ಕಮಾಲ್ ಮಾಡಿದ ಮೊಟೊ ಜಿ8

ಮೊಟೊರೊಲಾ ತನ್ನ 5000 ಎಂಎಹೆಚ್ ಬ್ಯಾಟರಿ ಸ್ಮಾರ್ಟ್ಫೋನ್ ಮೊಟೊ ಜಿ 8 ಪವರ್ ಲೈಟ್ ಅನ್ನು ಮೇ 21 ರಂದು ಭಾರತದಲ್ಲಿ ಬಿಡುಗಡೆ ಮಾಡಿದೆ. ಮೇ 29 ರಂದು ಈ ಬಜೆಟ್ ಸ್ಮಾರ್ಟ್ಫೋನ್ ಸೇಲ್ ನಡೆದಿದೆ. ಈ ಫೋನ್  ಅಭಿಮಾನಿಗಳಿಗೆ ಇಷ್ಟವಾಗಿದೆ. ಸೇಲ್ ನಲ್ಲಿ 20 ಸೆಕೆಂಡುಗಳಲ್ಲಿ ಎಲ್ಲ ಸ್ಟಾಕ್ ಖಾಲಿಯಾಗಿದೆ.

ಈ ಫೋನ್ ಆನ್‌ಲೈನ್ ಶಾಪಿಂಗ್ ವೆಬ್‌ಸೈಟ್ ಫ್ಲಿಪ್‌ಕಾರ್ಟ್‌ನಲ್ಲಿ ಪ್ರತ್ಯೇಕವಾಗಿ ಮಾರಾಟ ಮಾಡಲಾಗುತ್ತಿದೆ. ಫೋನ್‌ನ ಬೆಲೆ 8,999 ರೂಪಾಯಿ  ಈ ಫೋನ್ Narzo 10A ಮತ್ತು ರೆಡ್ಮಿ 8 ನಂತಹ ಸ್ಮಾರ್ಟ್ಫೋನ್ಗಳೊಂದಿಗೆ ನೇರ ಸ್ಪರ್ಧೆ ನೀಡ್ತಿದೆ. ಒಮ್ಮೆ ಬ್ಯಾಟರಿ ಫುಲ್ ಚಾರ್ಜ್ ಮಾಡಿದ್ರೆ 3 ದಿನಗಳವರೆಗೆ ಬರಲಿದೆ. ಈ ಫೋನ್‌ನಿಂದ 19 ಗಂಟೆಗಳ ಕಾಲ ವೀಡಿಯೊ ಮತ್ತು 100 ಗಂಟೆಗಳ ಕಾಲ ಹಾಡನ್ನು ಕೇಳಬಹುದು.

ಈ ಫೋನ್ ಗೆ 4ಜಿಬಿ ರ್ಯಾಮ್ ಹಾಗೂ 64 ಜಿಬಿ ಇಂಟರ್ನಲ್ ಸ್ಟೋರೇಜ್ ನೀಡಲಾಗಿದೆ. ಮೈಕ್ರೊ ಎಸ್ಡಿ ಕಾರ್ಡ್ ಸಹಾಯದಿಂದ  256 ಜಿಬಿಗೆ ಹೆಚ್ಚಿಸಬಹುದು. ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಮೋಟೋ ಜಿ 8 ಪವರ್ ಲೈಟ್‌ನಲ್ಲಿ ನೀಡಲಾಗಿದೆ. ಫೋನ್ ಸೆಲ್ಫಿ ಮತ್ತು ವಿಡಿಯೋ ಕರೆಗಾಗಿ 8 ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ನೀಡಲಾಗಿದೆ.