BIG NEWS: ಬೆಂಗಳೂರಿಗೆ ಬರಲಿದೆ ವಿಶ್ವದ ಅತಿದೊಡ್ಡ ವಿಮಾನ

ಎ380 ವಿಶ್ವದ ಅತಿದೊಡ್ಡ ವಿಮಾನ ಎನಿಸಿಕೊಂಡಿದ್ದು, ಅದು ಶೀಘ್ರವೇ ಬೆಂಗಳೂರಿಗೆ ಬರುತ್ತಿದೆ.
ಜನನಿಬಿಡ ಬೆಂಗಳೂರು- ದುಬೈ ಮಾರ್ಗದಲ್ಲಿ ಜಂಬೋ ಜೆಟ್​ ಎಮಿರೇಟ್ಸ್​ ಏರ್​ಲೈನ್ಸ್​ನ ನಿಯೋಜಿಸಿದ್ದು, ಅಕ್ಟೋಬರ್​ 30 ರಿಂದ ಅದು ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬರಲಿದೆ.

ಕೋಡ್​ ಎ ವಿಮಾನದ ಬರುವಿಕೆಗೆ ಸಿದ್ಧತೆ ನಡೆದಿದ್ದು, ಕೋಡ್​ ಎ ವಿಮಾನಗಳ ರೆಕ್ಕೆಗಳು 65 ಮೀಟರ್​ಗಳಿಗಿಂತ ಹೆಚ್ಚಿದ್ದು 80 ಮೀಟರ್​ಗಳಿಗಿಂತ ಕಡಿಮೆ. ಇರಲಿದೆ. ಇದೀಗ ಬರುವ ಅ380 ನ ರೆಕ್ಕೆಗಳು 79.8 ಮೀಟರ್​ ಉದ್ದವಾಗಿದೆ.

ಕೋಡ್​ ಎಫ್​ ಅಡಿಯಲ್ಲಿ ಬೋಯಿಂಗ್​ 747 ಏಕೈಕ ಪ್ರಯಾಣಿಕ ವಿಮಾನವಾಗಿದೆ. ಎ380 ಪೂರ್ಣ -ಉದ್ದದ ಡಬಲ್​ ಡೆಕ್ಕರ್​ ವಿಮಾನವಾಗಿದ್ದು, 500ಕ್ಕಿಂತ ಹೆಚ್ಚು ಆಸನ ಸಾಮರ್ಥ್ಯ ಹೊಂದಿದೆ. ದೆಹಲಿ ಮತ್ತು ಮುಂಬೈ ನಂತರ ಜಂಬೋ ಜೆಟ್​ ಸ್ವೀಕರಿಸುವ ಮೂರನೇ ಭಾರತೀಯ ನಗರ ಬೆಂಗಳೂರು ಎನಿಸಿಕೊಂದಿದೆ. ಎ380 ಅನ್ನು ದೈನಂದಿನ ಸೇವೆಗೆ ನಿಯೋಜಿಸಿರುವ ಎರಡನೇ ಭಾರತೀಯ ನಗರವಾಗಿದೆ.

ವಿಮಾನಯಾನ ಸಂಸ್ಥೆಯು 2014ರಿಂದ ಮುಂಬೈ- ದುಬೈ ಮಾರ್ಗದಲ್ಲಿ ಎ380ಅನ್ನು ಹಾರಿಸುತ್ತಿದೆ. ಇದರಲ್ಲಿ ಎಕನಾಮಿ, ಬ್ಯುಸಿನೆಸ್​ ಹಾಗೂ ಫಸ್ಟ್​ ಕ್ಲಾಸ್​ ಸೀಟಿಂಗ್​ ವ್ಯವಸ್ಥೆ ಹೊಂದಿದೆ.

ಅಕ್ಟೋಬರ್​ 30 ರಂದು ರಾತ್ರಿ 9.25ಕ್ಕೆ (ಸ್ಥಳಿಯ ಸಮಯ) ದುಬೈನಿಂದ ಟೇಕ್​ ಆಫ್​ ಆಗಲಿರುವ ವಿಮಾನ ಮರುದಿನ ಬೆಳಗಿನ ಜಾವ 2.30ಕ್ಕೆ ಬೆಂಗಳೂರಿಗೆ ಬರಲಿದೆ. ಪುನಃ 4.30ಕ್ಕೆ ವಾಪಸ್​ ಹೊರಟು, ಅಕ್ಟೋಬರ್​ 31 ರಂದು ಮತ್ತು ಬೆಳಿಗ್ಗೆ 7.10 ಕ್ಕೆ (ಸ್ಥಳಿಯ ಕಾಲಮಾನ) ದುಬೈನಲ್ಲಿ ಲ್ಯಾಂಡ್​ ಆಗಲಿದೆ.

ಎ380ನ ಎಕಾನಮಿ ಕ್ಲಾಸ್​ನಲ್ಲಿ ಹೆಚ್ಚುವರಿ ಲೆಗ್​ರೂಮ್​ನೊಂದಿಗೆ ವಿಶಾಲವಾಗಿರುತ್ತವೆ. ಬ್ಯುಸಿನೆಸ್​ ಕ್ಲಾಸ್​ನಲ್ಲಿ ಸೀಟು ಸಮತಟ್ಟಾಗಿರುತ್ತದೆ. ಫಸ್ಟ್​ ಕ್ಲಾಸ್​ನಲ್ಲಿ ಖಾಸಗಿ ಸೂಟ್​ಗಳು ಮತ್ತು ಶವರ್​ ಸ್ಪಾಗಳನ್ನು ಹೊಂದಿರುತ್ತದೆ.