ಆಮ್ಸ್ಟೆಲ್ವೀನ್(ನೆದರ್ಲೆಂಡ್ಸ್): ನೆದರ್ಲೆಂಡ್ಸ್ ವಿರುದ್ಧ 498/4 ರನ್ ಗಳಿಸುವ ಮೂಲಕ ಏಕದಿನ ಅಂತಾರಾಷ್ಟ್ರೀಯ ಕ್ರಿಕೆಟ್ ಇತಿಹಾಸದಲ್ಲಿ ಅತಿ ಹೆಚ್ಚು ಸ್ಕೋರ್ ಮಾಡಿದ ಇಂಗ್ಲೆಂಡ್ ತನ್ನದೇ ದಾಖಲೆಯನ್ನು ಮುರಿದಿದೆ. ಹೊಸ ವಿಶ್ವ ದಾಖಲೆ ಬರೆದಿದೆ.
ಶುಕ್ರವಾರ ನಡೆದ ಪಂದ್ಯದಲ್ಲಿ ಜೋಸ್ ಬಟ್ಲರ್ ಕೇವಲ 70 ಎಸೆತಗಳಲ್ಲಿ ಅಜೇಯ 162 ರನ್ ಗಳಿಸಿದರು. ಆಮ್‌ ಸ್ಟರ್‌ ಡ್ಯಾಮ್‌ ನ ಹೊರಗಿನ ಆಮ್‌ ಸ್ಟೆಲ್‌ ವೀನ್‌ ನಲ್ಲಿ ಇಂಗ್ಲೆಂಡ್ ಗಳಿಸಿದ ಒಟ್ಟು ಮೊತ್ತ ಜೂನ್ 2018 ರಲ್ಲಿ ಟ್ರೆಂಟ್ ಬ್ರಿಡ್ಜ್‌ ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಇಂಗ್ಲೆಂಡ್ ಮಾಡಿದ ಸ್ಕೋರ್(481/6) ಮೀರಿಸಿದೆ.
ಡೇವಿಡ್ ಮಲಾನ್ ಮತ್ತು ಫಿಲ್ ಸಾಲ್ಟ್ ಕೂಡ ಶತಕಗಳನ್ನು ದಾಖಲಿಸಿದ್ದಾರೆ. ಬಟ್ಲರ್ ಇಂಗ್ಲೆಂಡ್ ಪರ ಎರಡನೇ ವೇಗದ ಶತಕಕ್ಕಾಗಿ 47 ಎಸೆತಗಳಲ್ಲಿ ಮೂರು ಅಂಕಿಗಳನ್ನು ತಲುಪಿದರು. ಬಟ್ಲರ್ ಈಗ ರಾಷ್ಟ್ರೀಯ ತಂಡಕ್ಕಾಗಿ ಮೂರು ವೇಗದ ODI ಶತಕಗಳನ್ನು ಹೊಂದಿದ್ದಾರೆ. 46 ಎಸೆತ, 47 ಎಸೆತ ಮತ್ತು 50 ಎಸೆತಗಳಲ್ಲಿ ಅವರು ಶತಕ ಗಳಿಸಿದ್ದಾರೆ.
ಅಂತಿಮ 5.2 ಓವರ್‌ಗಳಲ್ಲಿ ಬಟ್ಲರ್ ಜೊತೆಗೂಡಿದ ನಂತರ ಲಿಯಾಮ್ ಲಿವಿಂಗ್ ಸ್ಟೋನ್ 22 ಎಸೆತಗಳಲ್ಲಿ ಔಟಾಗದೆ 66 ರನ್ ಗಳಿಸಿದರು. ಲಿವಿಂಗ್ ಸ್ಟೋನ್ ಇಂಗ್ಲೆಂಡ್ ತಂಡದ ಸ್ಕೋರ್ ಅನ್ನು 500 ಕ್ಕೆ ಕೊಂಡೊಯ್ಯುವ ಅವಕಾಶವನ್ನು ಹೊಂದಿದ್ದರು.
ಇಂಗ್ಲೆಂಡ್ 50 ಓವರುಗಳಲ್ಲಿ ನಾಲ್ಕು ವಿಕೆಟ್ ನಷ್ಟಕ್ಕೆ 498 ರನ್ ಗಳಿಸಿದೆ. ಫಿಲ್ ಸಾಲ್ಟ್ 122, ಡೇವಿಡ್ ಮಲನ್ 125, ಜೋಸ್ ಬಟ್ಲರ್ ಅಜೇಯ 162, ಲಿಯಾಂ ಲಿವಿಂಗ್ ಸ್ಟೋನ್ ಅಜೇಯ 66 ರನ್ ಗಳಿಸಿದ್ದಾರೆ.
ಇಂಗ್ಲೆಂಡ್ ಹಾಲಿ 50 ಓವರ್‌ ಪಂದ್ಯಗಳ ವಿಶ್ವ ಚಾಂಪಿಯನ್ ಆಗಿದ್ದು, ಸಾರ್ವಕಾಲಿಕ ಅಗ್ರ ಮೂರು ODI ಸ್ಕೋರ್ ಗಳನ್ನು ಹೊಂದಿದೆ, ಇವೆಲ್ಲವೂ 2016 ರಿಂದ ದಾಖಲಾಗಿವೆ. ಆಗಸ್ಟ್ 2016 ರಲ್ಲಿ ನಾಟಿಂಗ್‌ ಹ್ಯಾಮ್‌ನ ಟ್ರೆಂಟ್ ಬ್ರಿಡ್ಜ್‌ ನಲ್ಲಿ ಪಾಕಿಸ್ತಾನದ ವಿರುದ್ಧ 444/3 ಸ್ಕೋರ್ ಗಳಿಸಿತ್ತು.
Loading ...