ರಕ್ತದ ಬಣ್ಣವೇಕೆ ಕೆಂಪು ? ನೀಲಿ ಅಥವಾ ಹಳದಿ ಯಾಕಿಲ್ಲ ? ತಜ್ಞರೇ ವಿವರಿಸಿದ್ದಾರೆ ಇದಕ್ಕೆ ಕಾರಣ

ದೇಹದಲ್ಲಿ ರಕ್ತವೇ ಇಲ್ಲದಿದ್ದರೆ ನಾವು ಬದುಕುವುದು ಅಸಾಧ್ಯ. ಇದು ಜೀವಕೋಶಗಳಿಗೆ ಆಮ್ಲಜನಕವನ್ನು ತಲುಪಿಸುವ ಕೆಲಸ ಮಾಡುತ್ತದೆ. ರಕ್ತದ ಬಣ್ಣ ಕೆಂಪು ಅನ್ನೋದು ನಮಗೆಲ್ಲಾ ಗೊತ್ತು. ಆದರೆ ರಕ್ತ ಕೆಂಪು ಬಣ್ಣದಲ್ಲಿಯೇ ಏಕಿದೆ ಅನ್ನೋ ಪ್ರಶ್ನೆ ನಿಮ್ಮ ಮನಸ್ಸಿನಲ್ಲೂ ಬಂದಿರಬಹುದು.

ನಮ್ಮ ದೇಹದಲ್ಲಿ ಎರಡು ರೀತಿಯ ಜೀವಕೋಶಗಳಿವೆ. ಇವುಗಳಲ್ಲಿ ಒಂದು ಬಿಳಿ ರಕ್ತ ಕಣಗಳು (WBC) ಮತ್ತು ಇನ್ನೊಂದು ಕೆಂಪು ರಕ್ತ ಕಣಗಳು (RBC). ಕೆಂಪು ರಕ್ತ ಕಣಗಳು ಹಿಮೋಗ್ಲೋಬಿನ್ ಎಂಬ ಪ್ರೋಟೀನ್ ಅನ್ನು ಹೊಂದಿರುತ್ತವೆ, ಇದು ಕಬ್ಬಿಣದೊಂದಿಗೆ ಸಂಯೋಜಿಸುತ್ತದೆ ಮತ್ತು ಕೆಂಪು ಬಣ್ಣಕ್ಕೆ ತಿರುಗುತ್ತದೆ. ನಮ್ಮ ರಕ್ತದಲ್ಲಿ ಲಕ್ಷಾಂತರ ಕೆಂಪು ರಕ್ತ ಕಣಗಳಿವೆ. ಈ ಕಾರಣದಿಂದಾಗಿಯೇ ರಕ್ತ ಕೆಂಪಗಿದೆ.

ಒಬ್ಬ ವ್ಯಕ್ತಿಯ ದೇಹದಲ್ಲಿ ಈ ಅಂಶಗಳ ಕೊರತೆ ಉಂಟಾದಾಗ  ದೇಹವು ನೀಲಿ ಬಣ್ಣಕ್ಕೆ ತಿರುಗುತ್ತದೆ. ವ್ಯಕ್ತಿಯು ವಿಷ ಸೇವಿಸಿದಾಗ  ಅದು ರಕ್ತದಲ್ಲಿ ಮಿಶ್ರಣವಾಗುತ್ತದೆ ಮತ್ತು ಆತನ ದೇಹವು ನೀಲಿ ಬಣ್ಣಕ್ಕೆ ತಿರುಗುತ್ತದೆ. ದೇಹದಲ್ಲಿ ಸಾಕಷ್ಟು ಪ್ರಮಾಣದ ರಕ್ತವನ್ನು ಹೊಂದಿರುವುದು ಬಹಳ ಮುಖ್ಯ. ದೇಹದ ಬಣ್ಣವೇನಾದರೂ ತಿಳಿ ನೀಲಿಯಾಗಿದ್ದರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸಬೇಕು.

ತಜ್ಞರ ಪ್ರಕಾರ ನಮ್ಮ ದೇಹದಲ್ಲಿ ಎರಡು ರೀತಿಯ ಬಿಳಿ ರಕ್ತ ಕಣಗಳಿವೆ. ಇವುಗಳಲ್ಲಿ ಒಂದು WBC ಮತ್ತು ಇನ್ನೊಂದು ಪ್ಲೇಟ್ಲೆಟ್. WBC ಗಳು ದೇಹಕ್ಕೆ ರೋಗಗಳ ವಿರುದ್ಧ ಹೋರಾಡುವ ಸಾಮರ್ಥ್ಯವನ್ನು ನೀಡುತ್ತವೆ. ರಕ್ತಸ್ರಾವವನ್ನು ತಪ್ಪಿಸಲು ದೇಹಕ್ಕೆ ಪ್ಲೇಟ್ಲೆಟ್‌ಗಳು ಅವಶ್ಯಕ. ಡೆಂಗ್ಯೂ ಜ್ವರವಿದ್ದರೆ ದೇಹದಲ್ಲಿ ಪ್ಲೇಟ್ಲೆಟ್‌ಗಳು ಕಡಿಮೆಯಾಗುತ್ತವೆ ಮತ್ತು ರಕ್ತಸ್ರಾವದ ಅಪಾಯವು ಹೆಚ್ಚಾಗುತ್ತದೆ. ಹಾಗಾಗಿ ಕಾಲಕಾಲಕ್ಕೆ ಎಲ್ಲರೂ ರಕ್ತ ಪರೀಕ್ಷೆ ಮಾಡಿಸಿಕೊಳ್ಳಬೇಕು.