ಮಾರುತಿ ಸುಜುಕಿ ದೇಶದಲ್ಲಿ ಬಲೆನೋ ಫೇಸ್ ಲಿಫ್ಟ್ನ್ನು ಇದೇ ತಿಂಗಳ 23ನೇ ತಾರೀಖಿನಂದು ಬಿಡುಗಡೆ ಮಾಡಲು ಸಜ್ಜಾಗಿದೆ. ಇದು 2015ರಲ್ಲಿ ಬಿಡುಗಡೆಯಾದ ಪ್ರೀಮಿಯಂ ಹ್ಯಾಚ್ಬ್ಯಾಕ್ನ ಎರಡನೇ ಫೇಸ್ಲಿಫ್ಟ್ ಆಗಿದೆ. ಮೊದಲ ಫೇಸ್ಲಿಫ್ಟ್ನಲ್ಲಿ ಬಿಎಸ್6 ಪವರ್ ಪ್ಲಾಂಟ್ ಜೊತೆಗೆ ಕೆಲವೇ ಕೆಲವು ಬದಲಾವಣೆಗಳನ್ನು ಮಾಡಲಾಗಿತ್ತು.
ಆದರೆ ಫೆಬ್ರವರಿ 28ರಿಂದ ಲಾಂಚ್ ಆಗಲಿರುವ ಫೇಸ್ಲಿಫ್ಟ್ನಲ್ಲಿ ಗಮನಾರ್ಹ ಬದಲಾವಣೆಗಳನ್ನು ಮಾಡಲಾಗಿದೆ. ಈ ಬಾರಿ ಕಾರಿನಲ್ಲಿ ಅತ್ಯಾಧುನಿಕ ತಂತ್ರಜ್ಞಾನ ಸೇರಿದಂತೆ ಆಧುನಿಕ ಗ್ಯಾಜೆಟ್ಗಳನ್ನು ಬಳಕೆ ಮಾಡಲಾಗಿದೆ. ಹೊಸ ಬಲೆನೋ ಕಂಪನಿಯ ಸುಜುಕಿ ಕನೆಕ್ಟ್ ಸೂಟ್ನೊಂದಿಗೆ ಬರಲಿದೆ ಎಂದು ಮಾರುತಿ ಸುಜುಕಿ ಕಂಪನಿಯು ಬಹಿರಂಗಪಡಿಸಿದೆ. ಇದು 40 ಕ್ಕೂ ಹೆಚ್ಚು ಸಂಪರ್ಕಿತ ಕಾರು ವೈಶಿಷ್ಟ್ಯಗಳನ್ನು ನೀಡುತ್ತದೆ.
ಡ್ಯಾಶ್ಬೋರ್ಡ್ನ್ನು ಮರು ವಿನ್ಯಾಸಗೊಳಿಸಲಾಗಿದೆ. 9 ಇಂಚಿನ ಇನ್ಫೋಟೈನ್ಮೆಂಟ್ ಸಿಸ್ಟಂಗಳ ಜೊತೆ ಆಂಡ್ರಾಯ್ಡ್ ಆಟೋ ಹಾಗೂ ಆ್ಯಪಲ್ ಕಾರ್ ಪ್ಲೇಯನ್ನು ನೀಡಲಾಗಿದೆ. ಇದರ ಜೊತೆಯಲ್ಲಿ 360 ಡಿಗ್ರಿ ಕ್ಯಾಮರಾ, ಅರ್ಕಾಮಿಸ್ ಟ್ಯೂನ್ಸ್ ಸೌಂಡ್ ಸಿಸ್ಟಂ ಹಾಗೂ ವೈರ್ಲೆಸ್ ಫೋನ್ ಚಾರ್ಜರ್ಗಳನ್ನು ಸೇರಿಸಲಾಗಿದೆ. ಡ್ಯಾಶ್ಬೋರ್ಡ್ನಲ್ಲಿ ಮೂರು ಟೋನ್ ಫಿನಿಶ್ ನೀಡಲಾಗಿದೆ. ಕಪ್ಪು, ಬೆಳ್ಳಿ ಹಾಗೂ ನೇರಳೆ ಬಣ್ಣವನ್ನು ಬಳಕೆ ಮಾಡಲಾಗಿದೆ. ಇನ್ನು ಸ್ವಿಫ್ಟ್ ಕಾರಿನಂತೆಯೇ ಬಲೆನೋದಲ್ಲಿಯೂ ಸ್ಟೀರಿಂಗ್ ವ್ಹೀಲ್ ನೀಡಲಾಗಿದೆ.
Loading ...