ಕೊರೊನಾ ಆರ್ಭಟದ ಮಧ್ಯೆ ಜನಸಾಮಾನ್ಯರ ನೆರವಿಗೆ ಬಾಲಿವುಡ್ ನಟ ಸೋನು ಸೂದ್ ಬಂದಿದ್ದಾರೆ. ವಲಸೆ ಕಾರ್ಮಿಕರಿಗೆ ವಾಹನ ವ್ಯವಸ್ಥೆ ಮಾಡಿದ್ದರಿಂದ ಹಿಡಿದು ತಾಯಿ-ಮಗುವಿಗೆ ಮನೆ ನೀಡಿದ್ದಾರೆ. ಈಗ ಸಾಫ್ಟ್ವೇರ್ ಎಂಜಿನಿಯರ್ ಒಬ್ಬರಿಗೆ ಕೆಲಸ ಕೊಡಿಸಿದ್ದಾರೆ.
ಹೈದರಾಬಾದ್‌ನ ಸಾಫ್ಟ್ವೇರ್ ಎಂಜಿನಿಯರ್ ಕೊರೊನಾ ಸಂದರ್ಭದಲ್ಲಿ ಕೆಲಸ ಕಳೆದುಕೊಂಡಿದ್ದರು. ಹೊಟ್ಟೆ ಪಾಡಿಗಾಗಿ ತರಕಾರಿ ಮಾರಾಟ ಮಾಡ್ತಿದ್ದರು. ಇವರಿಗೆ ಸೋನು ಸೂದ್ ಸಹಾಯ ಮಾಡಿದ್ದಾರೆ. ಕಂಪನಿಗೆ ಸಂದರ್ಶನ ನೀಡಿದ ಎಂಜಿನಿಯರ್ ಕೈಗೆ ಕೆಲಸದ ಲೆಟರ್ ಬಂದಿದೆ.
ಶಾರದಾ ಎಂಬ ಯುವತಿ ಕೆಲಸ ಕಳೆದುಕೊಂಡು ತರಕಾರಿ ಮಾರಾಟ ಮಾಡ್ತಿದ್ದಾರೆಂದು ವಿಡಿಯೋ ಒಂದನ್ನು ಸೋನು ಸೂದ್ ಗೆ ಟ್ಯಾಗ್ ಮಾಡಲಾಗಿತ್ತು. ಇದಕ್ಕೆ ಪ್ರತಿಕ್ರಿಯಿಸಿದ ಸೋನು, ನಮ್ಮ ಅಧಿಕಾರಿಗಳು ಭೇಟಿಯಾಗಿ ಕೆಲಸ ನೀಡಿದ್ದಾರೆ ಎಂದಿದ್ದಾರೆ.
Loading ...