‘ಜಿಯೋ’ದ ಯಾವ ರಿಚಾರ್ಜ್ ಯೋಜನೆಗಿದೆ ಹೆಚ್ಚು ಬೇಡಿಕೆ…? ಇಲ್ಲಿದೆ ಡಿಟೇಲ್ಸ್

ರಿಲಯನ್ಸ್ ಜಿಯೋ ತನ್ನ ವೆಬ್‌ಸೈಟ್ ಮರುವಿನ್ಯಾಸಗೊಳಿಸಿದೆ. ಮುಖೇಶ್ ಅಂಬಾನಿ ನಾಯಕತ್ವದ ಕಂಪನಿಯು ಸೂಪರ್ ವ್ಯಾಲ್ಯೂ, ಬೆಸ್ಟ್ ಸೆಲ್ಲಿಂಗ್ ಮತ್ತು ಟ್ರೆಂಡಿಂಗ್ ವಿಭಾಗದಲ್ಲಿ ಬರುವ ಪ್ರಿಪೇಯ್ಡ್ ಯೋಜನೆಗಳನ್ನು ಘೋಷಿಸಿದೆ. ಗ್ರಾಹಕರು ಹೆಚ್ಚು ರೀಚಾರ್ಜ್ ಮಾಡಿದ ರೀಚಾರ್ಜ್ ಯೋಜನೆಗಳು ಅತ್ಯುತ್ತಮ ಮಾರಾಟದ ವಿಭಾಗದಲ್ಲಿವೆ.

ಜಿಯೋ ತನ್ನ 349 ರೂಪಾಯಿ ರೀಚಾರ್ಜ್ ಯೋಜನೆಯನ್ನು ಟ್ರೆಂಡಿಂಗ್ ಟ್ಯಾಗ್‌ನಲ್ಲಿ ಇರಿಸಿದೆ. ಅಂದರೆ ಈ ರೀಚಾರ್ಜ್ ಯೋಜನೆಯನ್ನು ಹೆಚ್ಚಿನ ಜನರು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ. ಇದೇ ಸಮಯದಲ್ಲಿ  ಕಂಪನಿ 199 ರೂಪಾಯಿ ಮತ್ತು 555 ರೂಪಾಯಿ ರೀಚಾರ್ಜ್ ಯೋಜನೆಗಳನ್ನು ಬೆಸ್ಟ್ ಸೆಲ್ಲರ್ಸ್ ಟ್ಯಾಗ್ ನಲ್ಲಿಟ್ಟಿದೆ.

ಜಿಯೋ, ಅತ್ಯುತ್ತಮ ಮಾರಾಟದ ಪಟ್ಟಿಯಲ್ಲಿ ಒಟ್ಟು ನಾಲ್ಕು ಯೋಜನೆಗಳನ್ನು ಸೇರಿಸಿದೆ. ಈ ಪಟ್ಟಿ ಸೇರಿರುವ 199 ರೂಪಾಯಿ ಯೋಜನೆಯಲ್ಲಿ ಪ್ರತಿದಿನ 1.5 ಜಿಬಿ ಡೇಟಾ ಸಿಗ್ತಿದೆ. ಈ ಯೋಜನೆಯ ಸಿಂಧುತ್ವವು 28 ದಿನಗಳಾಗಿದ್ದು, ಗ್ರಾಹಕರಿಗೆ ಅನಿಯಮಿತ ಧ್ವನಿ ಕರೆಗಳು ಮತ್ತು ಪ್ರತಿದಿನ 100 ಎಸ್‌ಎಂಎಸ್ ಸಿಗಲಿದೆ.

ಈ ಪಟ್ಟಿಗೆ ಸೇರಿಸಲಾದ ಎರಡನೇ ಯೋಜನೆ 555 ರೂಪಾಯಿ. ಇದರ ಸಿಂಧುತ್ವವು 84 ದಿನಗಳು. ಈ ಯೋಜನೆಯಲ್ಲಿ ಪ್ರತಿದಿನ 1.5 ಜಿಬಿ ಡೇಟಾ ಲಭ್ಯವಿದೆ. ಅನಿಯಮಿತ ಧ್ವನಿ ಕರೆಗಳು ಮತ್ತು ಪ್ರತಿದಿನ 100 ಎಸ್‌ಎಂಎಸ್ ಸಿಗಲಿದೆ. ಮೂರನೇ ಪ್ಲಾನ್ 599 ರೂಪಾಯಿಯದ್ದಾಗಿದ್ದು,ನಾಲ್ಕನೇ ಪ್ಲಾನ್ 2,399 ರೂಪಾಯಿಯದ್ದಾಗಿದೆ. ಈ ಎರಡರಲ್ಲೂ ಪ್ರತಿದಿನ 2 ಜಿಬಿ ಡೇಟಾ ಸಿಗಲಿದೆ. ಈ ಯೋಜನೆಗಳ ಸಿಂಧುತ್ವ ಕ್ರಮವಾಗಿ 84 ದಿನಗಳು ಮತ್ತು 365 ದಿನಗಳು. ಈ ಯೋಜನೆಗಳಲ್ಲಿ ಪ್ರತಿದಿನ ಅನಿಯಮಿತ ಧ್ವನಿ ಕರೆಗಳು ಮತ್ತು 100 ಎಸ್‌ಎಂಎಸ್ ಸಹ ನೀಡಲಾಗುತ್ತದೆ.

ಸೂಪರ್ ವ್ಯಾಲ್ಯೂ ವಿಭಾಗದಲ್ಲಿ 249 ಮತ್ತು 2,599 ರೂಪಾಯಿಗಳ ಯೋಜನೆ ಸೇರಿದೆ. 249 ರೂಪಾಯಿಗಳ ಪ್ರಿಪೇಯ್ಡ್ ಯೋಜನೆಯಲ್ಲಿ ಪ್ರತಿದಿನ 2 ಜಿಬಿ ಡೇಟಾ ಲಭ್ಯವಿದೆ. ಇದರ ಸಿಂಧುತ್ವವು 28 ದಿನಗಳು. 2,599 ರೂಪಾಯಿಗಳ ಯೋಜನೆಯು ಪ್ರತಿದಿನ 2 ಜಿಬಿ ಡೇಟಾ ಜೊತೆಗೆ ಹೆಚ್ಚುವರಿ 10 ಜಿಬಿ ಡೇಟಾವನ್ನು ನೀಡುತ್ತದೆ. ಈ ಯೋಜನೆಯಲ್ಲಿ ಪ್ರತಿದಿನ ಅನಿಯಮಿತ ಧ್ವನಿ ಕರೆಗಳು ಮತ್ತು 100 ಎಸ್‌ಎಂಎಸ್ ಲಭ್ಯವಿದೆ. ಯಾವುದೇ ಹೆಚ್ಚುವರಿ ಶುಲ್ಕವಿಲ್ಲದೆ, ಜಿಯೋ ಡಿಸ್ನಿ, ಹಾಟ್‌ಸ್ಟಾರ್ ವಿಐಪಿ ಚಂದಾದಾರಿಕೆಯನ್ನು ನೀಡುತ್ತದೆ.

ರಿಲಯನ್ಸ್ ಜಿಯೋ ತನ್ನ ಟ್ರೆಂಡಿಂಗ್ ಪಟ್ಟಿಯಲ್ಲಿ 349 ರೂಪಾಯಿ ಯೋಜನೆಯನ್ನು ಸೇರಿಸಿದೆ. ಈ ಯೋಜನೆಯಲ್ಲಿ  ಪ್ರತಿದಿನ 3 ಜಿಬಿ ಡೇಟಾ ಸಿಗಲಿದೆ. ಅನಿಯಮಿತ ಧ್ವನಿ ಕರೆಗಳು ಮತ್ತು ಪ್ರತಿದಿನ 100 ಎಸ್‌ಎಂಎಸ್ ಲಭ್ಯವಿದೆ. ಜಿಯೋನ ಎಲ್ಲಾ ಯೋಜನೆಗಳಲ್ಲಿ ಗ್ರಾಹಕರು ಜಿಯೋ ಟಿವಿ, ಜಿಯೋ ಸಿನೆಮಾ, ಜಿಯೋ ನ್ಯೂಸ್, ಜಿಯೋ ಸೆಕ್ಯುರಿಟಿ ಮತ್ತು ಜಿಯೋಕ್ಲೌಡ್ ನಂತಹ ಜಿಯೋ ಅಪ್ಲಿಕೇಶನ್‌ಗಳ ಉಚಿತ ಚಂದಾದಾರಿಕೆ ಪಡೆಯುತ್ತಿದ್ದಾರೆ.