ಬಾಲಿವುಡ್ನ ಮುಂಬರುವ ಚಿತ್ರ ʼಬಚ್ಚನ್ ಪಾಂಡೆʼಯಲ್ಲಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವ ನಟ ಅಕ್ಷಯ್ ಕುಮಾರ್ ಸಿನಿಮಾದಲ್ಲಿ ತಮ್ಮ ಹೊಸ ಲುಕ್ನ ಪೋಸ್ಟರ್ನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ.
ಬಾಲಿವುಡ್ ನಟಿ ಕೃತಿ ಸನೂನ್, ಅರ್ಶದ್ ವಾರ್ಸಿ ಸಿನಿಮಾದಲ್ಲಿ ಅಕ್ಷಯ್ ಕುಮಾರ್ ಜೊತೆ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಫರ್ಹಾದ್ ಸಮ್ಜಿ ಆಕ್ಷನ್ ಕಟ್ ಹೇಳುತ್ತಿರುವ ಸಿನಿಮಾ ಇದಾಗಿದೆ. ಗುರುವಾರ ರಿಲೀಸ್ ಮಾಡಲಾದ ಪೋಸ್ಟರ್ನಲ್ಲಿ ಅಕ್ಷಯ್ ಕುಮಾರ್ ರಗಡ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ.
ನೀಲಿ ಬಣ್ಣದ ಜೀನ್ಸ್ ಪ್ಯಾಂಟ್, ಕಪ್ಪು ಬಣ್ಣದ ಶರ್ಟ್, ಹಣೆಗೆ ಸ್ಕಾರ್ಫ್ ಗಾಯವಾದ ಕಣ್ಣು ಹಾಗೂ ಕುತ್ತಿಗೆಯಲ್ಲಿ ಸಿಕ್ಕಾಪಟ್ಟೆ ಬಂಗಾರದ ಬಣ್ಣದ ಸರಗಳನ್ನ ಹಾಕಿರುವ ಅಕ್ಷಯ್ ಕಾರೊಂದರ ಮೇಲೆ ಕೂತು ಸಿಟ್ಟಿನಿಂದ ನೋಡುತ್ತಿರುವಂತೆ ಇದೆ. ಫೋಟೋದಲ್ಲಿ ಫಿಲಂ ಕ್ಲ್ಯಾಪ್ ಬೋರ್ಡ್ ಇರೋದನ್ನೂ ಕಾಣಬಹುದಾಗಿದೆ.
ಈ ಫೋಟೋವನ್ನ ಶೇರ್ ಮಾಡಿರುವ ಅಕ್ಷಯ್ ಕುಮಾರ್, ಹೊಸ ವರ್ಷ, ಹಳೆಯ ತಂಡ, ಬಚ್ಚನ್ ಪಾಂಡೆ ಸಿನಿಮಾದ ಶೂಟಿಂಗ್ ಆರಂಭ, ಸಾಜಿದ್ ನಾಡಿಯಾವಾಲಾ ಜೊತೆಗಿನ ನನ್ನ 10ನೇ ಸಿನಿಮಾ, ನಿಮ್ಮೆಲ್ಲರ ಶುಭ ಹಾರೈಕೆಯ ಅಗತ್ಯವಿದೆ ಎಂದು ಬರೆದುಕೊಂಡಿದ್ದಾರೆ.
Loading ...