ಗೃಹಿಣಿಯರಿಗೆ ಸರ್ಕಾರದಿಂದ ಗುಡ್ ನ್ಯೂಸ್: ಮತ್ತಷ್ಟು ಕಡಿಮೆ ಬೆಲೆಗೆ ಟೊಮೆಟೊ

ನವದೆಹಲಿ: ಆಗಸ್ಟ್ 20 ರಿಂದ ಪ್ರತಿ ಕೆಜಿಗೆ 40 ರೂಪಾಯಿ ಚಿಲ್ಲರೆ ದರದಲ್ಲಿ ಟೊಮೆಟೊ ಮಾರಾಟ ಮಾಡಲಾಗುವುದು.

ಟೊಮೆಟೊವನ್ನು ಚಿಲ್ಲರೆ ದರದಲ್ಲಿ ಮಾರಾಟ ಮಾಡಲು ಗ್ರಾಹಕ ವ್ಯವಹಾರಗಳ ಇಲಾಖೆಯು ಭಾರತೀಯ ರಾಷ್ಟ್ರೀಯ ಸಹಕಾರಿ ಗ್ರಾಹಕರ ಒಕ್ಕೂಟ(ಎನ್‌ಸಿಸಿಎಫ್) ಮತ್ತು ನ್ಯಾಷನಲ್ ಅಗ್ರಿಕಲ್ಚರಲ್ ಕೋಆಪರೇಟಿವ್ ಮಾರ್ಕೆಟಿಂಗ್ ಫೆಡರೇಶನ್ ಆಫ್ ಇಂಡಿಯಾ ಲಿಮಿಟೆಡ್(ನಾಫೆಡ್) ಗೆ ನಿರ್ದೇಶನ ನೀಡಿದೆ.

ಸಗಟು ಮತ್ತು ಚಿಲ್ಲರೆ ಮಾರುಕಟ್ಟೆಗಳಲ್ಲಿ ಟೊಮೆಟೊ ಬೆಲೆಯಲ್ಲಿನ ನಿರಂತರ ಕುಸಿತದ ದೃಷ್ಟಿಯಿಂದ ಆಗಸ್ಟ್ 20ರಿಂದ ಕೆಜಿಗೆ 40 ರೂ. ದರದಲ್ಲಿ ಮಾರಾಟ ಮಾಡಲಾಗುವುದು.

ಗ್ರಾಹಕ ವ್ಯವಹಾರಗಳು, ಆಹಾರ ಮತ್ತು ಸಾರ್ವಜನಿಕ ವಿತರಣಾ ಸಚಿವಾಲಯವು ದೆಹಲಿ-ಎನ್‌.ಸಿ.ಆರ್‌.ನಲ್ಲಿ ಎನ್.ಸಿ.ಸಿ.ಎಫ್. ಮತ್ತು ಎನ್‌ಎಎಫ್‌ಇಡಿಯಿಂದ ಜುಲೈ 14 ರಂದು ಕೆಜಿಗೆ 90 ರೂ.ಗಳ ಸಬ್ಸಿಡಿ ದರದಲ್ಲಿ ಮಾರಾಟ ಪ್ರಾರಂಭವಾಯಿತು. ಇದನ್ನು ಜುಲೈ 16 ರಂದು ಕೆಜಿಗೆ 80 ರೂ.ಗೆ ಇಳಿಸಲಾಯಿತು. ನಂತರ ಜುಲೈ 20 ರಂದು ಕೆಜಿಗೆ 70 ರೂ.ಗೆ ತಲುಪಿದೆ. ಅಧಿಕೃತ ಮಾಹಿತಿಯಂತೆ ಇಲ್ಲಿಯವರೆಗೆ, ಎರಡು ಸಂಸ್ಥೆಗಳು ಸರಿಸುಮಾರು 15 ಲಕ್ಷ ಕೆಜಿ ಟೊಮೆಟೊವನ್ನು ಮಾರಾಟ ಮಾಡಿವೆ.

ಗ್ರಾಹಕ ವ್ಯವಹಾರಗಳ ಇಲಾಖೆಯ ನಿರ್ದೇಶನದ ಮೇರೆಗೆ, ಎನ್‌ಸಿಸಿಎಫ್ ಮತ್ತು ಎನ್‌ಎಎಫ್‌ಇಡಿ ಆಂಧ್ರಪ್ರದೇಶ, ಕರ್ನಾಟಕ ಮತ್ತು ಮಹಾರಾಷ್ಟ್ರದ ಮಂಡಿಗಳಿಂದ ಟೊಮ್ಯಾಟೊ ಖರೀದಿಯನ್ನು ಪ್ರಮುಖ ಬಳಕೆ ಕೇಂದ್ರಗಳಲ್ಲಿ ಏಕಕಾಲದಲ್ಲಿ ವಿಲೇವಾರಿ ಮಾಡಲು ಪ್ರಾರಂಭಿಸಿದೆ.

ಜೂನ್ ಮತ್ತು ಜುಲೈ ತಿಂಗಳ ಚಿಲ್ಲರೆ ಹಣದುಬ್ಬರ ಅಂಕಿಅಂಶಗಳಲ್ಲಿ ಟೊಮೆಟೊ ಮತ್ತು ಇತರ ತರಕಾರಿಗಳ ಬೆಲೆಗಳ ಏರಿಕೆಯು ಗಮನಾರ್ಹವಾಗಿದೆ.