ʼರಾಖಿ ಹಬ್ಬʼದ ವೇಳೆ ಚೀನಾಕ್ಕೆ ದೊಡ್ಡ ಹೊಡೆತ ನೀಡಲಿದೆ ಭಾರತ

ರೇಷ್ಮೆ ರಾಖಿಯಿಲ್ಲವೆಂದ್ರೆ ಬರೀ ದಾರ ಕಟ್ಟಿ ರಾಖಿ ಹಬ್ಬ ಆಚರಿಸಿ. ಹೀಗೆಂಬ ಸಂದೇಶದ ಜೊತೆ ಚೀನಾ ವಿರುದ್ಧ ಅಭಿಯಾನ ಶುರುವಾಗಿದೆ. ಹಿಂದೂಸ್ತಾನಿ ರಾಖಿ ಹೆಸರಿನಲ್ಲಿ ಆಚರಿಸಲಾಗ್ತಿದೆ. ಚೀನಾದಲ್ಲಿ ತಯಾರಿಸಿದ ಯಾವುದೇ ಸರಕುಗಳನ್ನು ರಾಖಿ ತಯಾರಿಸಲು ಅಥವಾ ಮಾರಾಟ ಮಾಡಲು ಬಳಸಲಾಗುವುದಿಲ್ಲ. ಈ ಸಂದೇಶವನ್ನು ದೇಶಾದ್ಯಂತ ಹರಡಲು, ಜೂನ್ 10 ರಿಂದ ದೆಹಲಿ ಸೇರಿದಂತೆ ಎಲ್ಲೆಡೆ ʼಭಾರತೀಯ ಸರಕುಗಳು-ನಮ್ಮ ಹೆಮ್ಮೆʼ ಎಂಬ ಘೋಷಣೆಯಡಿ ಅಭಿಯಾನ ಶುರುವಾಗಿದೆ.

ಈ ಅಭಿಯಾನ ಪ್ರಾರಂಭವಾದ ನಂತರ ಚೀನಾ ವಸ್ತುಗಳನ್ನು ಸಂಪೂರ್ಣ ಬ್ಯಾನ್ ಮಾಡಿದ ಮೊದಲ ಹಬ್ಬ ರಾಖಿ ಹಬ್ಬವಾಗಲಿದೆ. ಚೀನಾದ ಸರಕುಗಳನ್ನು ಬಹಿಷ್ಕರಿಸುವ ಮೂಲಕ ಚೀನಾಕ್ಕೆ ದೊಡ್ಡ ಪಾಠವನ್ನು ನೀಡಲು ದೇಶ ಮುಂದಾಗಿದೆ. ರಾಖಿಯ ಈ ಹಬ್ಬದಿಂದ ಚೀನಾಕ್ಕೆ ಸುಮಾರು 4 ಸಾವಿರ ಕೋಟಿ ರೂಪಾಯಿಗಳ ವ್ಯಾಪಾರ ನಷ್ಟವಾಗಲಿದೆ.

ಅಂದಾಜಿನ ಪ್ರಕಾರ, ದೇಶದಲ್ಲಿ ರಾಖಿ ಹಬ್ಬದ ಸಂದರ್ಭದಲ್ಲಿ ಸುಮಾರು 6 ಸಾವಿರ ಕೋಟಿ ರಾಖಿಗಳ ವ್ಯಾಪಾರ ನಡೆಯುತ್ತದೆ. ಇದರಲ್ಲಿ ಚೀನಾದ ಪಾಲು 4 ಸಾವಿರ ಕೋಟಿ. ರಾಖಿ ತಯಾರಿಸುವ ವಸ್ತುಗಳು ಫೋಮ್, ಪೇಪರ್ ಫಾಯಿಲ್, ರಾಖಿ ದಾರ, ಮುತ್ತುಗಳು, ರಾಖಿಯ ಮೇಲಿರುವ ಅಲಂಕಾರಿಕ ವಸ್ತುಗಳು ಇತ್ಯಾದಿಗಳನ್ನು ಚೀನಾದಿಂದ ಆಮದು ಮಾಡಿಕೊಳ್ಳಲಾಗುತ್ತದೆ. ಈ ರಾಖಿ ತಯಾರಿಕೆಯಿಂದ ಮಹಿಳೆಯರಿಗೆ ಉದ್ಯೋಗ ಸಿಗಲಿದೆ. ಅವ್ರ ಪ್ರತಿಭೆ ಹೊರಬರಲಿದ್ದು, ಮೋದಿಯವರ ʼಲೋಕಲ್ ಆನ್ ವೋಕಲ್’ ಮತ್ತು ‘ಸ್ವಾವಲಂಬಿ ಭಾರತ’ದ ಕರೆಯನ್ನು ಈಡೇರಿಸುವ ದೊಡ್ಡ ಹೆಜ್ಜೆಯಾಗಲಿದೆ.