ಪುಟ್ಟ ಬಾಲಕಿಯೊಬ್ಬಳು ತನ್ನ ಮಾರ್ಗದರ್ಶಕರೊಂದಿಗೆ ಆತ್ಮರಕ್ಷಣೆಯ ಪಾಠಗಳನ್ನು ಕಲಿಯುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡಿದೆ.
ಆ ಪುಟ್ಟ ಹುಡುಗಿ ತನ್ನ ಜಿಯುಜಿಟ್ಸು ಕೌಶಲ್ಯದಂತೆ ತೋರುವ ಅಭ್ಯಾಸ ಮಾಡುತ್ತಿರುವುದನ್ನು ಕಾಣಬಹುದು. ದಾಳಿಗಳನ್ನು ತಡೆಯುವುದರಿಂದ ಹಿಡಿದು ತಿರುಗಿಸಿ ಪಟ್ಟುಗಳನ್ನು ಹಾಕುವುದರಿಂದ ಹಿಡಿದು ವಿವಿಧ ರೀತಿಯಲ್ಲಿ ಕಸರತ್ತು ಮಾಡುವುದನ್ನು ವಿಡಿಯೋದಲ್ಲಿ ಕಾಣಬಹುದು.
ಆರಂಭದಲ್ಲಿ, ಪುಟ್ಟ ಮಂಚ್ಕಿನ್ ದಾಳಿ ತಡೆಯುವುದರ ಮೇಲೆ ಕೇಂದ್ರೀಕರಿಸುತ್ತದೆ ಮತ್ತು ನಂತರ ತನ್ನ ಮಾರ್ಗದರ್ಶಕನನ್ನು ಕೆಳಗೆ ಬೀಳಿಸುವುದನ್ನೂ ನೋಡಬಹುದಾಗಿದೆ.
ಬೇರೆ ಬೇರೆ ಆಯಾಮದಲ್ಲಿ ತನ್ನ ಮಾರ್ಗದರ್ಶಕನನ್ನು ಕೆಡವಲು ಆ ಪುಟ್ಟ ಬಾಲಕಿ ಪ್ರಯತ್ನ ಮಾಡುತ್ತಾಳೆ. ಶಿಸ್ತುಬದ್ಧವಾಗಿ ಕಾಲು ಹಿಡಿದು ಜಗ್ಗುವುದು, ತೋಳುಗಳನ್ನು ಲಾಕ್ ಮಾಡುವುದು ಗಮನ ಸೆಳೆಯುತ್ತದೆ.
ಆತ್ಮರಕ್ಷಣೆ ಕಲಿಯುವುದು ಹೊಸದೇನಲ್ಲ, ಇದು ಚಿಕ್ಕ ಹುಡುಗಿಯ ಪರಿಶ್ರಮ ಮತ್ತು ಸಮರ್ಪಣೆ ನೆಟ್ಟಿಗರಿಗೆ ಇಷ್ಟವಾಗಿದೆ. ಚಿಕ್ಕವಳಾಗಿದ್ದರೂ, ತನ್ನ ಸಮರ ಕಲೆಗಳ ಕೌಶಲ್ಯವನ್ನು ಹೆಚ್ಚಿಸಿಕೊಳ್ಳಲು ತಾನು ಹೇಗೆ ತಯಾರಿ ಮಾಡಿಕೊಳ್ಳಬೇಕೆಂದು ಯಶಸ್ವಿಯಾಗಿ ಕಲಿತಿದ್ದಾಳೆ ಎಂದು ಕ್ಲಿಪ್ ಅನ್ನು ಹಂಚಿಕೊಂಡಿರುವ ಟ್ವಿಟರ್ ಬಳಕೆದಾರರು ಪ್ರತಿಕ್ರಿಯೆ ನೀಡಿದ್ದಾರೆ.