ನವದೆಹಲಿ: ರಾಜ್ ಕೋಟ್‌ ನ ಸೌರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ (ಎಸ್ಸಿಎ) ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ವಿಜಯ್ ಹಜಾರೆ ಟ್ರೋಫಿ 2023 ರ ಫೈನಲ್ ಪಂದ್ಯದಲ್ಲಿ ರಾಜಸ್ಥಾನವನ್ನು 30 ರನ್ಗಳಿಂದ ಸೋಲಿಸಿದ ಹರಿಯಾಣ ಪ್ರಶಸ್ತಿಯನ್ನು ಗೆದ್ದುಕೊಂಡಿತು. ಈ ಗೆಲುವಿನೊಂದಿಗೆ ಹರಿಯಾಣ ತಂಡ ಟೂರ್ನಿಯ ಇತಿಹಾಸದಲ್ಲಿ ಚೊಚ್ಚಲ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿದೆ.
ನೆರೆಯ ರಾಜ್ಯ ರಾಜಸ್ಥಾನ ಎರಡನೇ ಬಾರಿಗೆ ರನ್ನರ್ ಅಪ್ ಆಗಿ ಪಂದ್ಯಾವಳಿಯನ್ನು ಕೊನೆಗೊಳಿಸಿತು. ಇದಕ್ಕೂ ಮೊದಲು 2006-07ರ ಆವೃತ್ತಿಯಲ್ಲಿ ಅವರು ಎರಡನೇ ಸ್ಥಾನ ಪಡೆದಿದ್ದರು.
ಮೊದಲು ಬ್ಯಾಟಿಂಗ್ ಮಾಡಿದ ಹರಿಯಾಣ 8 ವಿಕೆಟ್ ನಷ್ಟಕ್ಕೆ 287 ರನ್ ಗಳಿಸಿತು. ಆರಂಭಿಕ ಆಟಗಾರ ಅಂಕಿತ್ ಕುಮಾರ್ 91 ಎಸೆತಗಳಲ್ಲಿ 12 ಬೌಂಡರಿ ಮತ್ತು ಒಂದು ಸಿಕ್ಸರ್ನೊಂದಿಗೆ 88 ರನ್ ಗಳಿಸಿದರು. ನಾಯಕ ಅಶೋಕ್ ಮೆನಾರಿಯಾ 96 ಎಸೆತಗಳಲ್ಲಿ 70 ರನ್ ಗಳಿಸಿ ಮಧ್ಯಮ ಕ್ರಮಾಂಕದ ನೇತೃತ್ವ ವಹಿಸಿದರು. ಕುಮಾರ್ ಮತ್ತು ಮೆನಾರಿಯಾ 124 ರನ್ ಗಳ ಜೊತೆಯಾಟದ ಮೂಲಕ ಹರಿಯಾಣ ತಂಡದ ರನ್ ಗತಿಯನ್ನು ಏರಿಸಿದರು.
ರೋಹಿತ್ ಪ್ರಮೋದ್ ಶರ್ಮಾ ಮತ್ತು ನಿಶಾಂತ್ ಸಿಂಧು ಕ್ರಮವಾಗಿ 20 ಮತ್ತು 29 ರನ್ ಗಳಿಸಿದ್ರೆ ಖಚಿತಪಡಿಸಿದರು. ರಾಜಸ್ಥಾನ ತಂಡದ ಅನಿಕೇತ್ ಚೌಧರಿ 4 ವಿಕೆಟ್ ಪಡೆದ್ರೆ, ಅರಾಫತ್ ಖಾನ್ ಎರಡು ವಿಕೆಟ್ ಪಡೆದರು.
ಗುರಿ ಬೆನ್ನಟ್ಟಿದ ರಾಜಸ್ಥಾನ ತಂಡದ ಪರ ತೋಮರ್ 129 ಎಸೆತಗಳಲ್ಲಿ ಹತ್ತು ಬೌಂಡರಿ ಮತ್ತು ಎರಡು ಸಿಕ್ಸರ್ ಗಳೊಂದಿಗೆ 106 ರನ್ ಗಳಿಸಲು ಸಾಧ್ಯವಾಯಿತು. ಅಂತಿಮವಾಗಿ ರಾಜಸ್ಥಾನ್ 48 ಓವರ್ಗಳಲ್ಲಿ 257 ರನ್ಗಳಿಗೆ ಆಲೌಟ್ ಆಯಿತು.
Loading ...