BIG NEWS: ಶೀಘ್ರದಲ್ಲೇ ಬದಲಾಗಲಿದೆ ಪಿಎಫ್ ನಿಯಮ, ಇದನ್ನು ಅನುಸರಿಸದಿದ್ರೆ ನೀವು ಪಡೆಯಲಾಗಲ್ಲ ಹಣ

ನವದೆಹಲಿ: ನೌಕರರ ಭವಿಷ್ಯ ನಿಧಿ(ಇಪಿಎಫ್) ಚಂದಾದಾರರು ತಮ್ಮ ಆಧಾರ್ ಕಾರ್ಡ್ ಅನ್ನು ಭವಿಷ್ಯನಿಧಿ(ಪಿಎಫ್) ಖಾತೆಯೊಂದಿಗೆ ಲಿಂಕ್ ಮಾಡಲು ಸೆಪ್ಟೆಂಬರ್ ವರೆಗೆ ಸಮಯ ಇದೆ.

ಉದ್ಯೋಗದಾತರಿಂದ ಪಿಎಫ್ ಕೊಡುಗೆ, ಇತರ ಸವಲತ್ತುಗಳನ್ನು ಪಡೆಯಲು ನೌಕರರ ಭವಿಷ್ಯ ನಿಧಿ ಸಂಸ್ಥೆ(ಇಪಿಎಫ್ಒ) ಆಧಾರ್ ಕಾರ್ಡ್ ಅನ್ನು ಪಿಎಫ್ ಯುಎಎನ್(ಸಾರ್ವತ್ರಿಕ ಖಾತೆ ಸಂಖ್ಯೆ)ನೊಂದಿಗೆ ಲಿಂಕ್ ಮಾಡುವುದನ್ನು ಕಡ್ಡಾಯಗೊಳಿಸಿದೆ.

ಈ ಜೋಡಣೆಗೆ ಗಡುವನ್ನು 2021 ರ ಜೂನ್ 1 ರಿಂದ 2021 ರ ಸೆಪ್ಟೆಂಬರ್ 1 ಕ್ಕೆ ಮುಂದೂಡಲಾಗಿದೆ. ಈ ಹೊಸ ನಿಯಮವನ್ನು ಜಾರಿಗೆ ತರಲು ಕಾರ್ಮಿಕ ಸಚಿವಾಲಯವು ಸಾಮಾಜಿಕ ಭದ್ರತೆ -2020 ಸಂಹಿತೆಯ ಸೆಕ್ಷನ್ 142 ಕ್ಕೆ ತಿದ್ದುಪಡಿ ಮಾಡಿದೆ. ಸಂಹಿತೆಯಡಿ ಪ್ರಯೋಜನ ಮತ್ತು ಸೇವೆಗಳನ್ನು ಪಡೆಯಲು ಆಧಾರ್ ಸಂಖ್ಯೆಯ ಮೂಲಕ ನೌಕರ, ಅಸಂಘಟಿತ ಕೆಲಸಗಾರ ಅಥವಾ ಇನ್ನಾವುದೇ ವ್ಯಕ್ತಿಯ ಗುರುತನ್ನು ಸ್ಥಾಪಿಸಲು ಸಾಧ್ಯವಾಗಲಿದೆ.

‘ಪ್ಯಾನ್ ಮತ್ತು ಆಧಾರ್ ಕಾರ್ಡ್(ಕೆವೈಸಿ) ಲಿಂಕ್ ಮಾಡುವುದು ಎಲ್ಲಾ ಬ್ಯಾಂಕುಗಳು, ಪಿಪಿಎಫ್ ಖಾತೆಗಳು ಮತ್ತು ಇಪಿಎಫ್ ಖಾತೆಗಳ ಮೂಲಭೂತ ಅವಶ್ಯಕತೆಯಾಗಿದೆ. ಇದನ್ನು ಮಾಡದಿದ್ದರೆ ಉದ್ಯೋಗದಾತರಿಂದ ಬಡ್ಡಿ ಸಾಲವನ್ನು ಜಾರಿಗೊಳಿಸುವ ಕ್ರಮವಾಗಿ ನಿಮ್ಮಿಂದ ಹಿಂತೆಗೆದುಕೊಳ್ಳುವ ಹಕ್ಕುಗಳು, ಪಿಎಫ್ ನಿರಾಕರಣೆಯಂತಹ ಸಮಸ್ಯೆ ಎದುರಿಸಬೇಕಾಗುತ್ತದೆ ಎಂದು ಕಾನೂನು ಸಂಸ್ಥೆ ಎಂ.ವಿ.ಕಿನಿ ಪಾಲುದಾರ ವಿದಿಶಾ ಕ್ರಿಶನ್ ಹೇಳಿದ್ದಾರೆ.

ಸಾಮಾಜಿಕ ಭದ್ರತೆ ಕುರಿತ ಸಂಹಿತೆ – 2020 ಸಂಘಟಿತ / ಅಸಂಘಟಿತ ಅಥವಾ ಇನ್ನಾವುದೇ ಕ್ಷೇತ್ರಗಳಲ್ಲಿನ ಎಲ್ಲಾ ಉದ್ಯೋಗಿಗಳು ಮತ್ತು ಕಾರ್ಮಿಕರಿಗೆ ಸಾಮಾಜಿಕ ಭದ್ರತೆಯನ್ನು ವಿಸ್ತರಿಸುವ, ಸಾಮಾಜಿಕ ಭದ್ರತೆಗೆ ಸಂಬಂಧಿಸಿದ ಕಾನೂನುಗಳನ್ನು ತಿದ್ದುಪಡಿ ಮಾಡುವ ಮತ್ತು ಕ್ರೋಢೀಕರಿಸುವ ಶಾಸನವಾಗಿದೆ. ಈ ಸಂಹಿತೆಯನ್ನು ಇನ್ನೂ ಜಾರಿಗೆ ತರಲಾಗಿಲ್ಲವಾದರೂ, ಸಂಹಿತೆಯ ಸೆಕ್ಷನ್ 142 ರ ಬಗ್ಗೆ ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯವು ಜೂನ್ 3 ರಂದು ತಿಳಿಸಿದೆ. ಇದು ನೋಂದಣಿ ಬಯಸುತ್ತಿರುವ ನೌಕರರು ಮತ್ತು ಅಸಂಘಟಿತ ವಲಯದ ಕಾರ್ಮಿಕರಿಂದ ಆಧಾರ್ ಸಂಖ್ಯೆಯನ್ನು ಒದಗಿಸಬೇಕು ಎಂದು ಆದೇಶಿಸಿದೆ ಎಂದು ಎಲ್ & ಎಲ್ ಪಾಲುದಾರ ಅಮೃತಾ ಟೋಂಕ್ ಹೇಳಿದರು.

ಆಧಾರ್ ಪರಿಶೀಲಿಸಿದ ಯುಎಎನ್‌ಗಳೊಂದಿಗೆ ಇಸಿಆರ್(ಎಲೆಕ್ಟ್ರಾನಿಕ್ ಚಲನ್ ಕಮ್ ರಶೀದಿ ಅಥವಾ ಪಿಎಫ್ ರಿಟರ್ನ್) ಸಲ್ಲಿಸುವ ದಿನಾಂಕವನ್ನು ಸೆಪ್ಟೆಂಬರ್ 1, 2021 ಕ್ಕೆ ವಿಸ್ತರಿಸಲಾಗಿದೆ ಎಂದು ಇಪಿಎಫ್‌ಒ ಅಧಿಸೂಚನೆಯಲ್ಲಿ ತಿಳಿಸಿದೆ. ತಮ್ಮ ಆಧಾರ್ ಅನ್ನು ಪಿಎಫ್ ಯುಎಎನ್‌ಗೆ ಲಿಂಕ್ ಮಾಡಿದ ಉದ್ಯೋಗಿಗಳಿಗೆ ಮಾತ್ರ ಉದ್ಯೋಗದಾತ ಇಸಿಆರ್ ಸಲ್ಲಿಸಬಹುದು ಎಂದು ನಿವೃತ್ತಿ ಸಂಸ್ಥೆ ಈ ಹಿಂದೆ ಹೇಳಿದೆ. ‘ಆಧಾರ್ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ ನಂತರ ಉದ್ಯೋಗದಾತ ಆಧಾರ್ ಅಲ್ಲದ ಯುಎಎನ್‌ಗೆ ಪ್ರತ್ಯೇಕ ಇಸಿಆರ್ ಸಲ್ಲಿಸಬಹುದು’ ಎಂದು ಹೇಳಲಾಗಿದೆ.

ನಿಮ್ಮ ಆಧಾರ್ ವಿವರಗಳನ್ನು ನವೀಕರಿಸದಿದ್ದರೆ, ನೀವು ಇತರ ಇಪಿಎಫ್ ಪ್ರಯೋಜನಗಳನ್ನು ಕಳೆದುಕೊಳ್ಳುತ್ತೀರಿ. ಕಳೆದ ತಿಂಗಳು ಘೋಷಿಸಿದ COVID-19 ಮುಂಗಡ ಮತ್ತು ಪಿಎಫ್ ಖಾತೆಗಳಿಗೆ ಜೋಡಣೆ ಮಾಡಲಾದ ವಿಮಾ ಪ್ರಯೋಜನಗಳನ್ನು ಕೂಡ ಇದು ಒಳಗೊಂಡಿದೆ ಎಂಬುದನ್ನು ಗಮನಿಸಿ.

‘ಯುಎಎನ್‌ನೊಂದಿಗೆ ಆಧಾರ್ ಲಿಂಕ್ ಮಾಡುವುದು ಕಡ್ಡಾಯವಾಗಿದೆ. ಸೆಪ್ಟೆಂಬರ್ 1, 2021 ರಿಂದ ಅಂತಹ ಲಿಂಕ್ ಆಗದ ಸಂದರ್ಭಗಳಲ್ಲಿ ಉದ್ಯೋಗದಾತರಿಗೆ ಪಿಎಫ್ ರವಾನಿಸಲು ಸಾಧ್ಯವಾಗುವುದಿಲ್ಲ ಎಂದು ಡೆಲಾಯ್ಟ್ ಇಂಡಿಯಾದ ಪಾಲುದಾರ ಸರಸ್ವತಿ ಕಸ್ತೂರಿ ರಂಗನ್ ಹೇಳಿದರು.

‘ಇಪಿಎಫ್ಒ ಎಲ್ಲಾ ಪ್ರಯೋಜನಗಳಿಗಾಗಿ ಆನ್‌ಲೈನ್ ವಿಧಾನದತ್ತ ಸಾಗುತ್ತಿದೆ. ಅದು ಕೆವೈಸಿ ನವೀಕರಣವಾಗಲಿ, ಅಥವಾ ಮುಂಗಡ ಹಿಂಪಡೆಯುವಿಕೆ ಇತ್ಯಾದಿಗಳಿಗಾಗಿ ಅಗತ್ಯವಾಗಿದೆ. ಆದ್ದರಿಂದ ಫಲಾನುಭವಿಯ ಗುರುತನ್ನು ದಾಖಲಿಸುವುದು ಅಗತ್ಯವಾಗಿದೆ. ಹೀಗಾಗಿ, ಆಧಾರ್‌ಗೆ ಜೋಡಣೆಗೆ ತಿಳಿಸಲಾಗುತ್ತಿದೆ ಎಂದು ಅವರು ಹೇಳಿದ್ದಾರೆ.