ಉತ್ತರಾಖಂಡ್​ನಲ್ಲಿ ವರುಣನ ಅಬ್ಬರ; ಹಿಮನದಿಯಲ್ಲಿ ಸಿಲುಕಿದ್ದ ಐವರು ಚಾರಣಿಗರ ಮೃತದೇಹ ಪತ್ತೆ

ಉತ್ತರಾಖಂಡ್​​ನ ಭಾಗೇಶ್ವರ ಜಿಲ್ಲೆಯ ಕಾಪ್​ಕೋಟ್​​ ಸುಂದರದುಂಗಾದಲ್ಲಿ ಚಾರಣಕ್ಕೆ ತೆರಳಿ ನಾಪತ್ತೆಯಾಗಿದ್ದವರ ಪೈಕಿ ಐವರ ಮೃತದೇಹವನ್ನು ಎಸ್​ಡಿಆರ್​ಎಫ್​ ಸಿಬ್ಬಂದಿ ಹೊರತೆಗೆದಿದ್ದಾರೆ. ಇವರು ನಾಪತ್ತೆಯಾಗಿದ್ದ 6 ಚಾರಣಿಗರ ತಂಡದ ಸದಸ್ಯರು ಎಂದು ತಿಳಿದು ಬಂದಿದೆ.

ಪ್ರಕರಣ ಸಂಬಂಧ ಹೆಚ್ಚಿನ ವಿವರಣೆ ನೀಡಿದ ಎಸ್​ಡಿಆರ್​​ ಪಡೆ, ಬಾಗೇಶ್ವರ ಜಿಲ್ಲೆಯ ಕಾಪ್​ಕೋಟ್​ನ ಸುಂದರದುಂಗಾ ಚಾರಣ ಪ್ರದೇಶದಲ್ಲಿ ನಾಪತ್ತೆಯಾಗಿದ್ದ ಆರು ಮಂದಿ ಚಾರಣಿಗರಿಗೆ ಶೋಧ ಕಾರ್ಯ ನಡೆಸಲಾಗಿತ್ತು. ಇದರಲ್ಲಿ ಐವರ ಮೃತದೇಹ ಪತ್ತೆಯಾಗಿದೆ. ಮೃತದೇಹಗಳನ್ನು ಕಾಪ್​ಕೋಟ್​ಗೆ ತರಲಾಗಿದ್ದು ಮರಣೋತ್ತರ ಪರೀಕ್ಷೆ ನಡೆಯಲಿದೆ ಎಂದು ಹೇಳಿದೆ.

ಗ್ರಾಹಕರಿಗೆ SBI ನೀಡಿದೆ ಖುಷಿ ಸುದ್ದಿ….! 342 ರೂ.ಗೆ ಸಿಗಲಿದೆ 4 ಲಕ್ಷ ರೂ. ಲಾಭ

ಇನ್ನು ಈ ವಿಚಾರವಾಗಿ ಮಾತನಾಡಿದ ಬಾಗೇಶ್ವರ ಜಿಲ್ಲಾ ಮ್ಯಾಜಿಸ್ಟ್ರೇಟ್​ ವಿನೀತ್​ ಕುಮಾರ್​, 13 ಮಂದಿ ಸದಸ್ಯರನ್ನು ಒಳಗೊಂಡ ಎನ್​ಡಿಆರ್​ಎಫ್​ ಹಾಗೂ ಎಸ್​ಡಿಆರ್​ಎಫ್​ ಪಡೆಯು ಸುಂದರದುಂಗಾ ಹಿಮನದಿ ಬಳಿಯ ದೇವಿಕುಂಡ್​ನಲ್ಲಿ ಕಾರ್ಯಾಚರಣೆ ಆರಂಭಿಸಿತು. ಕಾರ್ಯಾಚರಣೆಯ ವೇಳೆ ಐವರು ಚಾರಣಿಗರ ಮೃತದೇಹ ಪತ್ತೆಯಾಗಿದೆ. ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ ಎಂದು ಮಾಹಿತಿ ನೀಡಿದ್ರು.

ಉತ್ತರಾಖಂಡ್​ನಲ್ಲಿ ಅಕ್ಟೋಬರ್​ 17 ರಿಂದ 19ರವರೆಗೆ ದಾಖಲೆಯ ಪ್ರಮಾಣದಲ್ಲಿ ಮಳೆ ಸುರಿದಿದ್ದು ಈ ವೇಳೆ ಸುಂದರದುಂಗಾ ಹಿಮನದಿಯ ಬಳಿ ಈ ಐವರು ಮೃತ ಚಾರಣಿಗರು ಸೇರಿದಂತೆ 65 ಮಂದಿ ಸಿಲುಕಿಕೊಂಡಿದ್ದರು ಎನ್ನಲಾಗಿದೆ. ಬಾಗೇಶ್ವರದ ಕಾಪ್​ಕೋಟ್​ ಉಪವಿಭಾಗದ ಜಕುನಿ ಗ್ರಾಮದ ನಿವಾಸಿಯಾಗಿರುವ ಗೈಡ್​​ ಖಿಲಾಫ್​ ಸಿಂಗ್​ಗಾಗಿ ಶೋಧ ಕಾರ್ಯ ಮುಂದುವರಿದಿದೆ.