ಮನಸ್ಸಿಗೆ ಮುದ ನೀಡುತ್ತೆ ಪುಟಾಣಿ ಕಂದ ʼಹಾಯ್‌ʼ ಹೇಳುವ ವಿಡಿಯೋ

ನಿಷ್ಕಲ್ಮಷ ಮನಸ್ಸಿನ ಯಾವುದೇ ಪೂರ್ವಾಗ್ರಹವಿಲ್ಲದ ಪುಟ್ಟ ಮಕ್ಕಳ ಸಣ್ಣ ಚಟುವಟಿಕೆಗಳೂ ಮುದ ನೀಡುತ್ತದೆ. ಈಗ ಸಾಮಾಜಿಕ ಜಾಲತಾಣದಲ್ಲಿ ಇಂತಹದ್ದೊಂದು ವಿಡಿಯೋ ವೈರಲ್​ ಆಗಿದೆ.

ಒಬ್ಬ ಚಿಕ್ಕ ಹುಡುಗ ವಿಮಾನದಲ್ಲಿ ಪ್ರತಿಯೊಬ್ಬ ಪ್ರಯಾಣಿಕರನ್ನು ಸ್ವಾಗತಿಸುವ ವಿಡಿಯೊವನ್ನು ಆತನ ತಾಯಿ ಕೆಲ್ಲಿ ನೀಲ್ಸನ್​ ತಮ್ಮ ಇನ್‌ಸ್ಟಾಗ್ರಾಮ್​ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಈ ರೀಲ್​ 12.1 ದಶಲಕ್ಷಕ್ಕೂ ಹೆಚ್ಚು ವೀಕ್ಷಣೆ ಮತ್ತು 705 ಕೆ ಲೈಕ್​ ಪಡೆದು ವೈರಲ್​ ಆಗಿದೆ.

ಹೊಂಬಣ್ಣದ ಕೂದಲಿನ 22 ತಿಂಗಳ ಹುಡುಗ ತನ್ನ ಕುಟುಂಬದೊಂದಿಗೆ ವಿಮಾನವನ್ನು ಹತ್ತುತ್ತಿರುವುದನ್ನು ವಿಡಿಯೋದ ಆರಂಭದಲ್ಲಿ ಕಾಣಬಹುದು. ಅವನ ಅಣ್ಣ ತನ್ನ ಮುಂದೆ ಇರುವ ತಮ್ಮ ಆಸನಗಳನ್ನು ಹುಡುಕಲು ಸದ್ದಿಲ್ಲದೆ ನಡೆದುಕೊಂಡು ಹೋಗುತ್ತಿರುವಾಗ, ಈ ಪುಟ್ಟ ಕಂದ ಪ್ರತಿಯೊಬ್ಬ ಪ್ರಯಾಣಿಕರಿಗೆ ಮುದ್ದಾಗಿ ಕೈಬೀಸಿ ಹಾಯ್​ ಹೇಳುತ್ತಾ ಸಾಗಿದ್ದಾನೆ. ಮುದ್ದಾದ ಹುಡುಗನ ಶುಭಾಶಯದಿಂದ ಹಿರಿಯರು ಸಂತೋಷಪಟ್ಟರು ಮತ್ತು ನಗುತ್ತಾ ಅವನಿಗೂ ಹಾಯ್​ ಹೇಳಿದ್ದಾರೆ.

ವೀಡಿಯೋವನ್ನು ‘ಗುಡ್​ ನ್ಯೂಸ್​ ಮೂವ್​ಮೆಂಟ್​’ ಪುಟವು ಹಂಚಿಕೊಂಡಿದೆ, ಅಲ್ಲಿ ಇದು 3 ಮಿಲಿಯನ್​ ವೀಕ್ಷಣೆ ಮತ್ತು 215ಕೆ ಲೈಕ್​ ಪಡೆದುಕೊಂಡಿದೆ.

ಇದು ಬಹುಶಃ ನಾನು ನೋಡಿದ ಮೋಹಕವಾದ ವೀಡಿಯೊಗಳಲ್ಲಿ ಒಂದಾಗಿದೆ ಎಂದು ಒಬ್ಬರು ಕಾಮೆಂಟ್​ ಮಾಡಿದ್ದಾರೆ. ಇನ್ನೊಬ್ಬರು ಆ ಮಗುವಿಗೆ ನನ್ನ ದೊಡ್ಡ ಹಗ್ ಎಂದಿದ್ದಾರೆ.