ಅಪರಿಚಿತರೊಂದಿಗೆ ಸಾಮಾಜಿಕ ಜಾಲತಾಣದಲ್ಲಿ ಸ್ನೇಹ ಬೆಳೆಸುವ ಮುನ್ನ ಹುಷಾರ್…! ಈ ಸ್ಟೋರಿ ಓದಿದ್ರೆ ಬೆಚ್ಚಿ ಬೀಳ್ತೀರಾ

ರಾಯ್ ಬರೇಲಿ: ಇನ್ಸ್ಟಾಗ್ರಾಂನಲ್ಲಿ ಸ್ನೇಹ ಬೆಳೆಸಿ ಮಹಿಳೆಯಿಂದ 32 ಲಕ್ಷ ರೂ.ಪೀಕಿರುವ ಆಘಾತಕಾರಿ ಘಟನೆ ಉತ್ತರಪ್ರದೇಶದ ರಾಯ್ ಬರೇಲಿಯಲ್ಲಿ ವರದಿಯಾಗಿದೆ.

ಮಹಿಳೆಯೊಬ್ಬರು ಇನ್ಸ್ಟಾಗ್ರಾಮ್‌ನಲ್ಲಿ ವ್ಯಕ್ತಿಯೊಂದಿಗೆ ಸ್ನೇಹ ಬೆಳೆಸಿದ್ದಾರೆ. ಆತ ಯುಕೆ ಮೂಲದ ನಿವಾಸಿ ಹ್ಯಾರಿ ಎಂದು ತನ್ನನ್ನು ಪರಿಚಯಿಸಿದ್ದಾನೆ.

ಮೂತ್ರ ವಿಸರ್ಜಿಸುತ್ತಿರುವಾಗಲೇ ಆಕಸ್ಮಿಕವಾಗಿ ಗುಂಡು ಹಾರಿಸಿಕೊಂಡ ಭೂಪ…!

ಬಳಿಕ ಮಹಿಳೆಗೆ ಯುಕೆಯಿಂದ 45 ಲಕ್ಷ ಮೌಲ್ಯದ ಉಡುಗೊರೆ ಹಾಗೂ ವಿದೇಶಿ ಕರೆನ್ಸಿ ಕಳುಹಿಸಲಾಗಿದೆ ಎಂದು ನಂಬಿಸಿದ್ದಾನೆ. ಅವುಗಳನ್ನು ಸಂಗ್ರಹಿಸಲು ಶುಲ್ಕ ಪಾವತಿಸಬೇಕಾಗುತ್ತದೆ ಎಂದು ಹೇಳಿದ್ದಾನೆ.

ಆನ್ಲೈನ್ ​​ಮತ್ತು ಹಲವಾರು ಕಂತುಗಳಲ್ಲಿ ಹಣ ಪಾವತಿಸಲು ಆಕೆಯನ್ನು ಕೇಳಲಾಗಿದೆ. ಅಂತಿಮವಾಗಿ, ಆಕೆ ಸುಮಾರು 32 ಲಕ್ಷ ರೂಪಾಯಿಗಳನ್ನು ವರ್ಗಾಯಿಸಿದ್ದಾಳೆ. ನಂತರ ಆ ಕಡೆಯಿಂದ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ. ಮೋಸ ಹೋಗಿದ್ದು ಗೊತ್ತಾದ ಕೂಡಲೇ ಸೈಬರ್ ಕ್ರೈಮ್ ಪೊಲೀಸರಿಗೆ ಮಹಿಳೆ ದೂರು ನೀಡಿದ್ದಾರೆ.

ನೆಚ್ಚಿನ ಶ್ವಾನದ ಹೆಸರಿಗೆ 15 ಕೋಟಿ ರೂ. ಆಸ್ತಿ ಬರೆದ ಮಾಡೆಲ್…!

ಅಪರಾಧಿಗಳನ್ನು ಪತ್ತೆ ಮಾಡಲು ಮತ್ತು ಆನ್‌ಲೈನ್‌ನಲ್ಲಿ ಡೂಪ್ ಮಾಡಿದ ಹಣವನ್ನು ಸಂತ್ರಸ್ತೆಗೆ ಹಿಂದಿರುಗಿಸಲು ಪ್ರಯತ್ನಗಳು ನಡೆಯುತ್ತಿದ್ದು, ಈ ಬಗ್ಗೆ ತನಿಖೆ ನಡೆಯುತ್ತಿದೆ ಎಂದು ಎಸ್ಪಿ ಹೇಳಿದ್ದಾರೆ.

ಲಾಭದಾಯಕ ಆನ್‌ಲೈನ್ ಕೊಡುಗೆಗಳು ಮತ್ತು ಯೋಜನೆಗಳ ಬಗ್ಗೆ ಜನರು ಜಾಗರೂಕತೆ ವಹಿಸಬೇಕು. ಅಲ್ಲದೆ ಸೈಬರ್ ಅಪರಾಧಿಗಳಿಂದ ಸುರಕ್ಷಿತವಾಗಿರಲು ಹಾಗೂ ವ್ಯವಹರಿಸುವ ವ್ಯಕ್ತಿಗಳ ಸತ್ಯಾಸತ್ಯತೆಯನ್ನು ಅರಿತುಕೊಳ್ಳಬೇಕೆಂದು ಪೊಲೀಸರು ಕಿವಿಮಾತು ಹೇಳಿದ್ದಾರೆ.