ಕಣ್ಣಂಚನ್ನು ತೇವಗೊಳಿಸುತ್ತೆ ಈ ಯುವಕನ ನೋವಿನ ಕಥೆ

ದೇಹದ ಯಾವುದೇ ಅಂಗಕ್ಕೆ ಚಿಕ್ಕ ಹಾನಿಯಾದರೂ ಸಾಕು ಆಕಾಶವೇ ಕಳಚಿ ಬಿದ್ದಂತಾಗುತ್ತದೆ. ಅಂತದ್ರಲ್ಲಿ ಸ್ಟಾನ್​ ಲಾರ್ಕಿನ್​ ಎಂಬಾತ 1 ವರ್ಷಕ್ಕೂ ಅಧಿಕ ಕಾಲ ದೇಹದಲ್ಲಿ ಹೃದಯವೇ ಇಲ್ಲದೇ ಜೀವನ ನಡೆಸಿದ್ದ ಎಂದು ಹೇಳಿದ್ರೆ ನೀವು ನಂಬಲೇಬೇಕು..!

ಈ ಯುವಕನ ಕತೆ ವೈದ್ಯಲೋಕಕ್ಕೆ ಸವಾಲಾಗಿದ್ದು ಒಂದೆಡೆಯಾದರೆ ಸಾಮಾನ್ಯ ಜನತೆಯ ಕಣ್ಣಲ್ಲಿ ಈ ನೋವಿನ ಜೀವನ ಕಣ್ಣೀರು ತರಿಸುವಂತಿದೆ.

ಒಂದು ವರ್ಷಕ್ಕೂ ಅಧಿಕ ಕಾಲ ದೇಹದಲ್ಲಿ ಹೃದಯವೇ ಇಲ್ಲದೇ ಇದ್ದರೂ ಸಹ ಈತ ಸ್ನೇಹಿತರ ಜೊತೆ ವಿವಿಧ ಚಟುವಟಿಕೆಗಳಿಗೆ ಸಕ್ರಿಯವಾಗಿ ಭಾಗಿಯಾಗುತ್ತಿದ್ದ. ಲಾರ್ಕಿನ್​ 2016ರಲ್ಲಿ 25 ವರ್ಷಕ್ಕೆ ಕಾಲಿಡುತ್ತಿದ್ದಂತೆಯೇ ಈತನಿಗೆ ಹೃದಯದ ಕಸಿ ಮಾಡಲಾಯ್ತು. ಆದರೆ ಅಲ್ಲಿಯವರೆಗೆ ದಾನಿಗಾಗಿ ಕಾಯುತ್ತಿದ್ದ ಲಾರ್ಕಿನ್​​ ಸಿಂಕ್​ ಅರ್ಕಾಡಿಯಾ ಎಂಬ ಸಾಧನದ ಮೂಲಕ ಉಸಿರಾಡುತ್ತಿದ್ದ ಎನ್ನಲಾಗಿದೆ.

ಈ ಸಾಧನವು ಹೃದಯದಂತೆಯೇ ಕಾರ್ಯವನ್ನ ನಿರ್ವಹಿಸುತ್ತದೆ. ಈ ಕೃತಕ ಹೃದಯವನ್ನ ಲಾರ್ಕಿನ್​ 555 ದಿನಗಳ ಕಾಲ ಬಳಕೆ ಮಾಡಿದ್ದ ಎನ್ನಲಾಗಿದೆ. ಇದು ಹೃದಯದಂತೆ ಕಾರ್ಯನಿರ್ವಹಿಸುತ್ತೆ. ಆದರೂ ಇದನ್ನ ಶಾಶ್ವತ ಪರಿಹಾರವಾಗಿ ಪರಿಗಣಿಸಲು ಸಾಧ್ಯವಿಲ್ಲ. 13.5 ಪೌಂಡ್ ತೂಕವಿದ್ದ ಈ ಸಾಧನವನ್ನ ಬೆನ್ನಿಗೆ ಹಾಕಿಕೊಳ್ತಿದ್ದ ಲಾರ್ಕಿನ್​ ಈಗ ಎಲ್ಲರಂತೆ ಹೃದಯವನ್ನ ಹೊಂದಿದ್ದಾನೆ. ಈ ಬಗ್ಗೆ ಲಾರ್ಕಿನ್​ ಮಿಚಿಗನ್​ ಯೂನಿವರ್ಸಿಟಿ ಒಂದರಲ್ಲಿ ಮಾಹಿತಿ ನೀಡಿದ್ದ ಎನ್ನಲಾಗಿದೆ.