ಸ್ವಿಜರ್ಲ್ಯಾಂಡ್ನ ಪೊಲೀಸ್ ಅಧಿಕಾರಿಗಳು ಪ್ರಸಿದ್ಧ ಹಾಡಿಗೆ ನೃತ್ಯ ಮಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ.
ಹಿಮದ ನಡುವೆ ಪೊಲೀಸ್ ಅಧಿಕಾರಿಗಳು ಮಾಡುತ್ತಿರುವ ನೃತ್ಯದ ವಿಡಿಯೋ ಫೇಸ್ಬುಕ್ನಲ್ಲಿ ಬರೋಬ್ಬರಿ 8 ಮಿಲಿಯನ್ ವೀವ್ಸ್ ಸಂಪಾದಿಸಿದೆ. ಪೊಲೀಸರ ಈ ನೃತ್ಯ ಕೇವಲ ಸ್ವಿಜರ್ಲೆಂಡ್ ಜನತೆಯನ್ನ ಮಾತ್ರವಲ್ಲದೇ ವಿಶ್ವದ ಮೂಲೆ ಮೂಲೆಯ ಜನರಿಂದ ಮೆಚ್ಚುಗೆ ಸಂಪಾದಿಸಿದೆ.
ಫೀಲ್ಡಿನಲ್ಲಿರುವ ಪೊಲೀಸರಿಂದ ಹಿಡಿದು ಕಂಟ್ರೋಲ್ ರೂಂವರೆಗೆ ಎಲ್ಲಾ ಸಿಬ್ಬಂದಿ ಆಫ್ರಿಕನ್ ಹಿಟ್ ಗೀತೇ ಜೆರುಸಲೆಮಾಗೆ ಕುಣಿದು ಕುಪ್ಪಳಿಸಿದ್ದಾರೆ. ಈ ಜೆರುಸಲೆಮಾ ಹಾಡನ್ನ ಸಂಗೀತ ನಿರ್ದೇಶಕ ಮಾಸ್ಟರ್ ಕೆಜಿ ಕಂಪೋಸ್ ಮಾಡಿದ್ದರೆ ನೊಮ್ಕೆಬೊ ಜಿಕೊಡೆ ಹಾಡಿದ್ದಾರೆ. ಒಮ್ಮೊಮ್ಮೆ ಜೀವನದಲ್ಲಿ ನಗುವನ್ನ ಭೇಟಿ ಮಾಡೋಕೆ ಬಹಳ ಕಷ್ಟ ಪಡಬೇಕಿಲ್ಲ. ಅದರಲ್ಲೂ ನಗಲು ಬಹಳ ಕಷ್ಟ ಎನಿಸುವ ಈ ಸಂದರ್ಭದಲ್ಲೂ ಹಾಗೂ ನಮ್ಮ ಮುಖದಲ್ಲಿ ನಗು ತರಿಸಲು ಕಷ್ಟವಾಗ್ತಿರುವ ಈ ಸಂದರ್ಭದಲ್ಲಿ ಎಂದು ವಿಡಿಯೋಗೆ ಶೀರ್ಷಿಕೆ ನೀಡಲಾಗಿದೆ.
Loading ...