ಕುಟುಂಬ ನಿರ್ವಹಣೆಗೆ ಆರ್ಥಿಕ ಸಂಕಷ್ಟ ಎದುರಾದ ಹಿನ್ನೆಲೆಯಲ್ಲಿ ಹಣ ಸಂಪಾದನೆಗಾಗಿ ಪತ್ನಿಯು ತನ್ನ ಪತಿಯನ್ನೇ ಬಾಡಿಗೆಗೆ ನೀಡುತ್ತಿರುವ ಆಶ್ಚರ್ಯಕರ ಘಟನೆಯೊಂದು ವರದಿಯಾಗಿದೆ. ಬ್ರಿಟನ್ನಲ್ಲಿರುವ ಲಾರಾ ಯಂಗ್ ಎಂಬಾಕೆ ಸ್ವಲ್ಪ ಹೆಚ್ಚಿನ ಹಣವನ್ನು ದುಡಿಯುವ ಸಲುವಾಗಿ ಈ ಡಿಫರೆಂಟ್ ಪ್ಲಾನ್ ಮಾಡಿದ್ದಾಳೆ ಎನ್ನಲಾಗಿದೆ.
ಈಕೆ ಯಾವುದೇ ಮುಜುಗರವಿಲ್ಲದೇ ನನ್ನ ಪತಿಯನ್ನು ಬಾಡಿಗೆಗೆ ಪಡೆಯಿರಿ ಎಂಬ ಯೋಜನೆಯನ್ನು ಆರಂಭಿಸಿದ್ದಾಳೆ. ಮೂರು ಮಕ್ಕಳ ತಾಯಿಯಾಗಿರುವ ಲಾರಾ ಪೋಡ್ಕಾಸ್ಟ್ನ ಮಹಿಳೆಯಿಂದ ಈ ಪ್ಲಾನ್ ಬಗ್ಗೆ ತಿಳಿದುಕೊಂಡಿದ್ದಾಳೆ. ಅಂದ ಹಾಗೆ ಪತಿಯನ್ನು ಬಾಡಿಗೆ ಪಡೆಯುವುದು ಅಂದರೆ ನೀವೆಂದುಕೊಂಡಂತೆ ಅಲ್ಲ. ಈಕೆಯ ಪತಿಯನ್ನು ನೀವು ಮನೆಯ ಪೀಠೋಪಕರಣಗಳನ್ನು ಜೋಡಿಸಲು ಇವರನ್ನು ಕೆಲಸಕ್ಕೆ ಇರಿಸಬಹುದಾಗಿದೆ. 41 ವರ್ಷ ಲಾರಾ ಪತಿ ಅಚ್ಚುಕಟ್ಟಾಗಿ ಈ ಕೆಲಸಗಳನ್ನು ಮಾಡುತ್ತಾರೆ.
ಈ ವಿಚಾರವಾಗಿ ಮಾತನಾಡಿರುವ ಲಾರಾ, ನನ್ನ ಪತಿ ಮನೆ ಹಾಗೂ ಗಾರ್ಡನ್ನ ಎಲ್ಲಾ ಕೆಲಸಗಳಲ್ಲಿ ನಿಪುಣರಿದ್ದಾರೆ. ಆದ್ದರಿಂದ ಇವರನ್ನು ಈ ರೀತಿ ಕೆಲಸಕ್ಕೆ ಏಕೆ ನಿಯೋಜಿಸಬಾರದು ಎಂದು ಯೋಚಿಸಿದೆ. ಸ್ಮಾರ್ಟ್ ವೈಫ್ ಎಂಬ ವೆಬ್ಸೈಟ್ನ್ನು ಆರಂಭಿಸಿದೆ. ಫೇಸ್ಬುಕ್ನಂತಹ ಸೋಶಿಯಲ್ ಮೀಡಿಯಾಗಳಲ್ಲಿ ಜಾಹಿರಾತುಗಳನ್ನು ನೀಡಿದೆ. ಕೆಲವರು ಇವರಿಗೆ ಪ್ರಾಮಾಣಿಕ ಕೆಲಸಗಳನ್ನು ನೀಡುತ್ತಾರೆ. ಇನ್ನೂ ಕೆಲವರು ಈ ಪರಿಕಲ್ಪನೆಯನ್ನು ತಪ್ಪಾಗಿ ಅರ್ಥೈಸಿಕೊಂಡಿದ್ದಾರ ಎಂದು ಹೇಳಿದ್ದಾರೆ.
Loading ...