೆಯಲ್ಲಿ ಬಿಟ್ಟ ಭೂಪ…! 27-08-2022 1:01PM IST / No Comments / Posted In: Featured News, Live News, International ತನ್ನ ನಾಯಿಯನ್ನು ಇನ್ನೊಂದು ನಾಯಿಯ ದಾಳಿಯಿಂದ ರಕ್ಷಿಸಲು ಹೋದ ವ್ಯಕ್ತಿ ಮಗುವಿದ್ದ ಸ್ಟ್ರಾಲರ್ ಅನ್ನು ರಸ್ತೆಯಲ್ಲಿ ಬಿಟ್ಟುಬಿಡುವ ಆಘಾತಕಾರಿ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ರೆಡ್ಡಿಟ್ನಲ್ಲಿ ಅಪ್ಲೋಡ್ ಮಾಡಲಾದ ವಿಡಿಯೊದಲ್ಲಿ, ಒಬ್ಬ ವ್ಯಕ್ತಿಯು ತನ್ನ ಮನೆಯ ಹೊರಗೆ ಸ್ಟ್ರಾಲರ್ ನಲ್ಲಿ ಮಗು ಕೂರಿಸಿಕೊಂಡು ವಿಹಾರಕ್ಕೆ ಬಂದ ಸಂದರ್ಭದಲ್ಲಿ ಅವನ ನಾಯಿಯೂ ಜೊತೆಗೆ ಬಂದಿರುತ್ತದೆ. ಅದು ಹಿಂಬಾಲಿಸುತ್ತಿರುವ ವೇಳೆ ಇದ್ದಕ್ಕಿದ್ದಂತೆ, ಮತ್ತೊಂದು ನಾಯಿ ದಾಳಿ ಮಾಡುತ್ತದೆ. ಈ ವೇಳೆ ತನ್ನ ನಾಯಿಯನ್ನು ರಕ್ಷಿಸಲು ಮುಂದಾಗುತ್ತಾನೆ. ಇಷ್ಟರಲ್ಲಿ ಇಳಿಜಾರಿನಲ್ಲಿ ಮಗು ಕುಳಿತಿದ್ದ ಸ್ಟ್ರಾಲರ್ ಜಾರಿ ಮುಂದಕ್ಕೆ ಹೋಗಿಬಿಡುತ್ತದೆ. ಆಗ ಆ ವ್ಯಕ್ತಿಗೆ ಅದನ್ನೂ ರಕ್ಷಿಸಿಕೊಳ್ಳುವ ಅನಿವಾರ್ಯತೆ ಸೃಷ್ಟಿಯಾಗಿ ನಾಯಿ ಎತ್ತಿಕೊಂಡು ಸ್ಟ್ರಾಲರ್ ಹಿಡಿಯಲು ಓಡುತ್ತಾನೆ. ಇದೆಲ್ಲವೂ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಈ ಕ್ಲಿಪ್ ನೆಟ್ಟಿಗರನ್ನು ಚರ್ಚೆಗೆ ಎಳೆದಿದೆ. ಅನೇಕರು ತಮಗಾದ ಅನುಭವಗಳಲ್ಲಿ ಈ ವಿಡಿಯೋ ಕಾಮೆಂಟ್ ವಿಭಾಗದಲ್ಲಿ ಹಂಚಿಕೊಂಡಿದ್ದಾರೆ. My dog bolted out the front door and anarchy ensued from AnimalsBeingJerks