ದಂಗಾಗಿಸುತ್ತೆ ಎಲ್‌ಐಸಿಯಲ್ಲಿ ಕ್ಲೈಮ್ ಮಾಡದೇ ಉಳಿದಿರೋ ಮೊತ್ತ..!

ನವದೆಹಲಿ: ಸರ್ಕಾರಿ ಸ್ವಾಮ್ಯದ ವಿಮಾ ಭೀಮ್ ಎಲ್‌ಐಸಿಯು ಫೆ.16 2021ರ ಸೆಪ್ಟೆಂಬರ್‌ವರೆಗೆ 21,539 ಕೋಟಿ ರೂ. ಕ್ಲೈಮ್ ಮಾಡದ ಹಣವನ್ನು ಹೊಂದಿದೆ ಎಂದು ಕರಡು ಪ್ರತಿಯಲ್ಲಿ ತಿಳಿಸಲಾಗಿದೆ.

ಕರಡು ಪ್ರತಿ ಪ್ರಕಾರ, ಸರ್ಕಾರಿ ಸ್ವಾಮ್ಯದ ವಿಮಾ ಭೀಮ್ ಎಲ್ಐಸಿಯು ಸೆಪ್ಟೆಂಬರ್ 2021ರ ವೇಳೆಗೆ 21,539 ಕೋಟಿ ರೂ.ಗಳಷ್ಟು ಕ್ಲೈಮ್ ಮಾಡದ ಹಣವನ್ನು ಹೊಂದಿದೆ. ಇದು ಕ್ಲೈಮ್ ಮಾಡದ ಬಾಕಿ ಮೊತ್ತದ ಮೇಲೆ ಗಳಿಸಿದ ಬಡ್ಡಿಯನ್ನು ಒಳಗೊಂಡಿರುತ್ತದೆ.

ಭಾರತೀಯ ಜೀವ ವಿಮಾ ನಿಗಮ (ಎಲ್‌ಐಸಿ) ಸಲ್ಲಿಸಿದ ಡ್ರಾಫ್ಟ್ ರೆಡ್ ಹೆರಿಂಗ್ ಪ್ರಾಸ್ಪೆಕ್ಟಸ್ (ಡಿಆರ್‌ಎಚ್‌ಪಿ) ಪ್ರಕಾರ, ಮಾರ್ಚ್ 2021 ರ ಅಂತ್ಯದ ವೇಳೆಗೆ 18,495 ಕೋಟಿ ರೂ. ಮತ್ತು ಮಾರ್ಚ್ 2020 ರ ಅಂತ್ಯಕ್ಕೆ 16,052.65 ಕೋಟಿ ರೂ. ಕ್ಲೈಮ್ ಮಾಡದ ಮೊತ್ತ ಆಗಿದೆ.

ವಿಮಾ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರದ ಕ್ಲೈಮ್ ಮಾಡದ ಮೊತ್ತದ ಸುತ್ತೋಲೆಯು, ಕ್ಲೈಮ್ ಮಾಡದ ಮೊತ್ತದ ಪಾವತಿ ವಿಧಾನ, ಪಾಲಿಸಿದಾರರಿಗೆ ಸಂವಹನ, ಲೆಕ್ಕಪತ್ರ ನಿರ್ವಹಣೆ, ಹೂಡಿಕೆ ಆದಾಯದ ಬಳಕೆ ಇತ್ಯಾದಿಗಳಿಗೆ ಸಂಬಂಧಿಸಿದ ಕಾರ್ಯವಿಧಾನಗಳನ್ನು ಸೂಚಿಸುತ್ತದೆ.

ಕ್ಲೈಮ್ ಮಾಡದ ಮೊತ್ತದ ಸುತ್ತೋಲೆಯು 10 ವರ್ಷಗಳನ್ನು ಪೂರ್ಣಗೊಳಿಸಿದ ನಂತರ ಎಸ್ಸಿಡಬ್ಲ್ಯೂಎಫ್ ನಿಯಮಗಳಿಗೆ ಅನುಸಾರವಾಗಿ ಪರಿಗಣಿಸಲಾಗುತ್ತದೆ ಎಂದು ಎಲ್ಐಸಿ ಹೇಳಿದೆ. ಎಲ್ಲಾ ವಿಮಾದಾರರು ಎಸ್ಸಿಡಬ್ಲ್ಯೂಎಫ್ ಗೆ ಕ್ಲೈಮ್ ಮಾಡದ ಮೊತ್ತವನ್ನು ವರ್ಗಾಯಿಸಲು ಬಜೆಟ್ ವಿಭಾಗ, ಆರ್ಥಿಕ ವ್ಯವಹಾರಗಳ ಇಲಾಖೆ, ಹಣಕಾಸು ಸಚಿವಾಲಯ ನೀಡಿದ ಲೆಕ್ಕಪತ್ರ ಕಾರ್ಯವಿಧಾನಕ್ಕೆ ಬದ್ಧರಾಗಿರಬೇಕು ಎಂದು ಕೂಡ ಹೇಳಲಾಗಿದೆ.

ಅಲ್ಲದೆ, ಎಲ್ಲಾ ವಿಮೆದಾರರು ಪ್ರತಿ ವರ್ಷ ಮಾರ್ಚ್ 1 ರಂದು ಅಥವಾ ಮೊದಲು ಎಸ್ಸಿಡಬ್ಲ್ಯೂಎಫ್ ಗೆ ವರ್ಗಾವಣೆಗಳನ್ನು ಮಾಡಬೇಕು ಎಂದು ತಿಳಿಸಿದೆ.