ಹೋಳಿ ಹಬ್ಬದಂದು ರಂಗಿನಾಟ ಆಡ್ತೀರಾ….? ಬಣ್ಣದ ಕಲೆ ಹೋಗಲಾಡಿಸಲು ಇಲ್ಲಿದೆ ಬೆಸ್ಟ್ ಪ್ಲಾನ್​

ಹೋಳಿ ಹಬ್ಬಕ್ಕೆ ಇನ್ನೇನು ದಿನಗಣನೆ ಆರಂಭವಾಗಿದೆ. ಬಣ್ಣಗಳ ಹಬ್ಬವನ್ನ ಆಚರಿಸೋದು ಎಷ್ಟು ಮಜಾನೋ.. ಮುಖ ಹಾಗೂ ಮೈಗಂಟಿದ ಬಣ್ಣವನ್ನ ತೊಳೆದುಕೊಳ್ಳೋದು ಒಂದು ಸಜೆನೇ ಸರಿ. ಕೆಮಿಕಲ್​ನಿಂದ ಮಾಡಿದ ಬಣ್ಣಗಳು ಮುಖದ ಚರ್ಮಕ್ಕೆ ಹಾನಿ ಉಂಟು ಮಾಡೋದ್ರಿಂದ ಆದಷ್ಟು ಬೇಗ ಈ ಬಣ್ಣಗಳನ್ನ ತೊಳೆದುಕೊಳ್ಳೋದು ಒಳ್ಳೆದು. ಹಾಗಾದ್ರೆ ಮುಖ ಹಾಗೂ ಚರ್ಮಕ್ಕೆ ಅಂಟಿದ ಬಣ್ಣವನ್ನ ಹೇಗೆ ಸಂಪೂರ್ಣವಾಗಿ ಸ್ವಚ್ಛ ಮಾಡಿಕೊಳ್ಳಬೋದು ಅನ್ನೋದಕ್ಕೆ ಇಲ್ಲಿದೆ ಟಿಪ್ಸ್ :

ಕೊಬ್ಬರಿ ಎಣ್ಣೆ : ಚರ್ಮದಿಂದ ಬಣ್ಣವನ್ನ ತೆಗೆದುಹಾಕಲು ಕೊಬ್ಬರಿ ಎಣ್ಣೆ ಬೆಸ್ಟ್ ಆಯ್ಕೆ. ಹೋಳಿ ಹಬ್ಬವನ್ನ ಆಚರಿಸೋಕೂ ಮುನ್ನ ಮುಖ ಹಾಗೂ ಮೈ ಕೈಗೆ ಕೊಬ್ಬರಿ ಎಣ್ಣೆಯನ್ನ ಸವರಿಕೊಂಡು ಹೋಗಿ. ಕೊಬ್ಬರಿ ಎಣ್ಣೆ ಬದಲು ಮಾಯಿಸ್ಚರೈಸರ್​ನ್ನೂ ಬಳಕೆ ಮಾಡಬಹುದು.

ಗಾಢ ಬಣ್ಣದ ನೇಲ್​ ಪೇಂಟ್​ : ಉಗುರುಗಳಿಗೆ ಬಣ್ಣ ತಾಕಿದ್ರೂ ಸಹ ಅವು ಅಷ್ಟೊಂದು ಬೇಗನೇ ಹೋಗೋದಿಲ್ಲ. ಹೀಗಾಗಿ ಹೋಳಿ ಆಚರಣೆಗೆ ಹೋಗೋಕೂ ಮುನ್ನ ಉಗುರಿಗೆ ಗಾಢ ಬಣ್ಣದ ನೇಲ್​ ಪೇಂಟ್​ಗಳನ್ನ ಬಳಸಿ. ಹೋಳಿ ಬಣ್ಣ ಆಡಿದ ಬಳಿಕ ನೇಲ್​ಪೇಂಟ್​ಗಳನ್ನ ಅಳಿಸಿ ಹಾಕಿದ್ರೆ ಅದರ ಜೊತೆಗೆ ಉಗುರಿಗಂಟಿದ ಬಣ್ಣವೂ ಹೋಗುತ್ತೆ.

ಹಬ್ಬಕ್ಕೆ ಮಾಡಿ ಸವಿಯಿರಿ ಖರ್ಜೂರದ ಹೋಳಿಗೆ

ಫೇಸ್​ ಪ್ಯಾಕ್​ : ಮೂರು ಚಮಚ ಒಟ್​ಮೀಲ್​, 2 ಚಮಚ ನಿಂಬೆ ರಸ ಹಾಗೂ ಜೇನುತುಪ್ಪವನ್ನ ನೀರಿನಲ್ಲಿ ಮಿಶ್ರಣ ಮಾಡಿ ಪೇಸ್ಟ್​ ತಯಾರಿಸಿಕೊಳ್ಳಿ. ಇದನ್ನ ಮುಖಕ್ಕೆ ಮಸಾಜ್​ ಮಾಡಿಕೊಂಡು 40 ನಿಮಿಷಗಳ ಕಾಲ ಹಾಗೇ ಇಡಿ. ಬಳಿಕ ಮುಖವನ್ನ ತಣ್ಣನೆಯ ನೀರಿನಲ್ಲಿ ತೊಳೆದುಕೊಳ್ಳಿ.

ನಿಂಬು : ನಿಂಬೆ ಹಣ್ಣನ್ನ ನೇರವಾಗಿ ಮುಖಕ್ಕೆ ಹಚ್ಚಿಕೊಂಡರೆ ಕೆಲವರಿಗೆ ಅಲರ್ಜಿ ಉಂಟಾಗುತ್ತೆ. ಆದರೆ ನಿಂಬೆ ರಸಕ್ಕೆ ಬಣ್ಣವನ್ನ ಅಳಿಸುವ ಶಕ್ತಿ ಇರುವ ಕಾರಣ ಫೇಸ್​ ಪ್ಯಾಕ್​ ಒಣಗುತ್ತಿದ್ದಂತೆಯೇ ಮುಖದ ಮೇಲೆ ನಿಂಬೆ ಹಣ್ಣಿನ ಹೋಳನ್ನ ಮುಖಕ್ಕೆ ಸವರಿ. ಬಳಿಕ ತಣ್ಣನೆಯ ನೀರಿನಲ್ಲಿ ಮುಖವನ್ನ ತೊಳೆಯಿರಿ.