ನಾವು ದಿನನಿತ್ಯ ನೋಡುವ ಅನೇಕ ವಿಷಯಗಳ ಬಗ್ಗೆ ಹೆಚ್ಚಿನ ತಲೆ ಕೆಡಿಸಿಕೊಳ್ಳುವುದಿಲ್ಲ. ಉದಾಹರಣೆಗೆ ಎಲ್ಲಾ ಪೆನ್ನುಗಳ ಕ್ಯಾಪ್ಗಳಲ್ಲಿ ಸಣ್ಣ ರಂಧ್ರಗಳು ಏಕೆ ಇವೆ ? ಉಣ್ಣೆಯ ಟೋಪಿಗಳ ಮೇಲೆ ಚಿಕ್ಕದೊಂದು ಗುಂಡಿನಾಕಾರ ಏಕೆ ಇರುತ್ತದೆ….. ಹೀಗೆ ಚಿಕ್ಕಚಿಕ್ಕ ವಿಷಯಗಳ ಬಗ್ಗೆ ತಲೆ ಕೆಡಿಸಿಕೊಳ್ಳುವುದಿಲ್ಲ. ಇಂಥದ್ದೇ ಒಂದು ಪ್ರಶ್ನೆ ಸಾಮಾಜಿಕ ಜಾಲತಾಣಗಳಲ್ಲಿ ಹಲವರ ಕುತೂಹಲ ಕೆರಳಿಸಿದೆ.
ಅದೇನೆಂದರೆ, ಹೆಚ್ಚಿನ ಉಪ್ಪುಸಹಿತ ಬಿಸ್ಕತ್ತುಗಳು, ಕುಕೀಸ್ಗಳು ಅಥವಾ ಕ್ರ್ಯಾಕರ್‌ಗಳು ಕೆಲವು ಸ್ವರೂಪದ ಅಂಚುಗಳನ್ನು ಹೊಂದಿರುವುದನ್ನು ನೀವು ಗಮನಿಸಿರಬೇಕು. ಅದ್ಯಾಕೆ ಆ ರೀತಿ ಅಂಚುಗಳನ್ನು ಇಡಲಾಗುತ್ತದೆ ಎಂಬ ಬಗ್ಗೆ ಎಂದಾದರೂ ಊಹಿಸಿದ್ದೀರಾ? ಆದರೆ ಇಲ್ಲೊಬ್ಬ ಟಿಕ್ಟಾಕ್ ತಾರೆ ಅದಕ್ಕೆ ಉತ್ತರ ಕಂಡುಹಿಡಿದಿದ್ದು, ಅದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವಿಡಿಯೋ ಶೇರಿಂಗ್ ಪ್ಲಾಟ್‌ಫಾರ್ಮ್‌ನಲ್ಲಿ ‘ಥೆರಿಟ್ಜ್‌ಕ್ರಾಕರ್ಸ್ ಆಫೀಷಿಯಲ್’ ಹೆಸರಿನ ಖಾತೆಯಲ್ಲಿ ಈ ತಾರೆ ಬಿಸ್ಕತ್ತುಗಳ ಅಂಚುಗಳ ರಹಸ್ಯವನ್ನು ವರ್ಷದ ಹಿಂದೆ ಬಹಿರಂಗಪಡಿಸಿದ್ದಾಳೆ. ಅದೇನೆಂದರೆ, ಬಿಸ್ಕತ್ತುಗಳೊಂದಿಗೆ ಚೀಸ್ ತಿನ್ನುವ ಆಸೆಯಾದಾಗ, ಆ ಚೀಸ್ಗಳನ್ನು ತುಂಡು ಮಾಡುವ ಸಲುವಾಗಿ ಬಿಸ್ಕತ್ತು, ಕುಕ್ಕೀಸ್ ಅಥವಾ ಕ್ರ್ಯಾಕರ್ಸ್ಗಳಿಗೆ ಅಂಚುಗಳನ್ನು ಇಡಲಾಗುತ್ತದೆ, ಹೀಗೆ ಮಾಡಿದರೆ ಚೀಸ್ಗಳನ್ನು ತುಂಡು ಮಾಡಲು ಸುಲಭವಾಗುತ್ತದೆ ಎನ್ನುವುದು ಈಕೆಯ ಅನಿಸಿಕೆ.
ಈಕೆ ತಮಾಷೆಯಾಗಿ ಹೇಳಿದ್ದರೂ, ವಿಡಿಯೋ 3.2 ಮಿಲಿಯನ್ ವೀಕ್ಷಣೆ ಕಂಡಿದ್ದು, 50 ಸಾವಿರಕ್ಕೂ ಅಧಿಕ ಮಂದಿ ಇದಕ್ಕೆ ಲೈಕ್ ಮಾಡಿದ್ದಾರೆ.
Loading ...