ಕೋತಿ ಮತ್ತು ಮನುಷ್ಯರಿಗೆ ಅದೇನೋ ಅವಿನಾಭಾವ ಸಂಬಂಧ. ಮಂಗನಿಂದ ಮಾನವ ಎನ್ನುವ ಮಾತು ನಿಜವೇ ಎನ್ನುವಷ್ಟರ ಮಟ್ಟಿಗೆ ಕೆಲವೊಂದು ಘಟನೆಗಳು ನಡೆಯುತ್ತವೆ. ಅಂಥದ್ದೇ ಒಂದು ಕ್ಯೂಟ್ ವಿಡಿಯೋ ಇದೀಗ ವೈರಲ್ ಆಗಿದೆ.
ಮರದಿಂದ ಕೆಳಕ್ಕೆ ಬಿದ್ದ ಮರಿಯೊಂದನ್ನು ದಾರಿಹೋಕ ರಕ್ಷಿಸಿದ ಬಳಿಕ ಈ ವಿಡಿಯೋ ಮಾಡಲಾಗಿದೆ. ಮರಿಯನ್ನು ರಕ್ಷಿಸಿದಾತ ಅದನ್ನು ಮರದ ಮೇಲೆ ಬಿಡಲು ನೋಡುತ್ತಾನೆ. ಆದರೆ ಮರಿ ರಕ್ಷಕನನ್ನು ಬಿಟ್ಟು ಹೋಗುವ ಮನಸ್ಸು ಮಾಡುವುದಿಲ್ಲ. ಚಿಕ್ಕ ಮಕ್ಕಳು ಅಪ್ಪನ ಮೈಮೇಲೆ ಇದ್ದಾಗ ಬೇರೆ ಕಡೆ ಹೋಗಲು ಹೇಗೆ ಮಾಡುತ್ತಾರೋ ಹಾಗೇ ಈ ಕೋತಿಮರಿಯೂ ಮಾಡಿದೆ.
ನಂತರ ರಕ್ಷಕ ಅದನ್ನು ಕಷ್ಟಪಟ್ಟು ಮರದ ಮೇಲೆ ಇಡುತ್ತಾನೆ. ಮರವೇರಿದ ಬಳಿಕ ಅದು ಸರಸರನೆ ಮರದ ತುದಿಗೆ ಹೋಗುತ್ತದೆ. ಈ ಕ್ಯೂಟ್ ವಿಡಿಯೋ ನೆಟ್ಟಿಗರ ಮನಸ್ಸನ್ನು ಗೆದ್ದಿದೆ. ಈ ವೀಡಿಯೊವನ್ನು ನಾಗಾ ಹಿಲ್ಸ್ನ ಟ್ವಿಟರ್ ಪುಟದಲ್ಲಿ ಹಂಚಿಕೊಳ್ಳಲಾಗಿದೆ, ಇದು ನಾಗಾಲ್ಯಾಂಡ್ನ ಖೋನೋಮಾ ಗ್ರಾಮದ ಅರಣ್ಯದಲ್ಲಿ ಘಟನೆ ನಡೆದಿದೆ ಎಂದು ಟ್ವಿಟರ್ನಲ್ಲಿ ಹೇಳಲಾಗಿದೆ.