ಪೋಷಕರನ್ನ ತೃಪ್ತಿ ಪಡಿಸೋದು ಅಂದರೆ ಸುಲಭದ ಕೆಲಸವಂತೂ ಅಲ್ಲವೇ ಅಲ್ಲ. ಇದೇ ರೀತಿ ಹೊಸ ಕೆಲಸವೊಂದಕ್ಕೆ ಸೇರಿದ ಯುವತಿ ಫ್ಯಾಮಿಲಿ ಗ್ರೂಪ್ನಲ್ಲಿ ಈ ಖುಷಿಯ ವಿಚಾರವನ್ನ ಶೇರ್ ಮಾಡಿದ್ದಳು. ಈ ವಿಚಾರಕ್ಕೆ ಆಕೆಯ ತಂದೆಯು ನೀಡಿದ ರಿಪ್ಲೈ ನೆಟ್ಟಿಗರು ಹೊಟ್ಟೆ ಹುಣ್ಣಾಗುವಂತೆ ನಗುವಂತೆ ಮಾಡಿದೆ.
ಕೆನಡಾದ ಟೊರ್ನೊಟೋ ನಿವಾಸಿಯಾಗಿರುವ ನೇಹಾ ಫ್ಯಾಮಿಲಿ ಗ್ರೂಪ್ನ ಸ್ಕ್ರೀನ್ಶಾಟ್ನ್ನು ಶೇರ್ ಮಾಡಿದ್ದಾರೆ. ಹೊಸ ಕೆಲಸ ಸಿಕ್ಕಿದೆ ಎಂದು ತಂದೆಗೆ ಹೇಳಿದ್ದೆ, ಅವರ ಪ್ರತಿಕ್ರಿಯೆ ಹೀಗಿರಬಹುದೇ..? ಎಂದು ಆಕೆ ಈ ಸ್ಕ್ರೀನ್ಶಾಟ್ಗೆ ಶೀರ್ಷಿಕೆ ನೀಡಿದ್ದಾಳೆ.
ಖುಷಿಯ ವಿಚಾರವನ್ನ ಫ್ಯಾಮಿಲಿ ಗ್ರೂಪ್ನಲ್ಲಿ ಶೇರ್ ಮಾಡಿದ್ದ ನೇಹಾ, ನಿಮ್ಮಲ್ಲರ ಬೆಂಬಲವಿಲ್ಲದೇ ಇದು ಸಾಧ್ಯವಿಲ್ಲ, ನಿಮ್ಮನ್ನೆಲ್ಲ ಪ್ರೀತಿಸುತ್ತೇನೆ ಎಂದು ಮೆಸೇಜ್ ಮಾಡಿದ್ದರು. ಈ ಮೆಸೇಜ್ಗೆ ಆಕೆಯ ತಂದೆ ರಿಲ್ಯಾಕ್ಸ್ ನೇಹಾ, ನೀನೇನು ಆಸ್ಕರ್ ಪ್ರಶಸ್ತಿಯನ್ನ ಗೆದ್ದಿಲ್ಲ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.
ಈ ಟ್ವಿಟರ್ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಈಗಾಗಲೇ 4.3 ಲಕ್ಷಕ್ಕೂ ಅಧಿಕ ಲೈಕ್ಸ್ ಹಾಗೂ 32 ಸಾವಿರಕ್ಕೂ ಹೆಚ್ಚು ರಿ ಟ್ವೀಟ್ ಸಂಪಾದಿಸಿದೆ.
Loading ...