ಮಾರ್ಕ್ ಜುಕರ್ ಬರ್ಗ್ ಒಂದೇ ದಿನದಲ್ಲಿ ಸುಮಾರು 30 ಬಿಲಿಯನ್ ಡಾಲರ್ ನಿವ್ವಳ ಮೌಲ್ಯ ಕಳೆದುಕೊಂಡಿದ್ದಾರೆ, ಮುಖೇಶ್ ಅಂಬಾನಿ ಮತ್ತು ಗೌತಮ್ ಅದಾನಿ ಈಗ ಫೇಸ್‌ಬುಕ್ ಸಂಸ್ಥಾಪಕರಿಗಿಂತ ಶ್ರೀಮಂತರಾಗಿದ್ದಾರೆ.
ಮೆಟಾ ಪ್ಲಾಟ್‌ ಫಾರ್ಮ್ಸ್ ಇಂಕ್ ನ ಷೇರುಗಳು ಶೇಕಡ 26 ರಷ್ಟು ಕುಸಿದಿದ್ದರಿಂದ ಮಾರ್ಕ್ ಜುಕರ್ ಬರ್ಗ್ ಗುರುವಾರ 31 ಶತಕೋಟಿ ಡಾಲರ್ ನಷ್ಟು ಕಳೆದುಕೊಂಡರು, ಸುಮಾರು 251 ಬಿಲಿಯನ್ ಡಾಲರ್ ಮಾರುಕಟ್ಟೆ ಮೌಲ್ಯ ಅಳಿಸಿ ಹಾಕಿದ್ದಾರೆ.
ವರದಿಗಳ ಪ್ರಕಾರ, ಅತಿದೊಡ್ಡ ಏಕದಿನ ಮಾರುಕಟ್ಟೆ ಮೌಲ್ಯ ವೈಪೌಟ್ ಸಂಸ್ಥಾಪಕ ಮತ್ತು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಜುಕರ್ ಬರ್ಗ್ ಅವರ ನಿವ್ವಳ ಮೌಲ್ಯವನ್ನು 85 ಶತಕೋಟಿ ಡಾಲರ್ ಗೆ ಇಳಿಸಿದೆ. ಜುಕರ್ ಬರ್ಗ್ ಅವರು ಮೆಟಾ ಇಂಕ್ ನ ಸರಿಸುಮಾರು ಶೇ. 12.8 ರಷ್ಟು ಷೇರುಗಳನ್ನು ಹೊಂದಿದ್ದಾರೆ. ಇದನ್ನು ಹಿಂದೆ ಫೇಸ್ ಬುಕ್ ಎಂದು ಕರೆಯಲಾಗುತ್ತಿತ್ತು.
ವರದಿಗಳ ಪ್ರಕಾರ, ಮೆಟಾದ ಒಟ್ಟಾರೆ ಸ್ಟಾಕ್ ಮೌಲ್ಯವು 200 ಶತಕೋಟಿ USD ಗಿಂತ ಹೆಚ್ಚು ಕುಸಿದಿದೆ, ಇದು ಸರಿಸುಮಾರು ನ್ಯೂಜಿಲೆಂಡ್‌ನ ಆರ್ಥಿಕತೆಯ ಗಾತ್ರಕ್ಕೆ ಸಮಾನವಾಗಿದೆ. ನಾಲ್ಕನೇ ತ್ರೈಮಾಸಿಕದಲ್ಲಿ, ಮೆಟಾ 33.67 ಬಿಲಿಯನ್ ಡಾಲರ್ ವಹಿವಾಟು ವರದಿ ಮಾಡಿದೆ. ಆದರೆ, ನಿವ್ವಳ ಲಾಭದಲ್ಲಿ 10.3 ಬಿಲಿಯನ್ ಡಾಲರ್ ಗಳಿಸಿದೆ. ಇದು ಕಳೆದ ವರ್ಷಕ್ಕಿಂತ ಶೇ. 8 ರಷ್ಟು ಕಡಿಮೆಯಾಗಿದೆ.
ವೈಪೌಟ್ ನಂತರ, ಜುಕರ್ ಬರ್ಗ್ ಈಗ ಫೋರ್ಬ್ಸ್‌ ನ ಬಿಲಿಯನೇರ್ ಗಳ ಪಟ್ಟಿಯಲ್ಲಿ ಮುಖೇಶ್ ಅಂಬಾನಿ ಮತ್ತು ಗೌತಮ್ ಅದಾನಿಯವರಿಗಿಂತ ಹನ್ನೆರಡನೇ ಸ್ಥಾನಕ್ಕೆ ತಳ್ಳಲ್ಪಟ್ಟಿದ್ದಾರೆ. ಗೌತಮ್ ಅದಾನಿ ಅತ್ಯಂತ ಶ್ರೀಮಂತ ಭಾರತೀಯರಾಗಿದ್ದಾರೆ, ಅವರ ನಿವ್ವಳ ಮೌಲ್ಯ ಸುಮಾರು 90 ಬಿಲಿಯನ್ ಡಾಲರ್ ಆಗಿದೆ. ಅವರು ಪ್ರಸ್ತುತ ಪಟ್ಟಿಯಲ್ಲಿ 10 ನೇ ಸ್ಥಾನದಲ್ಲಿದ್ದಾರೆ, ಪ್ರಸ್ತುತ 89 ಬಿಲಿಯನ್ ಡಾಲರ್ ನೊಂದಿಗೆ ಜಾಗತಿಕವಾಗಿ ಮುಖೇಶ್ ಅಂಬಾನಿ 11 ನೇ ಶ್ರೀಮಂತರಾಗಿದ್ದಾರೆ.
ಮೆಟಾದ ಮಾರುಕಟ್ಟೆ ಮೌಲ್ಯದ ದೊಡ್ಡ ಪ್ರಮಾಣದ ಅಪಮೌಲ್ಯೀಕರಣದ ಮಧ್ಯೆ, ಅಮೆಜಾನ್ ಸಂಸ್ಥಾಪಕ ಮತ್ತು ಸಹ ಬಿಲಿಯನೇರ್ ಜೆಫ್ ಬೆಜೋಸ್ ಅಮೆಜಾನ್ ನ ಹೆಚ್ಚಿದ ಗಳಿಕೆಯ ನಂತರ ತನ್ನ ಮೌಲ್ಯಮಾಪನಕ್ಕೆ ಸುಮಾರು 20 ಶತಕೋಟಿ ಡಾಲರ್ ಅನ್ನು ಸೇರಿಸಿದ್ದಾರೆ. ಬೆಜೋಸ್ ಕಂಪನಿಯ ಸುಮಾರು 9.9% ಅನ್ನು ಹೊಂದಿದ್ದಾರೆ ಮತ್ತು ಪ್ರಸ್ತುತ 164 ಶತಕೋಟಿ ಡಾಲರ್ ನೊಂದಿಗೆ ವಿಶ್ವದ ಮೂರನೇ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ. ಟೆಸ್ಲಾ ಇಂಕ್ ಟಾಪ್ ಬಾಸ್ ಎಲೋನ್ ಮಸ್ಕ್ 232 ಶತಕೋಟಿ ಡಾಲರ್ ನೊಂದಿಗೆ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ.
Loading ...