ಟೀಂ ಇಂಡಿಯಾ ಲೆಜೆಂಡ್ ಆಟಗಾರ ರಾಹುಲ್ ದ್ರಾವಿಡ್ ಈ ವರ್ಷದ ಇಂಡಿಯನ್ ಪ್ರೀಮಿಯರ್ ಲಿಂಗ್ ಮೊದಲ ಪಂದ್ಯದ ದಿನದಂದು ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಹಲ್ಚಲ್ ಸೃಷ್ಟಿಸಿದ್ರು. ಸದಾ ಶಾಂತ ರೀತಿಯಲ್ಲಿ ವರ್ತಿಸುವ ರಾಹುಲ್ ದ್ರಾವಿಡ್ ಈ ಜಾಹಿರಾತಿನಲ್ಲಿ ತಮ್ಮ ಕ್ರೋಧದ ಮುಖ ತೋರಿಸಿದ್ದು ಹಿಂದೆಂದೂ ಕಾಣದ ಈ ದೃಶ್ಯವನ್ನ ಕಂಡ ಅಭಿಮಾನಿಗಳು ಫಿದಾ ಆಗೋಗಿದ್ರು.
ಕ್ರೆಡಿಟ್ ಕಾರ್ಡ್ ಪೇಮೆಂಟ್ ಅಪ್ಲಿಕೇಶನ್ನ ಜಾಹೀರಾತಿನಲ್ಲಿ ರಾಹುಲ್ ದ್ರಾವಿಡ್ ಈ ರೀತಿಯ ನಟನೆಯನ್ನ ಮಾಡಿದ್ದರು. ಸದಾ ಕೂಲ್ ಆಗೇ ಇರೋ ದ್ರಾವಿಡ್ ಅದಕ್ಕಿಂತ ಸಂಪೂರ್ಣ ವಿರುದ್ಧವಾದ ಭಾವದಲ್ಲಿ ಕಾಣಿಸಿಕೊಂಡಿದ್ದು ನೋಡುಗರಿಗೆ ಭಾರೀ ಮಜಾ ನೀಡಿತ್ತು.
ಈ ವಿಡಿಯೋ ಸೋಶಿಯಲ್ ಮೀಡಿಯಾದ ಎಲ್ಲಾ ವೇದಿಕೆಗಳಲ್ಲೂ ಧೂಳೆಬ್ಬಿಸಿತ್ತು. ಅದರಲ್ಲೂ ದ್ರಾವಿಡ್ರ ʼಇಂದಿರಾ ನಗರ್ ಕಾ ಗೂಂಡಾ ಹೂ ಮೇʼ ಎಂಬ ಡೈಲಾಗ್ ಅಂತೂ ಎಷ್ಟರ ಮಟ್ಟಿಗೆ ಸುದ್ದಿಯಾಗಿದೆ ಅಂದರೆ ಪೊಲೀಸ್ ಇಲಾಖೆ ಕೂಡ ಈ ಜಾಹೀರಾತನ್ನ ಜನಜಾಗೃತಿಗಾಗಿ ಬಳಸಿಕೊಳ್ಳುವಂತಾಗಿದೆ.
ಇದೀಗ ಮುಂಬೈ ಪೊಲೀಸರು ಕೂಡ ಈ ವಿಡಿಯೋವನ್ನ ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿದ್ದು, ಈ ಮೂಲಕ ಮಾಸ್ಕ್ ಬಳಕೆಯ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸಿದ್ದಾರೆ. ಸೂರತ್ ಪೊಲೀಸ್ ಇಲಾಖೆ ಕೂಡ ಈ ವಿಡಿಯೋವನ್ನ ಸಾಮಾಜಿಕ ಜಾಲತಾಣದ ಖಾತೆಗಳಲ್ಲಿ ಶೇರ್ ಮಾಡಿದೆ.
ಸೂರತ್ ಹಾಗೂ ಮುಂಬೈ ಪೊಲೀಸರನ್ನ ಹೊರತುಪಡಿಸಿ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಹಾಗೂ ಫುಡ್ ಡೆಲಿವರಿ ಅಪ್ಲಿಕೇಶನ್ ಜೊಮೆಟೊ ಕೂಡ ಇಂದಿರಾನಗರದ ಈ ಫನ್ನಿ ಲೈನ್ನ್ನು ಬಳಕೆ ಮಾಡಿದ್ದಾರೆ.
Loading ...