‘ಕಿಡ್ನಿ’ ವಿಫಲವಾದಾಗ ದೇಹದಲ್ಲಾಗುತ್ತೆ ಈ ಬದಲಾವಣೆ; ನಿರ್ಲಕ್ಷಿಸಿದರೆ ಸಂಭವಿಸಬಹುದು ಸಾವು….!

ಆರೋಗ್ಯವಾಗಿರಲು ನಮ್ಮ ದೇಹದ ಕೆಲವು ಪ್ರಮುಖ ಅಂಗಗಳು ಸರಿಯಾಗಿ ಕಾರ್ಯನಿರ್ವಹಿಸುವುದು ಅವಶ್ಯಕ. ಇವುಗಳಲ್ಲೊಂದು ನಮ್ಮ ಕಿಡ್ನಿ. ಮೂತ್ರಪಿಂಡಗಳು ಕೆಟ್ಟು ಹೋದರೆ ಸಾವು ಕೂಡ ಸಂಭವಿಸಬಹುದು. ವಾಸ್ತವವಾಗಿ ಮೂತ್ರಪಿಂಡವು ನಮ್ಮ ರಕ್ತವನ್ನು ಸ್ವಚ್ಛಗೊಳಿಸುತ್ತದೆ ಮತ್ತು ದೇಹದಿಂದ ಕೊಳೆಯನ್ನು ತೆಗೆದುಹಾಕುತ್ತದೆ. ಆದರೆ ಮೂತ್ರಪಿಂಡ ವಿಫಲವಾದಾಗ ಅದು ತನ್ನ ಕೆಲಸವನ್ನು ಮಾಡಲು ಸಾಧ್ಯವಿಲ್ಲ. ರಕ್ತವನ್ನು ಫಿಲ್ಟರ್ ಮಾಡಲು ಸಾಧ್ಯವಾಗುವುದಿಲ್ಲ ಅಥವಾ ಹಾರ್ಮೋನುಗಳ ಸಮತೋಲನವನ್ನು ಕಾಪಾಡಿಕೊಳ್ಳುವುದಿಲ್ಲ.

ಇದರಿಂದಾಗಿ ರಕ್ತದಲ್ಲಿನ ರಾಸಾಯನಿಕಗಳ ಸಮತೋಲನವು ಕ್ಷೀಣಿಸಲು ಪ್ರಾರಂಭಿಸುತ್ತದೆ. ಸ್ಥಿತಿಯು ಹದಗೆಟ್ಟರೆ ವ್ಯಕ್ತಿ ಸಾಯಬಹುದು. ಮೂತ್ರಪಿಂಡದ ಕಾರ್ಯನಿರ್ವಹಣೆಯ ಪ್ರಮಾಣ 15 ಪ್ರತಿಶತಕ್ಕಿಂತ ಕಡಿಮೆಯಾಗಿದ್ದರೆ ಅದನ್ನು ಕಿಡ್ನಿ ಫೇಲ್ಯೂರ್‌ ಎಂದು ಕರೆಯುತ್ತೇವೆ. ಇದು ಇದ್ದಕ್ಕಿದ್ದಂತೆ ಸಂಭವಿಸದಿದ್ದರೂ, ಮೂತ್ರಪಿಂಡ ವೈಫಲ್ಯದ ಕೆಲವು ದಿನಗಳ ಮೊದಲು ದೇಹವು ಕೆಲವು ಸಂಕೇತಗಳನ್ನು ನೀಡಲು ಪ್ರಾರಂಭಿಸುತ್ತದೆ. ಅವುಗಳನ್ನು ಅಲಕ್ಷಿಸಿದ್ರೆ ಜೀವಕ್ಕೇ ಮಾರಕವಾಗುತ್ತದೆ.

ಮೂತ್ರಪಿಂಡ ವೈಫಲ್ಯದ ಸಂಕೇತಗಳು…!

ಅನಗತ್ಯವಾಗಿ ಆಯಾಸವಾಗಬಹುದು

ಹಸಿವಾಗುವುದಿಲ್ಲ

ರಾತ್ರಿ ನಿದ್ದೆ ಬರುವುದಿಲ್ಲ

ಉಸಿರಾಟದ ತೊಂದರೆ

ಪಾದಗಳಲ್ಲಿ ಊತ

ಮೂಳೆಗಳು ದುರ್ಬಲಗೊಳ್ಳಲು ಪ್ರಾರಂಭಿಸುತ್ತವೆ

ಮಾಂಸದ ಸ್ನಾಯುಗಳಲ್ಲಿ ನೋವು

ಮೂತ್ರ ಮಾಡುವ ಪ್ರಕ್ರಿಯೆಗೆ ಅಡ್ಡಿ

ಹಠಾತ್ ತೂಕ ನಷ್ಟ

ದೇಹದಲ್ಲಿ ವಿಶೇಷವಾಗಿ ಮುಖದ ಮೇಲೆ ಊತ

ವಾಕರಿಕೆ ಮತ್ತು ವಾಂತಿ

ಮೂತ್ರಪಿಂಡ ವೈಫಲ್ಯಕ್ಕೆ ಕಾರಣಗಳು…!

ಕಳಪೆ ಆಹಾರ ಮತ್ತು ಜೀವನಶೈಲಿ

ಮಧುಮೇಹ, ಕಿಡ್ನಿ ಸ್ಟೋನ್‌

ಪ್ರಾಸ್ಟೇಟ್ ಹಿಗ್ಗುವಿಕೆ

ಮೂತ್ರನಾಳದಲ್ಲಿ ರಕ್ತ ಹೆಪ್ಪುಗಟ್ಟುವಿಕೆ

ರಕ್ತವನ್ನು ನಿಯಂತ್ರಿಸುವ ನರಗಳ ದುರ್ಬಲಗೊಳ್ಳುವಿಕೆ

ಮೂತ್ರಪಿಂಡದ ಸುತ್ತಲೂ ರಕ್ತ ಹೆಪ್ಪುಗಟ್ಟುವಿಕೆ

ದೇಹದಲ್ಲಿ ಹೆಚ್ಚುವರಿ ವಿಷ

ಕಡಿಮೆ ನೀರು ಕುಡಿಯುವುದು

ಔಷಧ ಮತ್ತು ಮದ್ಯದ ಬಳಕೆ

ಜಗತ್ತಿನಲ್ಲಿ ಅತಿ ಹೆಚ್ಚು ಸಾವಿಗೆ ಕಾರಣವಾಗುತ್ತಿರುವ ಕಾಯಿಲೆಗಳಲ್ಲಿ ಮೂತ್ರಪಿಂಡ ವೈಫಲ್ಯವು 17ನೇ ಸ್ಥಾನದಲ್ಲಿದೆ. ಭಾರತದಲ್ಲಿ 8ನೇ ಸ್ಥಾನದಲ್ಲಿದೆ. ಪ್ರತಿ ವರ್ಷ 2 ಲಕ್ಷಕ್ಕೂ ಹೆಚ್ಚು ಜನರು ಮೂತ್ರಪಿಂಡ ವೈಫಲ್ಯದಿಂದ ಬಳಲುತ್ತಿದ್ದಾರೆ. ದೇಶದಲ್ಲಿ ಸರಾಸರಿ 14 ಪ್ರತಿಶತ ಮಹಿಳೆಯರು ಮತ್ತು 12 ಪ್ರತಿಶತ ಪುರುಷರು ಕಿಡ್ನಿ ಸಮಸ್ಯೆಗೆ ತುತ್ತಾಗುತ್ತಿದ್ದಾರೆ.

ಆರಂಭಿಕ ಹಂತದಲ್ಲಿ ಈ ರೋಗವನ್ನು ಪತ್ತೆ ಮಾಡುವುದು ಕಷ್ಟ. ಏಕೆಂದರೆ ಎರಡೂ ಕಿಡ್ನಿಗಳು ಶೇ.60ರಷ್ಟು ಹಾನಿಗೊಳಗಾದ ನಂತರ ರೋಗಿಗೆ ಅದು ಅರಿವಿಗೆ ಬರುತ್ತದೆ. ಕೇವಲ 5 ಸಾವಿರ ಜನರು ಮಾತ್ರ ಮೂತ್ರಪಿಂಡ ಕಸಿ ಮಾಡಿಸಿಕೊಳ್ಳುತ್ತಾರೆ. WHO ಪ್ರಕಾರ, ಭಾರತದಲ್ಲಿ ಕಡಿಮೆ ಅಂಗಾಂಗ ದಾನದಿಂದಾಗಿ ಕಸಿ ಮಾಡಲು ಮೂತ್ರಪಿಂಡವು ಲಭ್ಯವಿಲ್ಲ.