ಜನರು ತಮ್ಮ ಪ್ರತಿಭೆ ಮತ್ತು ಕಲೆಯನ್ನು ಪ್ರದರ್ಶಿಸಲು ಸಾಮಾಜಿಕ ಮಾಧ್ಯಮಗಳು ಸೂಕ್ತ ಸ್ಥಳವಾಗಿದೆ. ಉದಯೋನ್ಮುಖ ಕಲಾವಿದರು, ಬರಹಗಾರರು ಮುಂತಾದವರು ರಾತ್ರೋರಾತ್ರಿ ಆನ್‌ಲೈನ್ ನಲ್ಲಿ ಖ್ಯಾತಿ ಪಡೆದ ಅನೇಕ ನಿದರ್ಶನಗಳಿವೆ. ಕೆಲವೊಮ್ಮೆ ಟ್ರೋಲ್ ಗೊಳಗಾಗುವ ಮೂಲಕವೂ ಫೇಮಸ್ ಆಗಬಹುದು.
ಇದೀಗ ಟ್ವಿಟರ್ ಬಳಕೆದಾರರೊಬ್ಬರು ಹಂಚಿಕೊಂಡಿರುವ ಪೋಸ್ಟ್, ಋಣಾತ್ಮಕ ಕಾರಣಕ್ಕಾಗಿ ಭಾರಿ ವೈರಲ್ ಆಗಿದೆ. ಪೋಸ್ಟ್‌ನಲ್ಲಿ, ಮಹಿಳೆಯೊಬ್ಬರು ಆಹಾರದ ತಟ್ಟೆಯನ್ನು ಹಿಡಿದಿರುವ ಮೊದಲು ಮತ್ತು ನಂತರದ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಒಂದು ಚಿತ್ರದಲ್ಲಿ, ಮಹಿಳೆಯ ಅಜ್ಜಿ ಎದುರು ಬದಿಯಲ್ಲಿರುವ ಸೋಫಾದಲ್ಲಿ ಕುಳಿತಿರುವುದನ್ನು ಕಾಣಬಹುದು. ಎರಡನೇ ಚಿತ್ರದಲ್ಲಿ, ಮಹಿಳೆಯು ಆಹಾರದ ತಟ್ಟೆಯನ್ನು ಮಾತ್ರ ಹಿಡಿದಿದ್ದಾಳೆ, ವೃದ್ಧೆ ಅಲ್ಲಿಲ್ಲ. ಇದು ಆ ವೃದ್ಧೆ ಇಹಲೋಕ ತ್ಯಜಿಸಿರುವುದನ್ನು ಸೂಚಿಸುತ್ತದೆ.
ಈ ಪೋಸ್ಟ್ 4.1 ಮಿಲಿಯನ್ ವೀಕ್ಷಣೆಗಳನ್ನು ಮತ್ತು ಟನ್‌ಗಳಷ್ಟು ಪ್ರತಿಕ್ರಿಯೆಗಳನ್ನು ಗಳಿಸಿದೆ. ಕಾಮೆಂಟ್‌ಗಳಲ್ಲಿ ಹಲವರು ಸಂತಾಪ ಸೂಚಿಸಿದ್ದರೆ, ಇನ್ನೂ ಕೆಲವರು ಟೀಕಿಸಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿ ಗಮನವನ್ನು ಸೆಳೆಯಲು ಯಾರೂ ಈ ದುಃಖಕರವಾದದ್ದನ್ನು ಪೋಸ್ಟ್ ಮಾಡಬಾರದು ಎಂದು ಅನೇಕ ಬಳಕೆದಾರರು ಸೂಚಿಸಿದ್ದಾರೆ.
Loading ...