ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ‘ ಜಾನೆ ಮೇರಿ ಜಾನೇಮನ್ ಬಚ್ಪನ್ ಕಾ ಪ್ಯಾರ್’ ಹಾಡು ಸಖತ್ ಸೌಂಡ್ ಮಾಡ್ತಿದೆ. ಇದೀಗ ಇಂಡಿಯನ್ ರ್ಯಾಪರ್ ಬಾದ್ ಶಾ ತಮ್ಮ ಹೊಸ ಗೀತೆ ರೂಪದಲ್ಲಿ ಇದೇ ಹಾಡನ್ನು ರೂಪಾಂತರಗೊಳಿಸಿದ್ದಾರೆ.
ಈ ರ್ಯಾಪ್ ಸಾಂಗ್ಗೆ ಬಾದ್ ಶಾ ಸದ್ಯದ ಇಂಟರ್ನೆಟ್ ಸೆನ್ಸೇಷನ್ ಸಹದೇವ್ ದಿರ್ಡೋ ಜೊತೆ ಕೈ ಜೋಡಿಸಿದ್ದಾರೆ.
ಇನ್ಸ್ಟಾಗ್ರಾಂನಲ್ಲಿ ಬಾದ್ ಶಾ ಸಾಂಗ್ ರಿಲೀಸ್ ಮಾಡಿರುವ ಮಾಹಿತಿಯನ್ನು ಶೇರ್ ಮಾಡಿದ್ದಾರೆ. ಈ ಆಲ್ಬಂ ಸಾಂಗ್ನಲ್ಲಿ ಸಹದೇವ್ ದಿರ್ಡೋ, ಆಸ್ಥಾ ಗಿಲ್ ಹಾಗೂ ರಿಕೋ ಜೊತೆ ಕೆಲಸ ಮಾಡಿದ್ದಾರೆ.
ಶಾಲೆಯೊಂದರಲ್ಲಿ ಬಚ್ಪನ್ ಕಾ ಪ್ಯಾರ್ ಎಂಬ ಹಾಡನ್ನು ಹಾಡುತ್ತಿರುವ ಸಹದೇವ್ರ ಹಾಡು ರಾತ್ರೋ ರಾತ್ರಿ ಇಂಟರ್ನೆಟ್ನಲ್ಲಿ ಸೆನ್ಸೇಷನ್ ಕ್ರಿಯೇಟ್ ಮಾಡಿತ್ತು. ಚತ್ತೀಸಗಢದ ಸುಕ್ಮಾ ಜಿಲ್ಲೆಯ 10 ವರ್ಷದ ಬಾಲಕ ಸಹದೇವ್ ಸಿಕ್ಕಾಪಟ್ಟೆ ಫೇಮಸ್ ಆಗಿದ್ದ.
ಅಂದಹಾಗೆ ಈ ವಿಡಿಯೋವನ್ನು 2019ರಲ್ಲಿ ಚಿತ್ರೀಕರಿಸಲಾಗಿದೆ. ತರಗತಿಯಲ್ಲಿ ಶಿಕ್ಷಕರು ಈ ವಿಡಿಯೋವನ್ನು ರೆಕಾರ್ಡ್ ಮಾಡಿದ್ದರು.
Loading ...