ಚಿರನಿದ್ರೆಗೆ ಜಾರಿದ ಚಿರಂಜೀವಿ ಸರ್ಜಾ: ಸಂಕಟದಿಂದ 2 ದಿನ ನ್ಯೂಸ್ ನೋಡಲು ಅಂಜಿದ ಅನುಶ್ರೀ

ನಟ ಚಿರಂಜೀವಿ ಸರ್ಜಾ ಅವರ ಅಕಾಲಿಕ ನಿಧನ ಅವರ ಕುಟುಂಬಕ್ಕೆ ಮಾತ್ರವಲ್ಲ, ಕರ್ನಾಟಕಕ್ಕೆ ಆಘಾತ ತಂದಿದೆ. ಖ್ಯಾತ ನಿರೂಪಕಿ ಅನುಶ್ರೀ ಅವರು ಚಿರಂಜೀವಿ ಸರ್ಜಾ ವ್ಯಕ್ತಿತ್ವದ ಬಗ್ಗೆ ಹೇಳಿಕೊಂಡಿದ್ದಾರೆ.

ಎರಡು ದಿನ ಸೋಶಿಯಲ್ ಮೀಡಿಯಾ ಓಪನ್ ಮಾಡಲು ಹಿಂಜರಿದೆ. ನ್ಯೂಸ್ ನೋಡಲು ಅಂಜಿದೆ. ಚಿರನಿದ್ರೆಗೆ ಜಾರಿದ ಚಿರುವನ್ನು ನೋಡಲು ಆಗದೇ ಈ ರೀತಿ ಮಾಡಿದೆ ಎಂದು ಹೇಳಿದ್ದಾರೆ.

ಸದಾ ನಗುವ ಮತ್ತು ನಗಿಸುವ ಕಿಂಚಿತ್ತು ಕೂಡ ಬೇರೆಯವರ ಬಗ್ಗೆ ಅಸೂಯೆ ಪಡದ ಚಿರುವನ್ನು ಆ ಬಾಕ್ಸ್ ನಲ್ಲಿ ನೋಡಿದಾಗ ವಿವರಿಸಲಾಗದ ಸಂಕಟ ಎಂದು ತಿಳಿಸಿದ್ದಾರೆ.

ಚಿರಂಜೀವಿ ಸರ್ಜಾ ಎಷ್ಟು ಕೂಲ್ ಗೈ ಎನ್ನುವುದು ಗೆಳೆಯರೆಲ್ಲರಿಗೂ ಗೊತ್ತು. ದೇವರೇ ಇನ್ನೆಂದು ಇಂತಹ ಸ್ನೇಹಜೀವಿಯನ್ನು ಇಷ್ಟು ಬೇಗ ಕರೆಯಬೇಡ, ಮೇಘನಾ ಮತ್ತು ಕುಟುಂಬದವರಿಗೆ, ಸ್ನೇಹಿತರಿಗೆ ದೇವರು ಧೈರ್ಯ ಕೊಡಲಿ ಎಂದು ಅನುಶ್ರೀ ಪ್ರಾರ್ಥಿಸಿದ್ದಾರೆ.