ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಐಸಿಐಸಿಐ, ಹೆಚ್ಡಿಎಫ್ಸಿ, ಆಕ್ಸಿಸ್ ಬ್ಯಾಂಕ್ ಹಾಗೂ ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗಳ ಗ್ರಾಹಕರಾಗಿದ್ದರೆ ನಿಮಗೊಂದು ಮಹತ್ವದ ಎಚ್ಚರಿಕೆ ಸಂದೇಶ ಇದೆ.
ಈ ಐದು ಬ್ಯಾಂಕ್ಗಳ ಗುರಿಯಾಗಿಸಿ ದೊಡ್ಡ ಪಿಶಿಂಗ್ ಹಗರಣವೇ ನಡೆಯುತ್ತಿದೆ. ದೆಹಲಿ ಮೂಲದ ಥಿಂಕ್ ಟ್ಯಾಂಕ್ ಸೈಬರ್ಪೀಸ್ ಫೌಂಡೇಶನ್ ಹಾಗೂ ಸೈಬರ್ ಸೆಕ್ಯೂರಿಟಿ ಸರ್ವೀಸಸ್ ನಡೆಸಿದ ತನಿಖೆಯಲ್ಲಿ ಈ ಮಹತ್ವದ ವಿಚಾರ ಬಟಾಬಯಲಾಗಿದೆ.
ಭಾರತೀಯ ಗ್ರಾಹಕರನ್ನ ಗುರಿಯಾಗಿಸಿಕೊಂಡಿರುವ ಸೈಬರ್ ದುಷ್ಕರ್ಮಿಗಳು ಬ್ಯಾಂಕ್ ಗ್ರಾಹಕರಿಂದ ಅತ್ಯಮೂಲ್ಯ ಮಾಹಿತಿಯನ್ನ ಕದಿಯುತ್ತಿದ್ದಾರೆ. ತೆರಿಗೆ ಪಾವತಿ ವಿಚಾರವಾಗಿ ಗ್ರಾಹಕರನ್ನ ಸಂಪರ್ಕಿಸೋ ಈ ಖದೀಮರು ನಕಲಿ ವೆಬ್ಪೇಜ್ ಲಿಂಕ್ನ್ನು ಕಳುಹಿಸುತ್ತಾರೆ. ಈ ಲಿಂಕ್ಗೆ ಲಾಗಿನ್ ಆಗಿ ಇ ಫಿಲ್ಲಿಂಗ್ ಪ್ರಕ್ರಿಯೆ ಮಾಡಲು ಹೋದ ಗ್ರಾಹಕರ ಎಲ್ಲಾ ವೈಯಕ್ತಿಕ ಹಾಗೂ ಮಹತ್ವದ ಮಾಹಿತಿಯನ್ನ ಕದಿಯಲಾಗ್ತಿದೆ.
ಅಮೆರಿಕ ಹಾಗೂ ಫ್ರಾನ್ಸ್ನ ಮೂಲದ ಲಿಂಕ್ ಇದಾಗಿದ್ದು ಇದರ ಮೂಲಕ ಆರೋಪಿಗಳು ಬ್ಯಾಂಕ್ ಗ್ರಾಹಕರ ಮಹತ್ವದ ಮಾಹಿತಿಗಳನ್ನ ಕಲೆ ಹಾಕ್ತಾರೆ. ಇದರಿಂದ ಬ್ಯಾಂಕ್ ಗ್ರಾಹಕರು ಮುಂದಿನ ದಿನಗಳಲ್ಲಿ ಭಾರೀ ದೊಡ್ಡ ಸೈಬರ್ ಕ್ರೈಂನ ಬಲಿಪಶುಗಳಾಗುತ್ತಾರೆ.
ನೀವು ಈ ಲಿಂಕ್ನ್ನು ತೆರೆಯುತ್ತಿದ್ದಂತೆಯೇ ಇನ್ಕಮ್ ಟ್ಯಾಕ್ಸ್ ಇ ಫಿಲ್ಲಿಂಗ್ ವೆಬ್ಸೈಟ್ನ್ನೇ ಹೋಲುವ ನಕಲಿ ಸೈಟ್ ಕಾಣಸಿಗಲಿದೆ. ಇದರಲ್ಲಿ ಹಸಿರು ಬಣ್ಣದಲ್ಲಿ ಕಾಣುವ ಪ್ರೊಸೀಡ್ ಟು ದ ವೆರಿಫಿಕೇಷನ್ ಸ್ಟೆಪ್ಸ್ ಬಟನ್ ಕ್ಲಿಕ್ ಮಾಡಿದ ಬಳಿಕ ನಿಮ್ಮ ಹೆಸರು, ಪಾನ್ ಸಂಖ್ಯೆ, ಆಧಾರ್ ಸಂಖ್ಯೆ, ವಿಳಾಸ, ಪಿನ್ಕೋಡ್, ಹುಟ್ಟಿದ ದಿನಾಂಕ ಹೀಗೆ ಸಾಕಷ್ಟು ಮಾಹಿತಿಯನ್ನ ಟೈಪ್ ಮಾಡುವಂತೆ ಕೇಳಲಾಗುತ್ತೆ. ಅಲ್ಲದೇ ನಿಮ್ಮ ಖಾತೆಯ ಸಂಖ್ಯೆ, ಐಎಫ್ಎಸ್ಸಿ ಕೋಡ್, ಕಾರ್ಡ್ ಸಂಖ್ಯೆ, ಸಿವಿವಿ ಹೀಗೆ ಎಲ್ಲಾ ಮಾಹಿತಿಯನ್ನ ಪಡೆದು ಮುಂದಿನ ದಿನಗಳಲ್ಲಿ ನಿಮಗೆ ಭಾರೀ ದೊಡ್ಡ ಆರ್ಥಿಕ ಹೊಡೆತ ನೀಡುತ್ತಾರೆ.
Loading ...