ಟೀಂ ಇಂಡಿಯಾ ಆಟಗಾರ ಜಸ್ಪ್ರೀತ್ ಬೂಮ್ರಾ ಮದುವೆ ವಿಚಾರವಾಗಿ ಹುಟ್ಟಿದ್ದ ಎಲ್ಲಾ ಊಹಾಪೋಹಗಳಿಗೆ ಕೊನೆಗೂ ತೆರೆಬಿದ್ದಿದೆ. ಕ್ರೀಡಾ ನಿರೂಪಕಿ ಸಂಜನಾ ಗಣೇಶನ್ರನ್ನ ಜಸ್ಪ್ರೀತ್ ಬೂಮ್ರಾ ವಿವಾಹವಾಗಲಿದ್ದಾರೆ.
ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಟೀಂ ಇಂಡಿಯಾ ತಂಡದಲ್ಲಿದ್ದ ಬೂಮ್ರಾ ನಾಲ್ಕನೇ ಟೆಸ್ಟ್ಗೂ ಮುನ್ನ ತಂಡದಿಂದ ಹೊರಬಂದಿದ್ರು.
ಇದೇ ತಿಂಗಳು ಈ ಜೋಡಿ ಹಸಮಣೆ ಏರಲಿದ್ದು ಈ ಬಗ್ಗೆ ಬೂಮ್ರಾ ಆಗಲಿ ಇಲ್ಲವೇ ಸಂಜನಾ ಆಗಲಿ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ.
ಮಾಡೆಲ್ ಆಗಿ ತಮ್ಮ ವೃತ್ತಿ ಜೀವನ ಆರಂಭಿಸಿದ್ದ ಸಂಜನಾ ಇದೀಗ ಕ್ರೀಡಾ ನಿರೂಪಕಿ ಆಗಿದ್ದಾರೆ. ಇವರು ಸ್ಟಾರ್ಸ್ಪೋರ್ಟ್ಸ್ನಲ್ಲಿ ಮ್ಯಾಚ್ ಪಾಯಿಂಟ್ ಹಾಗೂ ಚೀಕಿ ಸಿಂಗಲ್ಸ್ ಎಂಬ ಶೋಗಳನ್ನ ನಡೆಸಿಕೊಟ್ಟಿದ್ದಾರೆ. ಇದು ಮಾತ್ರವಲ್ಲದೇ ಪ್ರೀಮಿಯರ್ ಬ್ಯಾಡ್ಮಿಂಟನ್ ಲೀಗ್ನ ‘ದಿಲ್ ಸೇ ಇಂಡಿಯಾ’ ಎಂಬ ಶೋವನ್ನೂ ಸಂಗೀತಾ ನಡೆಸಿಕೊಟ್ಟಿದ್ದರು.
ಬೂಮ್ರಾ ಇಂಗ್ಲೆಂಡ್ ಸರಣಿ ಮಧ್ಯದಲ್ಲೇ ಹೊರಬಂದಿರೋದೇ ಮದುವೆ ಸಿದ್ಧತೆಗಾಗಿ ಎಂದು ಮೂಲಗಳು ತಿಳಿಸಿವೆ. ಬಿಸಿಸಿಐ ಬಳಿ ಮದುವೆ ಸಿದ್ಧತೆಯ ಕಾರಣವನ್ನೇ ನೀಡಿ ಬೂಮ್ರಾ ರಜೆಯನ್ನ ಪಡೆದಿದ್ದಾರೆ ಎನ್ನಲಾಗಿದೆ.
Loading ...