ಈ ರಾಶಿಯ ವಿದ್ಯಾರ್ಥಿಗಳಿಗಿದೆ ಇಂದು ಉತ್ತಮ ಅವಕಾಶ

ಮೇಷ : ಉದ್ಯಮದಲ್ಲಿ ಹೊಸ ಒಪ್ಪಂದಕ್ಕೆ ಸಹಿ ಹಾಕಲಿದ್ದೀರಿ. ಇದರಿಂದ ನಿಮಗೆ ಮುಂದಿನ ದಿನಗಳಲ್ಲಿ ಹಣದ ಹರಿವು ಹೆಚ್ಚಲಿದೆ. ಸಿಕ್ಕ ಸಮಯವನ್ನು ಸದುಪಯೋಗ ಪಡಿಸಿಕೊಳ್ಳುವ ನಿಮ್ಮ ಗುಣ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಲಿದೆ.

ವೃಷಭ: ಇಂದು ನೀವು ನಿಮ್ಮ ಸಂಗಾತಿಯ ಜೊತೆ ಹೆಚ್ಚಿನ ಸಮಯ ಕಳೆಯಲಿದ್ದೀರಿ. ಕ್ಷುಲ್ಲಕ ಕಾರಣಕ್ಕೆ ಸ್ನೇಹಿತರ ಜೊತೆ ಮನಸ್ತಾಪ ಉಂಟಾಗಬಹದು. ಇಂದಿನ ದಿನ ನಿಮಗೆ ಕೊಂಚ ಒತ್ತಡದಾಯಕ ಎನಿಸಲಿದೆ. ಪೋಷಕರ ಆರೋಗ್ಯದ ಬಗ್ಗೆ ಜಾಗ್ರತೆ ಇರಲಿ.

ಮಿಥುನ : ಆರೋಗ್ಯ ಹದಗೆಡುವ ಹಿನ್ನೆಲೆಯಲ್ಲಿ ಇಂದು ನಿಮಗೆ ಹೆಚ್ಚಿನ ಕೆಲಸ ಮಾಡಲು ಸಾಧ್ಯವಾಗೋದಿಲ್ಲ. ಯಾವುದೇ ಕಾರಣಕ್ಕೂ ಸಮಯ ವ್ಯರ್ಥ ಮಾಡಬೇಡಿ. ವ್ಯಾಪಾರದಲ್ಲಿ ನೀವು ಮಾಡುವ ಚಿಕ್ಕ ತಪ್ಪು ಸಹ ಮುಂದಿನ ದಿನಗಳಲ್ಲಿ ಭಾರೀ ನಷ್ಟ ತಂದೊಡ್ಡಬಹುದು. ಕುಟುಂಬಸ್ಥರ ಜೊತೆ ಒಳ್ಳೆಯ ಸಮಯ ಕಳೆಯುತ್ತೀರಿ.

ಕಟಕ : ಇಂದಿನ ದಿನ ನಿಮಗೆ ಒತ್ತಡದಾಯಕವಾಗಿದ್ದರೂ ಸಹ ಲಾಭದಾಯಕವಾಗಿ ಇರಲಿದೆ. ಸಂಗಾತಿಯ ಜೊತೆ ಮನಸ್ತಾಪ ಉಂಟಾಗಲಿದೆ. ಇದರಿಂದ ನಿಮಗೆ ಅಸಮಾಧಾನ ಉಂಟಾಗಲಿದೆ. ಪ್ರಭಾವಿ ವ್ಯಕ್ತಿಗಳ ಸಹಾಯದಿಂದ ಕಷ್ಟದ ಕೆಲಸಗಳನ್ನು ಸುಲಭ ಮಾಡಿಕೊಳ್ಳಲಿದ್ದೀರಿ.

ಸಿಂಹ : ಸಂಗಾತಿಯಿಂದ ನೀವು ಅನಿರೀಕ್ಷಿತ ಉಡುಗೊರೆ ಸಿಗಲಿದೆ. ಪ್ರಿಯತಮೆ ಜೊತೆ ಮನಸ್ತಾಪ ಉಂಟಾಗಲಿದೆ. ದಾಯಾದಿಯ ಜೊತೆ ಆಸ್ತಿ ವಿಚಾರವಾಗಿ ಕಲಹ ಉಂಟಾಗಲಿದೆ. ಬೆನ್ನು ನೋವಿನ ಸಮಸ್ಯೆ ನಿಮ್ಮನ್ನು ಭಾದಿಸಲಿದೆ. ದುಶ್ಚಟಗಳಿಂದ ಆದಷ್ಟು ದೂರವಿರಿ.

ಕನ್ಯಾ : ನಿಮ್ಮ ಕುಟುಂಬಸ್ಥರು ನಿಮ್ಮಿಂದ ಸಂತುಷ್ಟರಾಗಲಿದ್ದಾರೆ. ಹಳೆಯ ಕಹಿ ನೆನಪುಗಳು ಮತ್ತೆ ನಿಮ್ಮ ಮುಂದೆ ಬರಬಹುದು. ವೈವಾಹಿಕ ಜೀವನ ಉತ್ತಮ ಗತಿಯಲ್ಲಿ ಸಾಗಲಿದೆ. ಹೊಸ ಉದ್ಯಮಕ್ಕೆಂದು ಅರಸುತ್ತಿದ್ದವರಿಗೆ ಶುಭ ಸುದ್ದಿ ಕಾದಿದೆ. ವಿದ್ಯಾರ್ಥಿಗಳಿಗೆ ಉತ್ತಮ ಅವಕಾಶ ಇದೆ.

ತುಲಾ : ಆರ್ಥಿಕ ಸಂಕಷ್ಟದಿಂದಾಗಿ ಒತ್ತಡಕ್ಕೆ ಸಿಲುಕಲಿದ್ದೀರಿ. ನಿಮ್ಮ ಕಷ್ಟಕ್ಕೆ ಸ್ನೇಹಿತರು ಹೆಗಲು ನೀಡಲಿದ್ದಾರೆ. ತೆರಿಗೆ ವಿಚಾರದಲ್ಲಿ ನೀವು ಗಮನ ನೀಡಲೇಬೇಕು. ಬಿಡುವಿನ ಸಮಯದಲ್ಲಿ ಮಕ್ಕಳ ಜೊತೆ ಕಾಲ ಕಳೆಯಲಿದ್ದೀರಿ. ವಾಹನ ಖರೀದಿ ಮಾಡುವ ಸಾಧ್ಯತೆ ಇದೆ.

ವೃಶ್ಚಿಕ : ಇಂದು ನಿಮಗೆ ಪ್ರಯಾಣ ಮಾಡೋಕೆ ಶುಭ ದಿನವಲ್ಲ. ಹೀಗಾಗಿ ವಾಹನದಿಂದ ಕೊಂಚ ದೂರವೇ ಇರಿ. ಸಾರ್ವಜನಿಕ ಪ್ರದೇಶದಲ್ಲಿ ನಿಮ್ಮ ಮಾತಿನ ಮೇಲೆ ಹಿಡಿತವಿರಲಿ. ಆದಷ್ಟು ಹಣ ಉಳಿತಾಯ ಮಾಡುವ ಬಗ್ಗೆ ಯೋಚನೆ ಮಾಡಿ. ಈ ಯೋಚನೆಯು ಮುಂದಿನ ದಿನಗಳಲ್ಲಿ ನಿಮಗೆ ಒಳಿತು ತರಲಿದೆ.

ಧನು : ಸಂಗಾತಿಯು ನಿಮ್ಮಿಂದ ಮನನೊಂದಿದ್ದಾರೆ. ಆದಷ್ಟು ಅವರನ್ನು ಸಂತೈಸಲು ಯತ್ನಿಸಿ. ಉತ್ತಮ ಅವಕಾಶಕ್ಕಾಗಿ ಅರಸುತ್ತಿರುವ ವಿದ್ಯಾರ್ಥಿಗಳಿಗೆ ಇದು ಶುಭ ದಿನ. ಕಲಾವಿದರಿಗೆ ಹೊಸ ಅವಕಾಶಗಳು ಹುಡುಕಿಕೊಂಡು ಬರಲಿದೆ. ಆಭರಣ ಖರೀದಿ ಮಾಡಲಿದ್ದೀರಿ.

ಮಕರ : ನಿಮ್ಮ ಬಹುದಿನಗಳ ಕನಸು ನನಸಾಗಲಿದೆ. ಇದರಿಂದ ನೀವು ತುಂಬಾ ಖುಷಿಯಲ್ಲಿ ಇರಲಿದ್ದೀರಿ. ಪ್ರಯಾಣಕ್ಕೆ ಇದು ಯೋಗ್ಯ ದಿನವಲ್ಲ.

ಕುಂಭ : ಎಲೆಕ್ಟ್ರಾನಿಕ್​ ಉದ್ಯಮಿಗಳಿಗೆ ಇದು ಯೋಗ್ಯ ದಿನವಾಗಿದೆ. ವೈದ್ಯಕೀಯ ವೃತ್ತಿಯಲ್ಲಿ ಅವಕಾಶಗಳು ಹುಡುಕಿಕೊಂಡು ಬರಲಿದೆ. ರಾಜಕಾರಣಿಗಳು ಸಾರ್ವಜನಿಕ ವಲಯದಲ್ಲಿ ಪ್ರಶಂಸೆ ಗಿಟ್ಟಿಸಿಕೊಳ್ಳಲಿದ್ದಾರೆ. ವೈವಾಹಿಕ ಜೀವನ ನೆಮ್ಮದಿಯಿಂದ ಸಾಗಲಿದೆ.

ಮೀನ : ಮನೆಯ ಕಿರಿಯ ಸದಸ್ಯರಿಂದ ಶುಭ ವಾರ್ತೆಯನ್ನು ಕೇಳಲಿದ್ದೀರಿ. ನವದಂಪತಿಗೆ ಸಂತಾನ ಭಾಗ್ಯವಿದೆ. ವಿವಾಹಕ್ಕಾಗಿ ಅರಸುತ್ತಿರುವವರಿಗೆ ವೈವಾಹಿಕ ಸಂಬಂಧ ಕೂಡಿ ಬರಲಿದೆ. ಶಿಕ್ಷಕರಿಗೆ ಇದು ಒಳ್ಳೆಯ ದಿನವಾಗಿದೆ.