ಅಪಘಾತಗಳು ಹೇಗೆ, ಯಾವಾಗ ಆಗುತ್ತದೆ ಎಂದು ಹೇಳುವುದೇ ಕಷ್ಟ. ಅದರಲ್ಲಿಯೂ ವಾಹನದಲ್ಲಿ ಚಲಿಸುವಾಗ ಚಿತ್ರ ವಿಚಿತ್ರ ರೀತಿಯಲ್ಲಿ ಅಪಘಾತಗಳು ಸಂಭವಿಸುತ್ತವೆ. ಕೆಲವೊಮ್ಮೆ ನೋಡುಗರನ್ನು ತಮಾಷೆಗೆ ತಳ್ಳುವ ಅಪಘಾತಗಳೂ ನಡೆಯುತ್ತವೆ. ಅಂಥದ್ದೇ ಒಂದು ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಹುಡುಗಿಯೊಬ್ಬಳು ನಿಂತಿದ್ದ ಟ್ರಕ್ಗೆ ಬಂದು ಡಿಕ್ಕಿ ಹೊಡೆದ ಘಟನೆ ಇದಾಗಿದೆ. ನಿಂತಿರುವ ವಾಹನಕ್ಕೆ ಹಿಂಬದಿಯಿಂದ ಬಂದು ಡಿಕ್ಕಿ ಹೊಡೆಯುವುದು ದೊಡ್ಡ ವಿಷಯವಲ್ಲ. ಇಂಥ ಡಿಕ್ಕಿಯಿಂದಾಗಿ ಪ್ರಾಣ ಕೂಡ ಹೋಗುವುದಿದೆ. ಅಂಥ ಅಪಾಯಕಾರಿ ಎನಿಸುವ ಅಪಘಾತಗಳೂ ನಡೆಯುತ್ತವೆ. ಅಂಥ ಅಪಘಾತಗಳನ್ನು ನೋಡಿದರೆ ಎಂಥವರನ್ನೂ ಬೆಚ್ಚಿಬೀಳಿಸುತ್ತದೆ. ಆದರೆ ಈ ಅಪಘಾತ ಮಾತ್ರ ನಗೆಗಡಲಿನಲ್ಲಿ ತೇಲಿಸುವಂತಿದೆ.
16 ಸೆಕೆಂಡುಗಳ ಈ ವಿಡಿಯೋದಲ್ಲಿ ಕಸದ ಟ್ರಕ್ವೊಂದು ರಸ್ತೆಯ ಮಧ್ಯದಲ್ಲಿ ಸಿಲುಕಿಕೊಂಡಿರುತ್ತದೆ. ಇದರಿಂದಾಗಿ ವಾಹನ ಸಂಚಾರಕ್ಕೆ ಅಡ್ಡಿಯುಂಟಾಗುತ್ತದೆ. ದ್ವಿಚಕ್ರ ವಾಹನ ಸವಾರರು ಮಾತ್ರ ಸರ್ಕಸ್ ಮಾಡಿ ಹೋಗುವಷ್ಟು ದಾರಿ ಇದೆ. ಹಲವು ವಾಹನ ಸವಾರರು ಅಲ್ಲಿಂದ ಸಲೀಸಾಗಿ ಹೋಗುತ್ತಾರೆ.
ಆದರೆ ಯುವತಿಯೊಬ್ಬಳು ದ್ವಿಚಕ್ರವಾಹನದಲ್ಲಿ ಆ ಬಸ್ಸಿನ ಬದಿಯಿಂದ ಬರುವಾಗ ಎಕ್ಸಲರೇಟರ್ ಜೋರಾಗಿ ಕೊಡುತ್ತಾಳೆ. ಆ ವೇಗಕ್ಕೆ ಆಕೆಯ ವಾಹನ ಮುಂದೆ ಚಲಿಸಿ ಟರ್ನ್ ಹೊಡೆದು ಟ್ರಕ್ಗೆ ಬಂದು ಗುದ್ದುತ್ತದೆ. ಯಾರಿಗೂ ಏನೂ ಅಪಾಯ ಆಗುವುದಿಲ್ಲ. ಆದರೆ ನೋಡುಗರಿಗೆ ಮಾತ್ರ ಇದು ತಮಾಷೆಯಾಗಿ ಕಾಣಿಸುತ್ತದೆ.