“ಒಂದು ಕೊಳೆತ ಸೇಬು ಬ್ಯಾರೆಲ್ ಅನ್ನು ಹಾಳುಮಾಡುತ್ತದೆ” ಎಂದು ಹೇಳುವ ಬೆಂಜಮಿನ್ ಫ್ರಾಂಕ್ಲಿನ್ ಅವರ ಪ್ರಸಿದ್ಧ ಉಲ್ಲೇಖವನ್ನು ನೀವು ಕೇಳಿರಬಹುದು. ಈ ಮಾತಿಗೆ ಅನ್ವಯ ಆಗುವಂಥ ಘಟನೆಯೊಂದರ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ರಸ್ತೆಯಲ್ಲಿ ವೇಗವಾಗಿ ಚಲಿಸುವ ಸೈಕ್ಲಿಸ್ಟ್‌ಗಳ ತಂಡವು ಚೈನ್ ರಿಯಾಕ್ಷನ್‌ನಲ್ಲಿ ಹೇಗೆ ಬೀಳುತ್ತದೆ ಎಂಬುದನ್ನು ಈ ವಿಡಿಯೋ ತೋರಿಸುತ್ತದೆ. ಕೆಲವರು ಸೈಕಲ್ ಮ್ಯಾರಥಾನ್‌ ನಡೆಸುತ್ತಿದ್ದಾರೆ. ಈ ಸಮಯದಲ್ಲಿ ಮುಂದೆ ಇರುವಾತ ಬಾಟಲಿಯಲ್ಲಿ ನೀರು ಕುಡಿಯುತ್ತಾ ಸೈಕಲ್ ಚಲಿಸುವಾಗ ಬಿದ್ದುಹೋಗಿದ್ದಾನೆ. ಇವನ ಹಿಂದೆ ಬರುತ್ತಿರುವವರೂ ಆಯತಪ್ಪಿ ಬಿದ್ದಿದ್ದಾರೆ.
ಇದರ ವಿಡಿಯೋಗೆ ಬಹಳ ಕಮೆಂಟ್ಸ್ಗಳು ಬಂದಿವೆ. ಮುಂದೆ ಹೋಗುತ್ತಿದ್ದ ಸೈಕ್ಲಿಸ್ಟ್ ಸ್ಟೈಲ್ ಮಾಡಲು ಹೋಗಿ ಈ ರೀತಿ ಅನಾಹುತ ಆಗಿದೆ ಎಂದು ಹಲವರು ಕಿಡಿ ಕಾರುತ್ತಿದ್ದರೆ, ಟೀಂ ವರ್ಕ್ ಎಂದರೇನು ಎಂಬುದನ್ನು ಇದು ತೋರಿಸುತ್ತಿದೆ ಎಂದು ಇನ್ನು ಕೆಲವರು ಹೇಳಿದ್ದಾರೆ.
Loading ...